Skema e investimeve, 27 shkurti afati i fundit për dokumentet - Nga rrjetat antibreshër, tek serat diellore dhe agroturizmi. Deri 150 mijë euro financim
Fermerët që kanë aplikuar për Skemën e Investimeve, do të kenë afat deri më datën 27 Shkurt 2026 për të dorëzuar dokumentacionin plotësues të dosjes së tyre.
Përmes një udhëzimit të përbashkët të Ministrisë së Bujqësisë dhe Ministrisë së Financave, qeveria ka vendosur këtë datë si afat përfundimtar, ndërsa udhëzimi i mëparshëm lejonte një hapësirë prej 60 ditë pas përfundimit të aplikimit.
Po ashtu, në udhëzim përcaktohet se dorëzimi i dokumenteve përtej datës 27 shkurt 2026, do të skualifikojë aplikantët dhe në këtë pikë përjashtohet vetëm dokumenti i lejes së ndërtimit apo miratimit të njoftimit të punimeve/kontratës së lidhur me MBZHR, për zhvillimin e aktivitetit të akuakulturës për masën 17 e cila duhet të paraqitet para lidhjes së kontratës.
Më 30 shtator u mbyllën aplikimet për Skemën Kombëtare të Investimeve në Bujqësi 2025, me gjithsej 801 aplikime të regjistruara për nëntë masa mbështetëse që synojnë modernizimin e fermave, rritjen e prodhimit vendas dhe zhvillimin e qëndrueshëm të zonave rurale.
Konkretisht, financimi më i lartë do të jepet për ndërtimin e serrave diellore të reja për perime, luleshtrydhe dhe rrush tavoline, përfshirë edhe instalimin e sistemit të ujitjes, me sipërfaqe minimale 0.2 ha dhe sipërfaqe maksimale 2 ha.
Për këtë masë financimi nis nga 40 mijë euro për ha luleshtrydhet deri në 150 mijë euro/ha për serat e prodhimit të perimeve apo 50% të vlerës totale të faturave tatimore.
Për investime në mbjelljet e reja të pemëve frutore, ullinjve, agrumeve dhe vreshtave, financimi të bëhet për sipërfaqe jo më pak se 0,5 ha dhe jo më shumë se 10 ha, masa e përfitimit arrin deri në 8 mijë euro për hektarë.
Rrjeta për mbrojtjen e prodhimit nga breshëri në blloqet ekzistuese me pemë frutore, agrume dhe vreshta, masa e përfitimit arrin deri në 15 mijë euro/hektarë. Financimi të bëhet për sipërfaqe jo më pak se 1 ha dhe jo më shumë se 5 ha.
Për sistemet e ujitjes me pika në pemëtore, ullishte, agrume dhe vreshta ekzistues, financimi arrin deri në 2500 euro/ha.
Për ndërtimin e ambienteve të reja për mbarështimin e kafshëve dhe stabilimenteve për rritjen e shpendëve, financimi arrin deri në 150 mijë euro për subjekt.
Për mekanizimin dhe modernizimin e proceseve të punës në fermat bujqësore dhe blegtorale, masa e përfitimit arrin në 50 mijë euro për subjekt.
Mbështetja për linja/makineri/pajisje për përpunimin, seleksionimin, paketimin dhe etiketimin e perimeve, frutave, rrushit dhe verës, ullirit dhe vajit të ullirit arrin në afro 75 mijë euro për subjekt
Mbështetja për investime në agroturizëm do të jetë deri në 150 mijë euro për subjekt dhe po ashtu për akuakulturën detare për koshat e rritjes së peshku.
Për të përfituar nga këto masa mbështetëse, aplikanti: -nuk duhet të jetë debitor ndaj AZHBR-së dhe MBZHR-së; nuk duhet jetë debitor ndaj Drejtorisë së Përgjithshme të Tatimeve, të ketë shlyer “sigurimet shoqërore” në rastin e fermerëve individualë; të ketë tokën në pronësi dhe/ose me qira/huapërdorje për të paktën 5 vjet, duke filluar nga viti i aplikimit; të ketë lejen përkatëse të ndërtimit sipas legjislacionit në fuqi, para lidhjes së kontratës.
Përfituesve nga masat e mbështetjes së investimeve, pas lidhjes së kontratës u paguhet paraprakisht deri në 30% të masës së financimit të kontraktuar, kundrejt garancisë së pagesës së lëshuar nga shoqëri sigurimi dhe/ose banka, sipas përcaktimeve të kontratës.
Parku diellor në Spitallë merr licencën e prodhimit - Kapaciteti 100 MW, kompania u shpall fituese në ankandin e zhvilluar në vitin 2021
Enti Rregullator i Energjisë ka licencuar shoqërinë “Spitalla Solar”, në veprimtarinë e prodhimit të energjisë elektrike nga centrali fotovoltaik 100 MW, në......
“Mbi 50 mln euro në dispozicion për situatën e krijuar” - Ministri i Financave, Malaj: 15 mln euro shkojnë për dëmshpërblimet
Ministri i Financave Petrit Malaj tha se vlera totale për situatën e përmbytjeve në vend është mbi 50 milionë euro, nga të cilat 15 mln euro shkojnë për......
Akset nacionale, të hapura për qarkullimin e mjeteve - ARRSH: Ngrica dhe temperatura të ulëta, autoritetet në gatishmëri 24/7
Autoriteti Rrugor Shqiptar bën me dije se në orët e para të mëngjesit reshjet e shiut dhe të dëborës në të gjithë vendin kanë pushuar. Situata meteorologjike......
Si është mbyllur kjo javë për valutat kryesore?
Dollari amerikan pas disa luhatjeve të vazhdueshme gjatë kësaj jave e mbyll atë në vlera të qëndrueshme duke mos shënuar luhatje të ndjeshme këtë mëngjes......
“Janë evakuuar 339 persona nga 51 familje” - Kryeministri Rama mbledh Komitetin Ndërministror të Emergjencave Civile
Kryeministri Edi Rama, ka mbledhur mëngjesin e sotëm Komitetin Ndërministror të Emergjencave Civile për të bërë një bilanc të përmbytjeve si pasojë e......
Senati kufizon veprimet ushtarake të Trump - Duhet të autorizohet nga Kongresi. Pritet shqyrtimi në dhomën me 100 anëtarë
Senati Amerikan miratoi një rezolutë që do ta ndalonte Presidentin Donald Trump të ndërmerrte veprime të mëtejshme ushtarake kundër Venezuelës pa autorizimin......
80% e automjeteve të importuara, të përdorura! - Në Maqedoninë e Veriut mosha mesatare e makinave është 19,4 vite
Të dhënat e Drejtorisë së Doganave tregojnë se në dhjetë vitet e fundit, mbi 80% e automjeteve të importuara në Maqedoninë e Veriut, janë të përdorura. Në të......
“Ekonomia globale do të rritet me 2.7%” - OKB: Ndikime, tensionet tregtare, presionet fiskale dhe pasiguritë në rritje
Ekonomia globale parashikohet të rritet me 2.7 përqind në vitin 2026, pak më poshtë se 2.8 përqind e parashikuar për vitin 2025 dhe shumë më poshtë mesatares......
