Skema e re e pensioneve dhe formula e përfitimit - Ekspertët: Reforma më e mirë. Mirëqënie dhe ulet deficiti
Javën e ardhshme pritet të prezantohen opsionet e mundshme të reformimit të skemës së pensioneve në konferencën ndërkombëtare “Reformimi i sistemit të pensioneve në Shqipëri”.
Rritja e numrit të popullatës në moshë pensioni në raport me numrin e kontribuuesve në skemë, kanë bërë që qeveria të rishikojë skemën e sigurimeve, ku pensioni të lidhet direkt me masën e kontributeve. Risitë e skemës lidhen me vjetërsinë minimale për të përfituar pension pleqërie apo pension social, nivelin e kontributit të dhënë, si dhe më kryesorja ndryshimi i gjithë formulës së përfitimit.
Në raportin e fundit, FMN projekton se kontributet supozohet të rriten së bashku me PBB-në për punëtor. Stimulimet bazohen në një grup të thjeshtë supozimesh që lidhen me çdo masë reformuese, përfshirë reformën e pagave si dhe ndikimin e emigrimit në numrin e mundshëm të përfituesve. Eksperti për çështjet e pensioneve Ramadan Kondi, ka thënë në emisionin GDP në SCAN tv, se duhet të përdoren skema të kombinuara.
“Skemat e kombinuara janë më të mira, madje duke përcaktuar dhe moshën kur duhet të fillojë, por futja në skemën kontribut për kontribues, është një barë e papërballueshme. Buxheti i shtetit mund të mos marë pjesë direkt në skemë, por duke përdorur reforma indirekte’’ - thotë eksperti Kondi.
Skema e re që po ndërmerret së bashku me Bankën Botërore, synon ngushtimin e diferencës mes pensionit minimal dhe atij maksimal. Të dhënat zyrtare nga Instituti i Sigurimeve Shoqërore tregojnë se vitin e kaluar, 51% e pensionistëve përfituan pension të pjesshëm.
Ekspertja e ekonomisë Romina Radonshiqi, në emisionin GDP, tha se kjo reformë konsiston në zhvillimin e parimit të pamjaftueshmërisë, duke siguruar përfitime më të larta për pensione nga skema e detyrueshme si dhe për kategoritë më vulnerabël të shoqërisë, siç janë pensionet e invaliditetit apo ato familjare.
“Po shikojmë një qasje, ku po jepet konsulenca e ndërkombëtarëve për të parë kush është zgjidhja më e mirë. Mendoj se kjo reformë, do të ndikojë më shumë pozitivisht se reformat e kaluara, do të jetë më e qëndrueshme për të zgjidhur problematikat me deficitin e skemës, por dhe për nivelin e pensioneve në Republikën e Shqipërisë dukë ndikuar në mirqënie,” thotë ekspertja dhe pedagogia Radonshiqi.
Aktualisht skema është me deficit, pasi kontributet nuk mbulojnë vlerën e pensioneve, për këtë arsye buxheti i shtetit paguan çdo vit rreth 500 milionë euro për ta financuar këtë skemë.
Sondazh
Viti i Ri Kinez, nisin festimet - Mijëra besimtarë mirëpresin fillimin e Vitit të Gjarprit
Mijëra njerëz anembanë botës festuan Vitin e Ri Hënor të mëkurën, duke respektuar traditat dhe ritualet përkatëse. Ky vit shënon vitin e gjarprit dhe......
Sa ndikoi pandemia në rritjen e sigurimit të jetës? - AMF: Shqiptarët, më të ndërgjegjësuar. “Boom” kontratash dhe primesh
Që prej pandemisë, shqiptarët janë ndërgjegjësuar më shumë për sigurimin e jetës së tyre. Në kushtet kur COVID-19 shkaktoi një numër të madh vdekjesh,......
Pagat e larta rrezikojnë Shqipërinë si destinacion turistik - FMN: Rritja e sforcuar dëmton konkurrencën e sektorit
Sektori i turizmit konsiderohet si motori i ekonomisë, duke dhënë ndikim në rritjen e shpejtë saj. Fondi Monetar Ndërkombëtar nënvizon se pas një bumi......
Transporti ajror “vulos” suksesin/ Fluturimet u rritën me 34%, u regjistruan rreth 10.7 milionë pasagjerë
Sipas të dhënave më të fundit në vitin që lamë pas, në hapësirën ajrore shqiptare kanë fluturuar gjithsej rreth 373 mijë avionë, nga të cilët 82% të tyre e......
Si do ndryshojë tregu i pronave në Shqipëri? Dokumenti/ Të drejta të qarta pronësie dhe sisteme eficiente regjistrimi
Qeveria parashikon një transformim të tregut të pronave në Shqipëri në funksion të zhvillimit të bizneseve dhe ekonomisë. Në programin e Reformave Ekonomike......
BE-ja zgjat sanksionet ndaj Rusisë për 6 muaj pasi Hungaria të hoqi kundërshtimet e saj!
Bashkimi Europian ra dakord për një zgjatje 6-mujore të hënën për një sërë sanksionesh që synojnë t'i privojnë Rusisë fondet për të financuar luftën e saj......
E marta “e zezë” e shoferëve - INSTAT: Vdekshmëria, 10.5 për 100 aksidente rrugore
Statistikat e publikuara nga INSTAT për periudhën janar- dhjetor 2024 tregojnë se janë regjistruar 1.666 aksidente, në krahasim me të njëjtën periudhë të......
Ku e merr “bukën” Shqipëria? Rreth 60% e peshës mbështetet vetëm në dy vende
Varësia e Shqipërisë nga importi i drithërave duket se është reduktuar në vitet e fundit pasi vihet re një rënie e sasisë së importuar dhe rritje e sasisë së......
