Shqipëria bëhet gati për adoptimin e euros si monedhë zyrtare - Ndryshimet ligjore parashikojnë rregullat për kalimin në Eurozonë
Shqipëria ka nisur zyrtarisht përgatitjet ligjore për adoptimin e monedhës euro. Projektligji i ri "Për Bankën e Shqipërisë", i publikuar për konsultim, përfshin për herë të parë një kapitull të veçantë që përcakton mënyrën se si do të funksionojë banka qendrore shqiptare pas hyrjes së vendit në Eurozonë.
Projektligji parashikon se, nga dita e prezantimit të euros si monedhë e Republikës së Shqipërisë, euro do të bëhet njësia monetare e vendit, ndërsa Banka e Shqipërisë do të jetë përgjegjëse për hedhjen në qarkullim dhe tërheqjen e kartëmonedhave dhe monedhave euro, në përputhje me rregullat e Bashkimit Evropian dhe të Bankës Qendrore Evropiane. Njëkohësisht, institucioni do të përcaktojë edhe dizajnin e monedhave metalike euro që do të emetohen nga Shqipëria, sipas standardeve evropiane.
Megjithatë, përfshirja e këtyre dispozitave nuk do të thotë se Shqipëria do ta adoptojë euron në të ardhmen e afërt. Ato do të hyjnë në fuqi vetëm pasi vendi të anëtarësohet në Bashkimin Evropian dhe të plotësojë kriteret e konvergjencës ekonomike që kërkohen për hyrjen në Eurozonë.
Dispozitat e reja janë pjesë e një reforme më të gjerë që synon përafrimin e plotë të kuadrit ligjor të Bankës së Shqipërisë me acquis të Bashkimit Evropian dhe krijimin e bazës institucionale për integrimin e saj në Sistemin Evropian të Bankave Qendrore.
Përveç dispozitave që lidhen me përgatitjen për adoptimin e euros, projektligji sjell një reformë të gjerë të kuadrit ligjor të Bankës së Shqipërisë. Një nga ndryshimet kryesore është forcimi i pavarësisë institucionale, funksionale, financiare dhe personale të bankës qendrore, duke ndaluar shprehimisht që ajo të kërkojë ose të marrë udhëzime nga qeveria apo institucione të tjera shtetërore.
Projektligji sanksionon si objektiv parësor ruajtjen e stabilitetit të çmimeve, ndërsa i jep Bankës së Shqipërisë një mandat më të qartë edhe për ruajtjen e stabilitetit financiar. Për herë të parë, ligji përfshin një kapitull të posaçëm për politikën makroprudenciale, duke i dhënë bankës kompetenca më të gjera për identifikimin dhe kufizimin e rrezikut sistemik në sektorin financiar.
Reforma zgjeron gjithashtu kompetencat e Bankës në mbikëqyrjen e institucioneve financiare, duke i dhënë të drejtën të kryejë inspektime më të plota, të kërkojë informacion shtesë dhe të vendosë masa administrative për subjektet e mbikëqyrura. Njëkohësisht, forcohet kuadri ligjor për sistemet e pagesave, administrimin e rezervave valutore dhe mbledhjen e statistikave monetare e financiare, në përputhje me standardet e Bashkimit Evropian.
Projektligji parashikon edhe ndryshime në qeverisjen e Bankës së Shqipërisë, duke forcuar kriteret profesionale dhe të integritetit për drejtuesit e saj, si dhe duke krijuar Komitetin e Politikës Monetare dhe Komitetin e Stabilitetit Financiar si organe këshillimore për Këshillin Mbikëqyrës.
Një tjetër risi është forcimi i pavarësisë financiare të Bankës së Shqipërisë. Projektligji rrit kapitalin e nënshkruar nga 2.5 miliardë në 6 miliardë lekë, ndërsa përcakton një mekanizëm të ri rikapitalizimi për rastet kur kapitali bie nën nivelin minimal. Gjithashtu, ruhet kërkesa që rezerva e përgjithshme të jetë të paktën pesë herë më e madhe se kapitali i nënshkruar dhe krijohen rezerva të posaçme për mbulimin e rreziqeve financiare.
Ndryshon trendi në tregun valutor – Dobësohet Dollari. Paundi fiton pikë
Dollari amerikan e ka ndryshuar trendin e tij pozitiv qe e karakterizoi që nga fillimi i kësaj jave duke regjistruar zbritje të vlerës mëngjesin e sotëm......
Bujqësi me kontratë për fermerët shqiptarë - Salla: Dëftesa tregtare për prodhimin, më shumë akses në financim
Nga ferma e vogël tradicionale, tek ferma moderne e lidhur me tregun nëpërmjet “Contract farming” apo “bujqësisë së kontraktuar”. Ky është orientimi më i......
SHBA, tarifa prej 25% për produktet braziliane - Vendimi hyn në fuqi më 22 korrik, Lula premton kundërpërgjigje
Shtetet e Bashkuara të Amerikës kanë vendosur tarifa prej 25% për shumicën e importeve nga Brazili, që hyjnë në fuqi javën e ardhshme, duke përfunduar një......
Kush përfiton pagesa nga jashtë, do paguajë detyrime - Ngrihet sistemi elektronik i informacionit. Mekanizma të reja për mbledhjen e borxheve
Zhvillimi i tregtisë elektronike dhe rritja e përdorimit të pagesave ndërkufitare kanë sjellë sfida të reja për administrimin tatimor, veçanërisht në drejtim......
Kina, kufizime për eksportet e metaleve të rralla - Mund të rrezikojnë industritë perëndimore në vlerën e 6.5 trilionë dollarëve
Agjencia Ndërkombëtare e Energjisë paralajmëroi se zbatimi i plotë i kufizimeve nga Kina, për eksportin e metaleve të rralla mund të rrezikojë prodhimin me......
Maqedonia e Veriut, në Korridorin Vertikal të gazit - Synohet furnizim i sigurt, i diversifikuar dhe konkurrues
Maqedonia e Veriut pritet t’i bashkohet Korridorit Vertikal të Gazit, një nga nismat më të rëndësishme evropiane për diversifikimin e furnizimit me gaz......
Britania humbet 330 mld paund në financat publike - Problemi i mprehtë që duhet të zgjidhë kryeministri i ri, Burnham
Financat publike të Britanisë po humbasin rreth 330 miliardë paund në vit për shkak të rritjes së dobët ekonomike, plakjes së popullsisë dhe sistemit......
Monedha 1 USD me imazhin e Trump - Kritikët kanë ngritur pyetje në lidhje me ligjshmërinë e dizajnit
Zyra e Monedhave të SHBA-së do të fillojë të prodhojë monedha 1 dollari me fytyrën e Presidentit Donald Trump në pjesën e përparme, si pjesë e përkujtimit të......
