Shqipëria Postuar më 15 Mars 2025, 11:27

Si duhet të përmirësohet digjitalizimi në turizëm? - Sitet kulturore të Shqipërisë në aplikacione për më shumë vizitorë

Nga Diamila Leka

Si duhet të përmirësohet digjitalizimi në turizëm? -

Strategjia e Specializimit Inteligjent 2024-2030, ka në fokus nxitjen e inovacionit dhe zhvillimit të qëndrueshëm të ekonomisë dhe jo vetëm, përmes ndërhyrjeve publike dhe private. Një nga pikat e kësaj strategjie është nisma gjithëpërfshirëse për përmirësimin digjital të turizmit. Synimi i kësaj nisme, është shfrytëzimi i fuqisë transformuese të realitetit virtual dhe të platformave digjitale gjithëpërfshirëse për të pasuruar përvojën e turistëve në nivele të ndryshme.

Peizazhet dhe trashëgimia e pasur kulturore e Shqipërisë, do të mund të ofrojë një mundësi unike për të kombinuar turizmin tradicional, me teknologjinë moderne. Përmes kësaj, do të përmirësohet aksesueshmëria dhe pse jo promovimi i ofertave turistike të Shqipërisë duke zhvilluar harta intereaktive online apo aplikacione të dedikuara mobile.

Në këto mjete digjitale, pritet që të ofrohet një navigim i lehtë në sitet turistike të Shqipërisë, të cilat do mund të jenë të pasuruara me përmbajtje multimediale si guida audio, klipe video dhe tregime interaktive për të interesuarit.

Përmes kësaj nisme, Shqipëria nuk promovon vetëm turizmin, por ajo synon të krijojë një përvojë gjithëpërfshirëse dhe të pasur për vizitorët, që shfrytëzon inovacionin digjital për të theksuar bukurinë natyrore dhe pasurinë kulturore të saj. Qëllimi është ta bëjë Shqipërinë një destinacion të domosdoshëm në hartën digjitale globale, duke tërhequr një audiencë më të gjerë dhe duke nxitur një lidhje më të thellë mes vizitorëve dhe trashëgimisë së pasur shqiptare. Ky bashkim strategjik i teknologjisë dhe turizmit pritet të  nxisë rritjen  konomike, të përmirësojë ruajtjen e kulturës dhe të transformojë perceptimin e Shqipërisë si një pionier në turizmin digjital.

 

Sondazh

Poll

Live TV

Të fundit
Të gjitha lajmet

Më të vizituarat