Si do të mbahen punonjësit e turizmit gjatë gjithë vitit? - Topuzi: Subvencion deri në 4 paga, synohet rikthimi i emigrantëve
Zgjatja e sezonit turistik përtej muajve të verës mbetet një nga sfidat kryesore për sektorin e turizmit. Përtej nevojës për të shtuar aktivitetin gjatë muajve të tjerë të vitit, sektori po kërkon edhe një zgjidhje për mbajtjen e punonjësve gjatë periudhës jashtë sezonit.
Kreu i Shoqatës së Hoteleri-Turizmit, Zak Topuzi, bën me dije se është avancuar në diskutimet me qeverinë për subvencionimin e pagave të punonjësve sezonalë. Sipas tij, skema parashikon mbështetje financiare për një periudhë deri në katër muaj, me një nivel page minimal-mesatar.
“Jemi në një fazë të avancuar me qeverinë, falë përpjekjeve të shoqatës dhe angazhimit profesional dhe të ekspertëve tanë, për të subvencionuar pagën e punonjësve sezonalë të turizmit deri në katër muaj me një pagë minimale-mesatare, gjë që e bën pothuajse gjithë rajoni. Është parashikuar në strategjinë e turizmit 2026-2030. Jemi të angazhuar me të dy ministritë, dhe të Financave dhe të Turizmit, për ta finalizuar që këtë vit. Dhe në rast se ne do ta arrijmë këtë gjë, turizmi do të jetë një nga industritë që nuk do të ketë nevojë më për punonjës të huaj, do të rikthehen punonjësit shqiptarë, një pjesë e mirë e tyre që punojnë në turizëm në Greqi, dhe do të kemi një turizëm të qëndrueshëm.”
Skema synon të shmangë largimin e punonjësve pas përfundimit të sezonit dhe të krijojë më shumë stabilitet në tregun e punës.
Sipas përfaqësuesve të sektorit, mbështetja e pagave mund të nxisë rikthimin e një pjese të shqiptarëve që punojnë jashtë vendit, duke ulur njëkohësisht nevojën e bizneseve turistike për të rekrutuar punonjës të huaj.
Subvencionimi i pagave të punonjësve sezonalë është parashikuar në Strategjinë e Turizmit 2026–2030, ndërsa sektori synon që mekanizmi të finalizohet dhe të nisë zbatimin që gjatë këtij viti.
Plane të reja për transportin e qëndrueshëm/ Nyjet urbane TEN-T duhet t’i miratojnë deri në fund të 2027-ës
Qytetet shqiptare që do të përcaktohen si nyje urbane të rrjetit trans-evropian të transportit do të duhet të hartojnë dhe miratojnë Planet e Qëndrueshme të......
Bizneseve u kthehen në llogari 82 milionë euro TVSH - Shtatë mujori/ Qershori regjistron shifrën më të lartë, ulet koha e përpunimit të kërkesave
Bizneset kanë marrë mbrapsht përmes procesit të rimbursimit të TVSH-së rreth 7.6 miliardë lekë apo 82 milionë euro në 7 muaj. E ndarë sipas muajve, vihet re......
Importet kushtojnë më pak në tremujorin e dytë/ Çmimet pothuajse të pandryshuara, rënia më e fortë te energjia
Çmimet e produkteve industriale të importuara kanë vijuar të mbeten të qëndrueshme në tremujorin e dytë të vitit 2026, duke shënuar një rënie të lehtë në......
Çmimet e prodhimit rriten lehtë/ Tregu vendas shtrenjtohet, eksportet kushtojnë më pak
Çmimet e prodhimit në ekonomi kanë shënuar vetëm një rritje të lehtë në tremujorin e dytë të vitit 2026. Sipas INSTAT, Indeksi i Çmimeve të Prodhimit arriti......
Rikthehet Panairi i Produkteve Artizanale në Green Coast/ “DUART”, një mbrëmje kushtuar artit dhe mjeshtërisë
Panairi i Produkteve Artizanale është rikthyer për të katërtin vit radhazi në Green Coast, këtë herë nën konceptin “DUART”, që vendos në qendër punën e......
Volkswagen do të shkurtojë 100,000 vende pune/ Ristrukturimi më i madh i ndodhur ndonjëherë në industrinë e automjeteve
Kompania Volkswagen është gati të pushojë nga puna 1 në 7 prej punëtorëve të saj. Gjigandi gjerman i makinave njoftoi se drejtuesit e kompanisë dhe......
Në 19 vite, 285 mijë qytetarë legalizuan shtëpitë/ Refuzohen 6 mijë aplikime. Procesi përfundon në 2028-ën
Pavarësisht se ka vite që ka nisur, procesi i legalizimit të ndërtimeve informale konsiderohet si një proces kompleks dhe afatgjatë, i kushtëzuar nga numri i......
Aeroporti i Tiranës kryeson rajonin/ Rreth 6 milionë pasagjerë në gjashtë muaj
Aeroporti Ndërkombëtar i Tiranës vijon të shënojë rezultate të larta në trafikun ajror, duke kryesuar aeroportet e rajonit për numrin e pasagjerëve gjatë......
