Si do të blihen kompanitë e listuara? - Projektligji, për konsultim/ Synohen çmime të drejta dhe barazi për aksionarët
Ndryshime të reja janë propozuar në ligjin që rregullon mënyrën se si blihen dhe merren nën kontroll kompanitë e listuara në Shqipëri. Bëhet fjalë për kompanitë që shesin aksione publikisht dhe që mund të blihen nga investitorë të mëdhenj, vendas apo të huaj.
Me këtë projektligj, synohet që rregullat shqiptare të bëhen të njëjta me ato të Bashkimit Evropian. Autoritetet thonë se kjo është e nevojshme për të rritur besimin në treg dhe për ta bërë Shqipërinë më tërheqëse për investime.
Në thelb, ligji ka të bëjë me mbrojtjen e qytetarëve që zotërojnë aksione, edhe kur kanë pak prej tyre. Nëse një kompani ose investitor kërkon të blejë shumicën e aksioneve dhe të marrë kontrollin, ai duhet t’u bëjë ofertë të barabartë të gjithë aksionarëve dhe me një çmim të drejtë.
Një nga ndryshimet kryesore është se, nëse blerësi paguan më shumë për disa aksione gjatë ofertës, atëherë i njëjti çmim duhet t’u paguhet të gjithëve. Kjo bëhet për të shmangur marrëveshjet e fshehta dhe për të garantuar barazi.
Projektligji rrit edhe transparencën. Kushdo që bën një ofertë, duhet të shpjegojë qartë se sa paguan, pse është ky çmim dhe si është llogaritur. Vendimi final për pranimin ose jo të ofertës i takon aksionarëve, jo bordeve drejtuese.
Autoriteti i Mbikëqyrjes Financiare merr më shumë fuqi për të mbikëqyrur procesin dhe për të ndërhyrë kur ka abuzime ose situata të pazakonta. Gjithashtu, procedurat thjeshtohen për investitorët e huaj, pasi dokumentet e miratuara në vendet e Bashkimit Evropian do të njihen edhe në Shqipëri.
Sipas qeverisë, ligji nuk sjell kosto për buxhetin e shtetit, por pritet të ndihmojë zhvillimin e tregut të kapitaleve dhe afrimin e vendit me standardet evropiane.
Disa nga rregullat do të hyjnë në fuqi menjëherë, ndërsa të tjerat do të zbatohen kur Shqipëria të anëtarësohet në Bashkimin Evropian.
Vetëm 4% e emigrantëve shqiptarë, të vetëpunësuar/ Gratë e kthyera herët shfaqin angazhimin më të lartë sipërmarrës pas rikthimit
Emigrantët shqiptarë që jetojnë dhe punojnë jashtë vendit shfaqin nivele më të larta punësimi krahasuar me popullsinë jo-emigrante në Shqipëri, por një......
Kufizime për automjetet e reja Futja në treg, ligji i ri: Vetëm nëse përmbushin kërkesat e për emetimet e CO₂
Ligji i ri “Për ndryshimet klimatike” parashikon masa të reja për uljen e emetimeve nga sektori i transportit, duke vendosur kufizime dhe detyrime specifike......
Trump tërheq SHBA-në nga traktati i OKB-së për klimën dhe nga 65 organe të tjera ndërkombëtare!
Presidenti Trump nënshkroi një urdhër ekzekutiv që pezullon pjesëmarrjen e SHBA-së në 66 agjenci të OKB-së, përfshirë traktatin e OKB-së për klimën, duke......
Mbi 338 mijë automjete të kontrolluara në 2025 - DPSHTRR: 23.5% e tyre, me probleme teknike dhe nuk e kaluan testin
Gjatë vitit 2025 në të gjithë vendin janë kryer 338.880 testime teknike të automjeteve, ku një numër i konsiderueshëm nuk arritën të përmbushin standardet e......
Rivlerësimi i pasurive, cila është procedura që ndiqet? - Ligji hyn në fuqi më 22 Janar, afati deri në 31 Dhjetor 2026
Nga data 22 janar deri më 31 dhjetor 2026, të gjithë individët, të cilët kanë në pronësi pasuri të paluajtshme, do të kenë mundësi që të bëjnë rivlerësimin......
Reshje intensive në të gjithë vendin - IGJEO: Vërshime të shpejta të lumenjve dhe rrëshqitje dherash
Reshjet e dendura të shiut që kanë pushtuar vendin prej disa ditësh vijojnë edhe këtë të enjte. Sipas institutit të Gjeoshkencave, priten reshje intensive në......
Pagat e grekëve, më të ulëta se përpara krizës - Të fundit në BE për rrogat mesatare, të parët për çmimet!
Pesëmbëdhjetë vjet pas shpërthimit të krizës së madhe fiskale, Greqia ende po përballet me të kaluarën, pasi pavarësisht rimëkëmbjes së ndjeshme të dekadës......
Luhatje në tregun valutor- Sa këmbehen sot monedhat e huaja?
Dollari amerikan ka regjistruar një rritje të lehtë të kuotës këtë mëngjes duke fituar pikë nga një ditë më parë pasi është blerë sot me 82 lekë dhe është......
