Shqipëria po bëhet “cashless” - Rriten ndjeshëm pagesat në POS. Bizneset drejt detyrimit për pajisje deri në 30 maj
Nga kafet e mëngjesit te blerjet në supermarkete, gjithnjë e më shpesh shqiptarët po zgjedhin të paguajnë me kartë. Vetëm në dy muajt e parë, janar–shkurt, numri i pagesave me kartë në terminalet POS arriti në rreth 4.85 milion transaksione, një rritje e ndjeshme krahasuar me të njëjtën periudhë të vitit 2025, kur ishin rreth 3.73 milion.
Kjo do të thotë një rritje prej afërsisht 30% të përdorimit të kartave për pagesa në dyqane, restorante dhe shërbime të tjera. Pra, gjithnjë e më pak qytetarë po paguajnë cash dhe gjithnjë e më shumë po përdorin kartën.
E njëjta tendencë shihet edhe në vlerë. Në janar–shkurt 2026, pagesat me kartë në POS arritën në rreth 17.7 miliardë lekë, ndërsa në të njëjtën periudhë të një viti më parë ishin rreth 15.15 miliardë lekë. Edhe këtu kemi një rritje të dukshme, që tregon jo vetëm më shumë transaksione, por edhe më shumë shpenzime përmes kartës.
Kjo rritje lidhet me disa faktorë si ndryshimi i sjelljes së konsumatorëve, përdorimi më i madh i pagesave pa kontakt dhe shtimi i pikave ku pranohet karta
Por kjo prirje nuk është vetëm spontane. Ajo po nxitet edhe nga masa konkrete ligjore. Administrata Tatimore ka vendosur që deri më 30 maj 2026, të gjitha bizneset në sektorët e turizmit, transportit dhe institucionet publike duhet të pajisen me terminale POS në çdo pikë shitjeje.
Ky detyrim përfshin hotele, bujtina, restorante, taksi, kompani transporti dhe shumë shërbime të tjera. Qëllimi është i qartë: ulja e përdorimit të parasë cash, rritja e transparencës dhe formalizimi i ekonomisë
Në një kohë kur turizmi në Shqipëri po rritet ndjeshëm dhe vizitorët e huaj preferojnë pagesat me kartë, kjo masë pritet të ketë ndikim të drejtpërdrejtë në përmirësimin e shërbimit dhe rritjen e të ardhurave të bizneseve.
Rritet konsumi i energjisë elektrike - ERE: Shkak zgjerimi i aktivitetit ekonomik nga bizneset dhe kërkesës nga familjet
Konsumi i energjisë elektrike në vend ka shënuar rritje gjatë vitit 2025, duke reflektuar një zgjerim të moderuar të kërkesës, të lidhur si me aktivitetin......
Përballueshmëria e blerjes së pronës, ku renditet Tirana? Kreditë e larta dhe të ardhurat e ulëta shtrenjtojnë blerjen e shtëpive në rajon
Sipas indeksit më të fundit të përballueshmërisë së banesave nga Numbeo, qytetet e Europës Juglindore vijojnë të përballen me vështirësi të theksuara për......
Transaksionet mbi 10 mijë euro do të ndalohen - Kufizohet përdorimi i cash-it në veprimet tregtare
Qeveria vendos një kufi të ri për përdorimin e parasë cash në transaksionet tregtare, në kuadër të projektligjit për parandalimin e pastrimit të parave dhe......
Më shumë dalje jashtë vendit, portet fitojnë terren/ Pasiguria në Lindjen e Mesme orienton udhëtimet drejt Europës
Daljet e shtetasve shqiptarë nga vendi vijuan të rriten në tre muajt e parë të vitit, duke treguar një lëvizshmëri më të lartë krahasuar me të njëjtën......
Bankat shtojnë praninë fizike në vend - Viti 2025 solli ndryshime të forta në strukturën e tregut financiar shqiptar
Viti 2025 u mbyll me ndryshime të rëndësishme në strukturën e sistemit financiar të vendit me më pak zyra të këmbimit valutor, më pak subjekte financiare jo......
Transporti me legjislacion të ri - 45% e ligjeve kërkojnë përafrim të plotë me ligjet e BE deri në 2027
Qeveria synon të përshpejtojë harmonizimin e legjislacionit në sektorin e transportit me atë të Bashkimit Evropian, sipas Strategjisë Sektoriale të Transportit......
“Blini bileta avioni tani”! - Ministri spanjoll: Kostot më të larta të karburantit kërcënojnë të rrisin çmimet
Udhëtarët duhet të blejnë bileta avioni sa më shpejt të jetë e mundur për të shmangur rrezikun e çmimeve më të larta të shkaktuara nga shtrenjtimi i naftës......
“Shqipëria, prodhim i lartë nga burime të rinovueshme” - Reuters: Më e mbrojtur nga rritjet e ndjeshme të çmimeve të energjisë elektrike
Ndërsa lufta e Iranit prish rrjedhat globale të naftës dhe gazit dhe çmimet e energjisë rriten ndjeshëm, lumi Drin, i cili zbret përmes maleve të Shqipërisë......
