Shqipëria, qendër inovacioni dhe zhvillimi - Hyn në fuqi Strategjia e Specializimit Inteligjent. Cilat janë fushat prioritare?
Shqipëria është drejt rrugës së transformimit në një qendër inovacioni dhe zhvillimi. Sapo ka hyrë në fuqi Strategjia e Specializimit Inteligjent 2024-2030 (S3), e cila synon të identifikojë fusha premtuese, të referuara si fusha prioritare, me qëllim nxitjen e inovacionit dhe zhvillimit të qëndrueshëm përmes ndërhyrjeve publike dhe private.
Këto fusha prioritare identifikohen bazuar në pikat e forta ekonomike, inovative dhe shkencore të vendit, njohuritë e ekspertëve dhe dialogun me palët e interesit të sektorit privat, akademisë dhe shoqërisë civile. Pikërisht ky mospërcaktim i fushave prioritare vetëm nga politikëbërësit, është një nga veçoritë kryesore të procesit strategjik.
Tre nga fushat prioritare të kësaj strategjie janë energjia e rinovueshme dhe burimet natyrore, turizmi, zinxhiri ushqimor i shëndetshëm dhe i qëndrueshëm.
Fusha e parë synon konsolidimin e Shqipërisë si lider në energjinë e rinovueshme dhe menaxhimin e qëndrueshëm të burimeve. Për këtë parashikohet rritja e investimeve në energjinë e rinovueshme, duke përfshirë liberalizimin e tregut të energjisë, përmirësimi i procedurave për dhënien e lejeve dhe licencave për kompanitë që operojnë në këtë sektor, investimi në zhvillimin e rrjeteve inteligjente dhe sistemeve të ruajtjes së energjisë, rritja e infrastrukturës energjetike, duke përfshirë ndërtimin e qendrave teknologjike dhe stacioneve të karikimit për të mbështetur transportin elektrik dhe të tjera. Gjithashtu, objektiv është edhe zgjerimi i depozitave ekzistuese minerale dhe eksplorimi i depozitave të reja.
Prioriteti i turizmit synon të tërheqë një audiencë globale duke ruajtur integritetin ekologjik dhe historik të vendit. Strategjia mbështet përmirësimet e infrastrukturës, proceset e marketingut dhe projektet e bazuara në komunitet që përmirësojnë përvojat e vizitorëve dhe nxisin zhvillimin ekonomik lokal.
Ndërkohë, prioriteti i tretë thekson kalimin drejt bujqësisë organike dhe prodhimin e ushqimit të qëndrueshëm. Ai mbështet adoptimin e praktikave që garantojnë dhe përmirësojnë sigurinë ushqimore, si dhe reduktojnë ndikimin mjedisor të bujqësisë.
Me qëllim arritjen e objektivave të këtyre sektorëve prioritarë do të ndërmerren disa masa që përfshijnë zhvillimin e kapitalit njerëzor, mbështetjen e kërkimit dhe inovacionit, mbështetjen e mjedisit të biznesit dhe inovacionit, digjitalizimin në drejtim të inteligjencës artificiale dhe lidhshmërisë (konektivitetit).
Kjo strategji është hartuar në përputhje me strategjinë e zgjerimit të Bashkimit Evropian.
Sondazh
Sa mirë flasin shqiptarët anglisht? - Global Relocate na rendit në vendin e 40-të në botë, por mbetemi nga fundi në Europë
“Global Relocate” ka nxjerrë së fundmi disa statistika të cilat rendisin aftësitë e gjuhës angleze për vitin 2025 dhe tregojnë se sa mirë flitet gjuha në......
Qumështi, më i shtrenjtë në Shqipëri se në BE - Në Janar, çmimi mesatar për një litër në vendin tonë ishte 155.7 lekë
Inflacioni i përgjithshëm për muajin Shkurt rezultoi 1.9%, sipas publikimit më të fundit të INSTAT. Një nga kategoritë që ka shënuar rritjen më të lartë......
Si do të ndikojnë tarifat e Trump mbi evropianët? - Analiza/ Lufta tregtare do të dëmtojë ekonominë dhe konsumatorët
Spektri i një lufte tregtare transatlantike shfaqet përsëri mbi Shtetet e Bashkuara dhe Bashkimin Evropian. Më 12 mars, SHBA aplikoi një tarifë prej 25% për......
Paradoksi i punësimit në Shqipëri/ Papunësia e të rinjve në rritje, pavarësisht mungesës së fuqisë punëtore
Treguesit e punësimit duket se kanë vijuar me përmirësime përgjatë vitit 2024, në krahasim me vitet më parë. Shifrat zyrtare tregojnë se përgjatë tremujorit......
Mbi 41 mijë individë nuk deklaruan të ardhurat - DIVA/ 140 mijë të punësuar, detyrim për dorëzimin e deklaratës deri më 31 mars
Mbi 41 mijë individë nuk kanë plotësuar Deklaratën Individuale të të Ardhurave për vitin 2023, çka reflektohet në të ardhurat në buxhet në vitin......
“Boom” licencash për energjinë diellore - 10 aprovime në 2 muaj, projektet pozicionohen në Qarkun e Fierit
Viti 2025 ka nisur me një numër të lartë licencash për prodhimin e energjisë nga dielli. Sipas të dhënave zyrtare nga Enti Rregullator i Energjisë, në total......
Trump “godet” agjencinë e ushqimit të OKB - FAO pezullon projektet pas ndalimit të financimeve prej 300 mln USD në vit
Projektet e ndihmave në vendet e goditura nga kriza, duke nisur nga Afganistani deri në Bririn e Afrikës janë pezulluar dhe stafi është shkurtuar, pasi......
Bizneseve u kthehen 224 milionë euro TVSH - Rimbursohen 1652 kërkesa, refuzohen mbi 1 mijë të tjera
Përgjatë vitit 2024 administrata tatimore ka rimbursuar TVSH-në kundrejt bizneseve në një vlerë totale (FIFO dhe këste) prej afro 22,4 miliardë lekw apo 224......
