Si përcaktohet referenca e çmimit të banesave? - Demirxhiu: Faktorët janë nga mesatarja e shitjeve. Të indeksohen çdo vit

Pak ditë më parë Ministria e Ekonomisë, Kulturës dhe Inovacionit, publikoi në Fletoren Zyrtare, çmimet e reja mesatare të shit-blerjeve të banesave në treg.

Sipas zonave kadastrale për 61 bashkitë në vend, të cilat rezultojnë me rritje të konsiderueshme në pjesën më të madhe të territorit të vendit krahasuar me vitin 2023.

Por çfarë thonë ekspertët, por cilët janë faktorët që merren parasysh për të përcaktuar çmimin e referencës?

Ervin Demirxhiu- Vlerësues pronash:

“Ccmimi i referencës përcaktohet nga mesatarja e shitjeve në atë zonë ku bëhet fjalë. Merren mesataret ndoshta në afat vjetor, të gjithë shitjet në afat vjetor, në atë zonë konkrete dhe vendoset ccmimi mesatar që është dhe kosiston të jetë ccmimi i atyre pronave.”

Por sipas ekspertit të vlerësimit të pronave, çmimi i referencës nuk është një çmim i drejtë.

“Ccmimi i referencës nuk mund të themi që është një ccmim i drejtë. Sepse ne marrim konkretisht ku ndodhemi në zyrën tonë, kjo është një godinë që është buzë rruge, por kjo godinë buzë rruge ka dhe njësi tregtare që janë nga mbrapa, sigurisht nuk është e njëjta vlerë. Me ccmimin e referencës këto kanë të njëjtën vlerë, por realisht ccmimi i tregut ndryshon.”

Referuar urdhrit të Ministrisë së Ekonomisë, Kulturës dhe Inovacionit, të publikuar në Fletoren Zyrtare, çmimi mesatar i sipërfaqes banuese për m2 në Tiranë arrin në 124.316 lekë, në Durrës arrin në 71.157 lekë/m2.

Në bashkinë Elbasan një m2 sipërfaqe banimi arrin në 55,400 lekë, në Fier çmimi i shitjes regjistrohet në 55.375 lekë/m2, në bashkinë Vlorë çmimi i ri rezulton 66.680 lekë/m2. Rritje të çmimeve kanë shënuar dhe qytetet e tjera të cilat janë rritur mesatarisht mbi 4 mijë lekë për m2.