“Shqipëria, e integruar në BE për pagesat” - Sejko: SEPA, ndikim në imazhin e vendit dhe rritjen e investimeve të huaja
Me anëtarësimin në Zonën Unike të Pagesave në Euro (SEPA), Shqipëria konsiderohet tashmë e integruar në Bashkimin Evropian në aspektin e pagesave. Kështu është shprehur Guvernatori i Bankës së Shqipërisë, Gent Sejko në Konferencën e Ambasadorëve, i cili tha ndër të tjera se integrimi në SEPA do të sigurojë përfitime për tregtinë, turizmin apo remitancat, por do të shërbejë edhe si një sinjal i fortë për investitorët e huaj.
“Data 7 tetor do të jetë dita kur sistemi bankar do të jetë funksional dhe do të fillojë kryerjen e pagesave, transfertave në SEPA. Kjo është një arritje e madhe, pasi kjo e konsideron Shqipërinë të integruar në Bashkimin Evropian në aspektin e pagesave në fushën financiare, pra është një hap mjaft i madh, mjaft i mirë për Shqipërinë, gjë që ka efekte të konsiderueshme, jo vetëm në kursimin konkret të parave për ekonominë nga ulja e komisioneve, komisonet do të jenë të paktën 5 herë më të ulëta krahasuar me komisionet e deritanishme, qoftë për individët qoftë për bizneset, por gjithashtu është një efekt mjaft pozitiv në imazhin e vendit dhe në rritjen e investimeve të huaja, pasi nëse një vend është anëtar i SEPA-s, kjo rrit besueshmërinë e vendit për të gjithë investitorët e huaj të cilët kërkojnë të vijnë në Shqipëri”, theksoi Guvernatori.
Ministrja për Sipërmarrjen dhe Klimën e Biznesit, Delina Ibrahimaj, theksoi se Shqipëria ka tashmë si avantazh konkurrues ekonominë e dijes, ku aktualisht mbajmë një nivel të lartë të diplomuarish në teknologji informacioni dhe janë mbështetur një numër i madh start up-esh.
“Shqipëria duhet të bëhet një vend që të jetë niche për ofrimin e rech tech-ut, pra për ofrimin e shërbimeve digjitale të qeverisjes dhe besoj se i kemi të gjitha kapacitetet për ta bërë këtë, duke qenë se jemi specializuar në krijimin e produkteve të tilla. Nëse qeveria ka investuar shumë në digjitalizim, informatizim dhe rritjen e eficiencës. Biznesi ka akoma punë për të bërë, ne gjatë viteve në vijim do të punojmë shumë që edhe biznesi të digjitalizohet për të rritur eficiencën, për të rritur produktivitetin dhe konkurrueshmërinë në tregjet evropiane, me qëllim që të prodhojmë me kosto më të ulëta duke përdorur metodat digjitale të prodhimit dhe kjo do të jetë një nga fokuset e qeverisë në 4 vitet e ardhshme”, tha Ibrahimaj.
Konferenca e Ambasadorëve zhvillohet për 3 ditë me radhë dhe marrin pjesë ambasadorët shqiptarë të akredituar nëpër botë, për të diskutuar mbi integrimin evropian të Shqipërisë dhe të rajonit, diplomacinë ekonomike, si edhe çështje të sigurisë rajonale e globale.
Komisioneri Dervishi merr pjesë në shpërndarjen e certifikatave të para të trajnimit për Nëpunësit e Mbrojtjes së të Dhënave Personale!
Komisioneri për të Drejtën e Informimit dhe Mbrojtjen e të dhënave Personale, Besnik Dervishi, mori pjesë në ceremoninë e zhvilluar, me rastin e shpërndarjes......
Prezantohet paketa e re e ndërhyrjeve ligjore në kuadër të thellimit të reformës për mbrojtjen e territorit
Prezantohet paketa e re e ndërhyrjeve ligjore, në kuadër të thellimit të reformës për mbrojtjen e territorit. Në nisje të takimit të organizuar me......
Urbanët, kënaqësia e pasagjerëve rritet me 40%/ Anketa e GIZ: Vlerësohet koha e pritjes. Sfidë, pastërtia dhe koha e gjatë e udhëtimit
Transporti publik në Tiranë po njeh përmirësime në kënaqësinë e pasagjerëve, sipas një ankete të zhvilluar nga GIZ-i gjerman me mbi 2500 qytetarë. Në......
85 milionë euro nga pagat vetëm në Gusht/ Kontributet dhe tatimi mbi të ardhurat tejkalojnë planin
Qytetarët shqiptarë kanë paguar 85 milionë euro si tatim mbi të ardhurat e tyre vetëm në muajin gusht. Sipas të dhënave paraprake nga administrata tatimore......
Çfarë u bë më e shtrenjtë për familjet shqiptare në Gusht? Inflacioni arriti në 2.3%. Ushqimet dhe qiraja patën kontributin më të lartë në rritje
Inflacioni i muajit Gusht të këtij viti paraqitet më i ulët se në muajin Korrik, i cili preku normën më të lartë regjistrua përgjatë vitit 2025. Muajt e......
A e frenoi taksa mbiturizmin në Venecia? Masa për turistët ditorë mblodhi mbi 5 milionë euro në 2025
Me mbylljen e korrikut, përfundoi viti i dytë i periudhës provë për taksën e turistëve ditorë në Venecia. Gjatë 54 ditëve të muajve prill, maj, qershor dhe......
624 ankesa për prokurime publike/ Janar-Korrik, 31.4 mln lekë arkëtime në buxhetin e shtetit
Në 7 muaj, nga procedurat tenderuese, buxheti i shtetit ka arkëtuar gjithsej 31.4 milionë lekë tarifa financiare në përfundim të shqyrtimit të procedurave të......
Greqia prezanton skemën e re tatimore/ Cilat shtresa përfitojnë më shumë nga masa e re e qeverisë?
Qeveria greke ka njoftuar një skemë të re tatimore që sjell përfitime për miliona tatimpagues, me shumën që ndryshon ndjeshëm në varësi të të ardhurave dhe......
