Shteg i ri turistik në Dumre - Synohet rritje e aksesit dhe vizitorëve
Bashkia Belsh ka shpallur hapjen e garës krijimin e shtegut turistik Liqeni i Degës – Liqeni i Çestijes – Liqeni Merhojës dhe Kompleksi Dumrea Eco Park në Marinëz. Fondi limit i përllogaritur është 16 milionë e 116 mijë lekë.
Sipas dokumentit në Agjencinë e Prokurimit Publik, ky projekt ka për qëllim ndërtimin e një shtegu turistik me gjatësi totale 3 kilometra, që do të shërbejë si rrugë lidhëse midis zonave turistike Eco Park, Liqeni i Degës dhe Liqeni i Paraskës. Shtegu do të ketë një gjerësi prej 3 metrash dhe është konceptuar për përdorim të përbashkët nga këmbësorë, biçikleta dhe mjete të vogla të mirëmbajtjes.
Dumreja është e njohur për peizazhin e saj të veçantë natyror, të ndërtuar nga një seri liqenesh karstike të shpërndara në gjithë territorin, të cilat përbëjnë një aset të rëndësishëm për zhvillimin e turizmit natyror dhe ekologjik.
Referuar dokumentit, rruga turistike e planifikuar lidh tre pika me interes të lartë rekreativ – Eco Park, Liqenin e Degës dhe Liqenin e Paraskës. Aksesueshmëria ekzistuese është e kufizuar, ndaj ndërtimi i këtij shtegu synon përmirësimin e ndjeshëm të lidhjes midis këtyre zonave natyrore, duke krijuar një itinerar të qëndrueshëm dhe të përshtatshëm për vizitorë e banorë vendas.
Projekti parashikon gjithashtu vendosjen e sinjalistikës orientuese e informuese për turistët dhe vizitorët, si dhe rehabilitimin e anësive të rrugës me elementë natyrorë dekorativë, duke siguruar qëndrueshmëri, siguri dhe integrim estetik me mjedisin përreth.
Ndërtimi i këtij shtegu do të ketë një ndikim të dukshëm pozitiv në komunitetin lokal dhe në zhvillimin ekonomik të zonës. Rruga do të mundësojë një akses më të mirë drejt pikave turistike, duke nxitur rritjen e fluksit të vizitorëve dhe krijimin e mundësive të reja për zhvillimin e aktiviteteve turistike, agroturizmit dhe shërbimeve mbështetëse.
Gjatë fazës së ndërtimit do të krijohen vende pune për banorët e zonës, ndërsa pas përfundimit të punimeve, përmirësimi i infrastrukturës do të ndikojë në rritjen e vlerës së pronave dhe në fuqizimin e lidhjeve sociale midis komuniteteve. Punimet do të realizohen në përputhje me parimet e mbrojtjes së mjedisit, duke ruajtur karakterin natyror të peizazhit.
Ndërtimi i shtegut turistik Eco Park – Liqeni i Degës – Liqeni i Paraskës, do të kontribuojë në forcimin e identitetit turistik të zonës së Dumresë dhe në përmirësimin e cilësisë së jetës për komunitetin lokal, thuhet në dokument.
Kush duhet të rrisë vlerën e pronës? - Rivlerësimi i pasurive, kostot dhe përfitimet
Nga 1 Janari 2026 qytetarët shqiptarë do të kenë mundësinë të rivlerësojnë pasuritë e tyre me normë tatimore 5 %, me qëllim për të afruar vlerat kadastrale......
Tregu evropian i hidrogjenit të gjelbër has pengesa - Kostot e larta të prodhimit dhe pasiguria, ndër sfidat më të mëdha
Qëllimi i Bashkimit Evropian për të prodhuar 10 milionë tonë hidrogjen të rinovueshëm deri në vitin 2030 bie ndesh me realitetin aktual të tregut. Kjo vjen......
Kreditë e këqija rikthehen në rënie në tetor/ Treguesi i huave me probleme luhatet, por mbetet në nivele të shëndetshme
Të dhënat më të fundit nga Banka e Shqipërisë tregojnë se pas një periudhe disamujore stabiliteti, niveli i kredive me probleme u rrit lehtë gjatë muajit......
Çfarë ka ndodhur sot në tregun valutor – Luhatje të lehta për Frangën zvicerane
Dollari amerikan ka arritur të stabilizohet këtë mëngjes pas një rënie të lehtë por të vazhdueshme që pësoi gjatë këtyre ditëve teksa është blerë sot me 82.5......
Franca miraton buxhetin e sigurimeve shoqërore - Asambleja Kombëtare aprovon projektligjin mes tensioneve politike
Projektligji për Financimin e Sigurimeve Shoqërore u miratua me rezultat të ngushtë nga dhoma e ulët e parlamentit francez. Kjo ishte një fitore e madhe për......
“2025, viti i dytë ose i tretë më i nxehtë në histori” - Shkencëtarët e BE-së: Ngrohja globale, në nivele të rrezikshme
Ky vit pritet të jetë i dyti ose i treti më i nxehtë në histori, potencialisht vetëm pas vitit 2024, që shënoi temperatura rekord, sipas Shërbimit të......
Investitorët “zgjedhin” Kosovën - Investimet e huaja direkte u rritën me 20% në 2025
Fluksi neto i investimeve të huaja direkte (IHD) në Kosovë arriti në 730.2 milionë euro në nëntë muajt e parë të vitit 2025, nga 605.7 milionë euro në të......
Çmimet rekord “zbehin” turizmin kroat - Kostot për vizitorët janë rritur me 50% që nga viti 2020
Sezoni veror i vitit 2025 në Kroaci ka thelluar shqetësimet për pozicionin e vendit në tregun mesdhetar, pasi korriku dhe gushti sollën rënie të dukshme të......
