Shqipëria, për herë të parë me një ligj për kripto-asetet - Transpozim i plotë i rregullores së BE. Më shumë siguri për investitorët
Tregu i kripto-aseteve do të rregullohet për herë të parë me një ligj të veçantë në Shqipëri. Ministria e Ekonomisë dhe Inovacionit ka publikuar një projektligj që synon të vendosë rregulla të qarta në një treg që deri më sot ka funksionuar pa një kuadër ligjor modern e efektiv.
Ky është një hap që vendi nuk e kishte ndërmarrë më parë pavarësisht rritjes së shpejtë të tregut digjital dhe interesit në rritje të qytetarëve për investimet në kriptomonedha. Projektligji është një transpozim i plotë i rregullores së BE për kripto-asetet.
Nevoja për një ligj të ri lindi për disa arsye kyçe. Së pari, ligji aktual i vitit 2020 nuk arriti të krijonte një treg të rregulluar, asnjë kompani nuk u licencua dhe shumë prej shërbimeve kryesore të industrisë së kriptove si këshillimi, ekzekutimi i urdhrave, shërbimet e kujdestarisë apo stablecoins nuk ishin të mbuluara nga ligji ekzistues. Kjo situatë krijonte boshllëqe të mëdha, duke rritur rrezikun për qytetarët dhe duke penguar zhvillimin e industrisë.
Së dyti, ngjarjet ndërkombëtare si rrëzimi i Terra/Luna, falimentimi i Celsius apo skandali i FTX treguan se mungesa e rregullimit mund të çojë në humbje të mëdha financiare, manipulim tregu dhe abuzime me fondet e investitorëve. Autoritetet shqiptare identifikuan se të njëjtat rreziqe mund të prekin edhe tregun vendas, nëse nuk vendosen standarde të ngjashme me ato të Bashkimit Europian.
Një faktor tjetër është angazhimi i Shqipërisë në procesin e anëtarësimit në BE. Në kuadër të Kapitullit 9, “Shërbimet Financiare”, Shqipëria është e detyruar të përafrojë legjislacionin me rregulloren MiCA të BE-së, e cila konsiderohet sot kuadri më gjithëpërfshirës në botë për kripto-asetet.
Me këtë projektligj, autoritetet synojnë të vendosin një mjedis të qartë, të sigurt dhe konkurrues për tregun e kripto-aseteve, duke mbrojtur investitorët.
Kredia, ndërtimi dhe akomodimi mbajnë gjallë ritmin/ Financimet për bizneset, luhatje të forta mujore. Por, vit pozitiv
Të dhënat e Bankës së Shqipërisë për huatë e reja për bizneset tregojnë një tablo dinamike gjatë tetorit 2025. Në total, huadhënia për bizneset arriti në......
Administrimi i pyjeve e kullotave - Çmime referencë për hartimin e projekteve dhe planifikimin e investimeve publike
Ministria e Mjedisit ka nxjerrë për konsultim publik një projektvendim që synon të unifikojë mënyrën se si kryhen punimet në fondin pyjor dhe kullosor në......
Festat e fundvitit, a udhëtojnë shqiptarët? - Hila: Rezervimet fillojnë disa muaj përpara, dhjetori rrit çmimet
Festat e fundvitit janë periudha ideale për të udhëtuar për shumë qytetarë. Nga destinacionet më të afërta, tek ato më të largëta, duket se tashmë rezervimet......
BQE, plan për të zgjeruar rolin global të euros - Linjat e likuiditetit do të përdoren për të mbështetur stabilitetin financiar
Banka Qendrore Evropiane (BQE) po harton një plan për të rritur përdorimin e euros në mbarë botën, duke shfrytëzuar humbjen e besimit ndaj udhëheqjes......
Fondet publike, në “lupën” e standardeve europiane - Manuali/ Si do bëhet auditimi i brendshëm dhe si kategorizohen shkeljet
Shqipëria do të aplikojnë një standard ndërkombëtar të auditimit të brendshëm të institucioneve publike me qëllim ndërtimin e një administrate publike më......
Rritet me 15% përpunimi i mallrave në portin e Durrësit - Eksportet dominuan zgjerimin gjatë 10 muajve
Segmenti i përpunimit të mallrave me konteinerë në Portin e Durrësit ka shënuar një performancë pozitive gjatë periudhës janar–tetor 2025. Autoriteti Portual......
Britania njofton rritje taksash - Vlera arrin në nivelin më të lartë të pasluftës. Synohet ulja e deficitit fiskal
Ministrja britanike e Financave, Rachel Reeves, njoftoi një buxhet me rritje të ndjeshme taksash, që do të marrë më shumë para nga punëtorët, ata që kursejnë......
Grevat “paralizojnë” Italinë - Sindikatat protestojnë kundër planeve buxhetore duke bllokuar transportin
Udhëtarët që shkojnë në Itali mund të përballen me vonesa dhe trazira, pasi më 28 nëntor është thirrur një grevë e përgjithshme kombëtare. Si sektori publik,......
