Si po ndryshon sistemi bankar në 2025?-Nga Ziraat, Banka e Zhvillimit dhe tashmë te përfaqësia e BEI
Nga banka bujqësore turke Ziraat, Banka Shqiptare e Zhvillimit dhe tashmë te Banka Evropiane e Investimeve që pritet të ketë një zyrë përfaqësimi në Shqipëri, si pritet të ndryshojë struktura e sistemit financiar të vendit?
Aktualisht, në Shqipëri operojnë 11 banka, shumica prej tyre me kapital të huaj dhe një pjesë më e vogël me kapital vendas. Prej 19 vitesh, në Shqipëri rezulton të mos jetë licencuar asnjë bankë e re. Gjatë vitit të kaluar, Banka Ziraat paraqiti një kërkesë pranë Bankës së Shqipërisë për licencimin e degës së saj të parë në Tiranë. Nëse Banka e Shqipërisë licencon Ziraat në 2025, ajo do të jetë banka e dytë me kapital turk në Shqipëri. Një bankë e tillë, e cila është e specializuar për huadhënien ndaj bizneseve që operojnë në fushën e bujqësisë, pritet ta rrisë më tej mbështetjen financiare ndaj këtij sektori.
Nga ana tjetër, në muajin janar u publikua për konsultim publik projektligji mbi ngritjen e Bankës Shqiptare të Zhvillimit, e cila do të ofrojë mbështetje për sektorët e nënfinancuar dhe do të ketë rol plotësues ndaj financimeve të ofruara nga institucionet tregtare. Kjo bankë do të ofrojë gjithashtu mundësi për qytetarët që të investojnë në depozita, apo në tituj qeveritarë, por me një normë më të ulët interesi se bankat tregtare.
Ndërkohë, Zyra e Përfaqësimit të Bankës Popullore Pulieze në Shqipëri, të cilës ju hoq licenca në 2014, ka qenë e vetmja zyrë përfaqësimi e një banke të huaj në vend. Zyra të tilla licencohen me qëllim studimin e tregut dhe të kërkesave të publikut për produkte bankare në tregun shqiptar dhe nuk ushtrojnë veprimtari bankare, apo financiare.
Me miratimin së shpejti në Kuvend, edhe Banka Evropiane e Investimeve pritet të hapë një degë përfaqësimi në Shqipëri. Parashikohet që përmes kësaj dege, BEI të shtojë investimet ndaj sektorëve më të rëndësishëm të ekonomisë shqiptare nëpërmjet kredive me kushte të favorshme.
Sondazh
Rënie historike e Yield-it për obligacionet 15-vjeçare/ Kërkesa e lartë dhe politikat monetare ulin kostot e huamarrjes
Ecuria e titujve shtetërorë në tregun financiar ka qenë shpesh objekt analize nga “Scan Intel” duke pasqyruar ndikimin e politikave monetare dhe kërkesës së......
Shpejt, lirë dhe në ajër! - Fluturimet po zëvendësojnë mënyrat tradicionale të udhëtimit drejt Greqisë
Biletat low-cost, si rrjedhojë edhe të konkurrencës së kompanive ajrore që lidhin Tiranën me Athinën, po sfidojnë dhe zbehin mënyrën tradicionale të......
Banka Europiane e Investimeve hap degë në Shqipëri - Më shumë financim për projekte me fokus infrastrukturën
Banka Europiane e Investimeve (BEI) pritet të hapë një përfaqësi të saj në Shqipëri. Marrëveshja për këtë qëllim, e miratuar nga qeveria shqiptare në fund të......
Ekonomia shqiptare po bëhet më pak prodhuese/ Ndërmarrjet, të punësuarit dhe shitjet neto u rritën më shumë tek shërbimet
Sipas rezultateve të fundit të Anketës Strukturore të Ndërmarrjeve, duket se ekonomia shqiptare ka shënuar një rritje të ndjeshme të ndërmarrjeve që......
Hekurudha Vorë-Hani i Hotit, financimi më i ri i BEI - “Shqipëria ka nisur modernizimin e mbi 75% të rrjetit të saj hekurudhor”
Shqipëria ka nisur modernizimin, rindërtimin dhe elektrifikimin e mbi 75% të rrjetit të saj hekurudhor. Në raportin më të fundit për financimet e saj të......
Zgjedhjet e 11 majit, emigrantët votojnë nga 1 prilli - KQZ nis blerjen e kutive të votimit për procesin zgjedhor
Shqipëria do të mbajë zgjedhjet parlamentare më 11 maj, ku për herë të parë diaspora shqiptare do të ketë mundësinë të votojë nga jashtë në zgjedhjet e vitit......
“Tarifa 25% për makinat, produktet farmaceutike e çipet” - Trump “turbullon” tregtinë globale me masat e reja për importet
Presidenti i Shteteve të Bashkuara, Donald Trump tha se synon të vendosë tarifa për automjetet "rreth 25%" dhe detyrime të ngjashme për gjysmëpërçuesit dhe......
Investitorët gjermanë, me moralin “lart” - Besimi ekonomik përmirësohet përpara zgjedhjeve
Morali i investitorëve gjermanë u përmirësua me ritmin më të shpejtë në dy vjet gjatë shkurtit, me pritshmëritë që ekonomia do të rritet nën drejtimin e një......
