Shqiptarët i “largohen” euros - BSH: Paketa e deeuroizimit jep efekt në pakësimin e kredive dhe depozitave në valutë
Shqipëria ka bërë hapa përpara drejt uljes së përdorimit të euros dhe rritjes së përdorimit të lekut. Kështu thotë Banka e Shqipërisë në raportin e saj më të fundit mbi procesin e deeuroizimit, teksa thekson se pavarësisht këtij përmirësimi, euro vijon të përdoret gjerësisht dhe duhen bërë akoma më shumë përpjekje për uljen e pranisë së saj në ekonominë dhe sistemin financiar të vendit.
Konkretisht, në gjysmën e parë të 2025 është vërejtur një rënie e kredive në valutë të pambrojtura nga kursi i këmbimit. Pra, pesha e kredive të marra në euro, kur të ardhurat kanë qenë në lekë ka pësuar ulje.
Gjithashtu, është shënuar një rënie e peshës së aktiveve likuide në valutë ndaj detyrimeve afatshkurtra në valutë, pakësim të kredive në valutë në raport me totalin e kredive, rënie e lehtë e peshës së depozitave në valutë dhe rritje e mëtejshme e depozitave në monedhën vendase me afat mbi një vit. Të gjithë këto janë tregues pozitivë në drejtim të deeuroizimit.
Në maj të këtij viti, Banka e Shqipërisë vendosi disa tavane mbi masën e kredisë që do të japin bankat ndaj qytetarëve që duan të blejnë një shtëpi të parë ose të dytë në lek dhe në euro. Vendosja e kufijve më shtrëngues për kreditë në valutë, ka mbështetur rritjen e përdorimit të monedhës vendase në këtë lloj kredie.
Që prej vitit 2018, Banka e Shqipërisë po zbaton një paketë masash, me qëllim uljen e përdorimit të monedhave të huaja dhe nxitjen e përdorimit të monedhës vendase. Paketa e deeuroizimit përmban tre elemente kryesore që përfshijnë diferencimin e normës së rezervës së detyrueshme për detyrimet në valutë dhe ato sipas afatit të maturimit në lek, kërkesa më të larta për treguesit e likuiditetit në valutë dhe ndërgjegjësimin e qytetarëve për rrezikun që paraqet huamarrja në valutë.
150 mijë euro financim për serat diellore - Skema e investimeve/ Nga rrjetat antibreshër, tek agroturizmi. Kriteret
Fermerët dhe agrobizneset kanë afat aplikimi deri më 30 shtator për të përfituar financim përmes Skemës së Investimeve në bujqësi. Ministria e Bujqësisë ka......
“Befason” arsimi i lartë, rriten regjistrimet/ Biznesi, shkencat natyrore dhe teknologjia, degët më të preferuara
Sipas të dhënave nga INSTAT, arsimi i lartë sjell ndryshime pozitive për vitin akademik 2024-2025. Me 122,613 studentë të regjistruar është shënuar një......
Bizneset, detyrime për shkarkimet e gazeve serrë - Monitorimi, sipas sistemit evropian. Kosto shtesë për industrinë
Ndryshimet e propozuara në ligjin “Për ndryshimet klimatike” vendosin detyrime të qarta ligjore për kompanitë që prodhojnë, transportojnë ose përdorin lëndë......
Intensifikohen zjarret në vend/ MM: 50 vatra në 24 orët e fundit, 19 ende aktive!
Ministria e Mbrojtjes bëri të ditur sot se gjatë 24 orëve të fundit janë evidentuar 50 vatra zjarri, 19 ndër të cilat mbeten ende aktive. Vatrat aktive......
Rreth 65% e borxhit të brendshëm mbahet nga bankat - Shumica e tij gjendet në obligacione. Bie edhe raporti ndaj PBB
Borxhi i brendshëm ka arritur shifra rekord gjatë këtij viti. Sipas buletinit statistikor të Ministrisë së Financave, ky stok vlerësohet të ketë kapur vlerën......
Si ndikohen zjarret nga ndryshimet klimatike? - Evropa, kontinenti më i rrezikuar nga rritja e temperaturave
Zjarret kanë përfshirë zona të ndryshme të Mesdheut këtë muaj, duke detyruar mijëra njerëz në rajonin e Katalonjës në Spanjë të qëndrojnë në izolim dhe duke......
Biznes në Shqipëri? Lehtësohen procedurat - Ndryshon ligji/ Regjistrim online për investitorët e huaj dhe emigrantët
Investitorët e huaj apo emigrantët shqiptarë në të gjithë botën që dëshirojnë të investojnë në atdhe, tashmë do ta kenë më të lehtë ta bëjnë këtë vetëm......
Luhatje të përgjithshme në tregun valutor – Forcohen Dollari dhe Paundi. Rënie për Frangën e Euron!
Dollari amerikan ka regjistruar rritje të vlerës këtë mëngjes duke rikuperuar pikë nga rënia e vazhdueshme që pësoi javës që shkoi teksa është blerë sot me......
