Siguracioni i makinës u shtrenjtua - AMF: Primi mesatar u rrit me 6% në 2025, por mbeti sërish ndër më të ulëtit në Ballkan
Siguracioni i detyrueshëm i makinave në Shqipëri është shtrenjtuar, por vendi ynë vijon të ketë një nga primet mesatare më të ulëta në rajon. Të dhënat më të fundit nga raporti i Xprimm tregojnë se për vitin 2025, drejtuesit shqiptarë kanë paguar mesatarisht rreth 12,800 lekë, ose afërsisht 128 euro, për sigurimin e detyrueshëm të automjetit.
Krahasuar me një vit më parë, primi mesatar në Shqipëri është rritur me rreth 6%. Pra, kostoja e siguracionit është rritur, por Shqipëria mbetet në nivele relativisht të ulëta krahasuar me vendet e tjera të Ballkanit.
Në rajon, Maqedonia e Veriut ka primin mesatar më të ulët, rreth 105 euro. Pas saj renditet Serbia, me rreth 125 euro, ndërsa Shqipëria vjen menjëherë pas saj, me rreth 128 euro.
Në Mal të Zi, siguracioni mesatar arrin rreth 140 euro, ndërsa në Bosnje dhe Hercegovinë rreth 153 euro. Diferenca bëhet edhe më e dukshme kur krahasimi shtrihet te vendet e Bashkimit Evropian. Në Kroaci, për shembull, primi mesatar është rreth 195 euro, ndërsa në Slloveni arrin rreth 280 euro.
Pra, edhe pse çmimi i siguracionit është rritur në Shqipëri, kostoja mesatare mbetet ndër më të ulëtat në rajon.
Nga ana tjetër, të dhënat e tregut shqiptar tregojnë se sigurimi i detyrueshëm i automjeteve vijon të jetë një prej produkteve kryesore të tregut të sigurimeve. Në vitin 2025, primet e sigurimit të detyrueshëm motorik shënuan rritje, ndërsa edhe numri i kontratave u zgjerua.
Një tjetër tregues në raportin e Xprimm është raporti i kombinuar, i cili tregon se sa nga të ardhurat e kompanive të sigurimit shkojnë për dëmet dhe kostot e tjera të aktivitetit. Për Shqipërinë ky tregues është rreth 98.5%, pra shumë pranë nivelit ku shpenzimet dhe dëmet arrijnë të ardhurat nga primet.
Në një kohë kur siguracioni i makinës është një shpenzim i detyrueshëm për çdo drejtues automjeti, krahasimi me rajonin tregon se shqiptarët paguajnë më pak se drejtuesit në disa prej tregjeve të tjera të Ballkanit dhe Europës Qendrore, edhe pse çmimi është rritur gjatë vitit të kaluar.
E thënë ndryshe, siguracioni është bërë më i shtrenjtë, por Shqipëria vijon të jetë ndër tregjet me sigurimin e detyrueshëm të automjeteve më të lirë në rajon.
Serbia kërkon të shpërndajë parlamentin dhe të thërrasë zgjedhje të parakohshme
Qeveria e Serbisë tha të hënën se i ka kërkuar presidentit Aleksandar Vuçiç të shpërndajë parlamentin dhe të thërrasë zgjedhje të parakohshme......
Kompensimi për karburantin - 116 subjekte të transportit publik përfitojnë nga skema
Rritja e kostove të karburantit ka sjellë një tjetër masë mbështetëse për operatorët e transportit publik. Administrata Tatimore ka disbursuar të plotë......
Bilanci tregtar, si renditet Shqipëria në rajon? E dyta për deficitin ndaj PBB-së, por vetëm 39% mbulim i importeve
Shqipëria regjistroi gjatë vitit 2025 deficitin e dytë më të ulët të tregtisë së mallrave në Ballkanin Perëndimor, kur ky tregues matet në raport me......
Spanja, në udhëkryq energjetik - Nga suksesi i diellit dhe erës, tek revolucioni i baterive
Spanja është ndër vendet europiane që e nisën herët transformimin e sistemit energjetik drejt burimeve të rinovueshme. Investimet e vazhdueshme në energjinë......
Gjermania rrezikon gazin - Rezervat janë në nivelin më të ulët në 15 vite
Gjermania po hyn në sezonin e dimrit me rezervat e gazit në nivele shqetësuese. Shoqata gjermane e industrisë së magazinimit të gazit, INES, paralajmëron se......
Francezët, në alarm për verën - Nxehtësia dhe thatësira godasin prodhimin
Prodhimi francez i verës pritet të jetë ndër më të dobëtit në tre dekadat e fundit, pasi temperaturat ekstreme dhe thatësira kanë goditur rëndë vreshtat në......
Super impianti kundër karbonit - Holanda hap objektin më të madh në Evropë. 800 mijë ton CO₂ në vit
Një nga projektet më të mëdha të Evropës për uljen e emetimeve të karbonit ka nisur zyrtarisht operacionet në Holandë. Uzina e kompanisë Yara në Sluiskil......
Transporti publik/ 116 subjekte përfitojnë rreth 120 milionë lekë kompensim
Administrata Tatimore njofton se në mbështetje të operatorëve të transportit publik, ka realizuar në masën 100% fondin e alokuar prej 119,7 milionë lekë, për......
