Shqiptarët të “lidhur” pas kredisë për blerje banese - BSH: Ajo për blerje mallrash të qëndrueshëm dhe jo të qëndrueshëm, rënie drastike
Miti se shqiptarët marrin kredi vetëm për blerje banese duket se është i vërtetë, pasi shifrat e Bankës Qendrore tregojnë se po merret gjithnjë e më pak kredi për konsum.
Të dhënat më të fundit nga Banka e Shqipërisë tregojnë se kredia e re në lekë për blerjen e mallrave jo të qëndrueshëm ishte 2.6 miliardë lekë në fund të korrikut. Kjo kredi e marrë nga qytetarët për mbulimin e shpenzimeve për ushqim, cigare, pije, karburant, produkte kozmetike, të pastrimit, veshje apo këpucë, ka rënë me gati 5.5% në krahasim me muajin paraardhës.
Nga ana tjetër, kredia në lekë për blerjen e mallrave të qëndrueshëm, të cilët në ndryshim me mallrat e përmendura më sipër, nuk konsumohen me një përdorim dhe kanë jetëgjatësi më të madhe, është regjistruar në 1.3 miliardë lekë në fund të korrikut. Blerja e makinave, elektroshtëpiakeve, mobiljeve, lodrave dhe të tjera, është mbuluar përmes kësaj kredie që në krahasim me muajin qershor, ka pësuar një rënie drastike prej 13%.
Nga këto shifra, totali i kësaj kredie të re rezulton 4 miliardë lekë, me një rënie prej 5.9% vlerësuar me qershorin. Nga 9.8 miliardë lekë që është e gjithë kredia e re e marrë nga individët në fund të muajit korrik, 4.6 miliardë është vetëm për blerje banese.
E thënë ndryshe, 47.5% e kredisë është përdorur për blerje banese nga individët, 41.3% e vlerës totale është blerje e mallrave të qëndrueshëm dhe jo të qëndrueshëm, 6.3% për overdraft dhe 3.8% për qëllime të tjera.
Kredia për blerje mallrash të qëndrueshëm dhe jo të qëndrueshëm vijon të merret kryesisht nga institucionet financiare jo banka dhe jo nga vetë bankat, për shkak të procedurave më të thjeshta të miratimit. Institucionet e mikrofinancës janë shpeshherë të lidhura me biznese të caktuara, sidomos ato që ofrojnë pajisje elektronike, duke i ofruar qytetarit mundësinë e blerjes së pajisjes përmes kredisë së menjëhershme.
Si ndryshoi numri i fëmijëve në kopshte në një dekadë? Në qytet panorama pozitive, në fshatra u përgjysmuan regjistrimet
Numri i fëmijëve të regjistruar në kopshte në Shqipëri ka ndryshuar ndjeshëm gjatë dhjetë viteve të fundit, duke reflektuar realitetin demografik dhe social......
Ura e Milotit, në rikonstruksion emergjent - Tenderi për punimet mbyllet pa ankesa, do zgjatin 8 javë nga nënshkrimi i kontratës
Tenderi për ndërhyrje emergjente në Urën e Milotit mbi lumin Mat është mbyllur pa ankesa, duke i hapur përzgjedhjes që kompanisë që do të kryejë......
PS përzgjedh drejtuesit e komisioneve parlamentare - Ish-ministrat Manja, te Ligjet, Hasani te ai i Jashtëm. Denaj për Burimet Natyrore
Në mbledhjen e tij të parë, grupi parlamentar i Partisë Socialiste, nën drejtimin e kryeministrit Edi Rama ka përcaktuar drejtuesit e komisioneve......
“Taksë për çdo panel diellor” - Çekrezi: Të ndalohet futja e produkteve të pacertifikuara, duhet menduar për të ardhmen
“Zhvillimi i shpjetë i energjisë fotovoltaike në vendin tonë duhet të shoqërohet edhe me mekanizma kontrolli, në mënyrë që këto investime të jenë afatgjata,......
Më shumë se 320,000 të papunë në Bosnjë - Punonjësit e kualifikuar përbëjnë mbi 31% të totalit
Në fund të muajit korrik, Bosnja dhe Hercegovina regjistroi një total prej 320,940 personash të papunë. Këto shifra pasqyrojnë një situatë shqetësuese për......
Nis hetimi për tregun e telefonisë celulare - Autoriteti i Kokurrencës fton qytetarët të kontribuojnë
Autoriteti i Konkurrencës ka nisur një hetim paraprak në tregun me pakicë të shërbimeve celulare në vend. Subjekt i këtij hetimi janë dy operatorët në tregun......
Për çdo 345 euro nga emigrantët, 5.9% mbahen komision - Sa është kostoja e remitancave që ata sjellin në atdhe? SEPA, ndikim kritik
Jo vetëm në Shqipëri, por në të gjithë rajonin, paratë që sjellin emigrantët kanë ndikim të drejtpërdrejtë në rritjen e mirëqenies ekonomike të familjeve të......
Apple lançon serinë e fundit të iPhone/ Sa muaj punë i duhet një shqiptari për ta blerë?
iPhone është një nga seritë më të preferuara në mbarë botën, duke pasur parasysh të gjitha avancimet që ka sjellë në teknologjinë e telefonave inteligjentë.......
