Shqipëria 3-fishon shpenzimet në mbrojtje krahasuar me 2014 - Raporti i NATO-s/54 mld lekë investime në 2025, sa 2.01% e PBB-së
Shqipëria po rrit gjithmonë e më shumë shpenzimet në sektorin e mbrojtjes, si pjesë e angazhimit në NATO. Aleanca e Atlantikut të Veriut ka publikuar raportin në lidhje me shpenzimet e vendeve anëtare për periudhën 2014-2025, ku bie në sy një rritje e ndjeshme e investimeve, sidomos pas vitit 2022, kur Rusia nisi pushtimin në shkallë të gjerë të Ukrainës.
Siç duket edhe nga grafiku, në tre vitet e fundit, shpenzimet për mbrojtjen nga të gjitha vendet anëtare të marra së bashku janë rritur me 9.3% në 2023, 18.6% në 2024 dhe me 15.9% në vitin 2025.
NATO sqaron se shifrat për 2024 dhe 2025 janë vlerësime, që pritet të realizohet nga vendet anëtare. Gjithashtu, edhe numri i vendeve që kanë tejkaluar objektivin e shpenzimeve prej 2% në raport me Prodhimin e Brendshëm Bruto është rritur në 31, gjatë këtij viti, nga 32 anëtare që janë në total.
Vetëm Islanda, e cila nuk ka një ushtri të armatosur dhe për rrjedhojë nuk ka një buxhet për mbrojtjen, nuk është përfshirë në numrin e aleatëve që plotësojnë objektivin prej 2% të PBB.
Përsa i përket vendit tonë, siç duket edhe nga tabela, shpenzimet për mbrojtjen janë thuajse 3-fishuar në vitin 2025, krahasuar me vitin 2014. Këtë vit, shpenzimet e qeverisë shqiptare arrijnë në rreth 54 miliardë lekë, nga rreth 18.7 miliardë lekë që ishin mbi 1 dekadë më parë.
Grafiku në vijim tregon gjithashtu, se për herë të parë gjatë 16 viteve si anëtare në NATO, Shqipëria e tejkaloi objektivin prej 2%, vetëm në 2025-ës, duke shpenzuar për mbrojtjen 2.01% të Prodhimit të Brendshëm Bruto.
Megjithatë, ky është një objektiv i përkohshëm, pasi deri në vitin 2035 vendet anëtare të Aleancës së Atlantikut të Veriut do të duhet të shpenzojnë 5% të Prodhimit të Brendshëm Bruto, nga të cilat 3.5% do të shkojnë ekskluzivisht për mbrojtjen, përfshirë armët dhe trupat ushtarake, ndërsa pjesa tjetër prej 1.5% do të fokusohet në investime të lidhura me sigurinë - si adaptimi i rrugëve, urave dhe porteve - për pajisje ushtarake dhe në sigurinë kibernetike.
Kursi i këmbimit/ Çfarë ka ndodhur sot në tregun valutor?
Dollari amerikan është blerë këtë mëngjes me 83 lekë dhe është shitur me 84.3 lekë duke mos pësuar lëvizje të ndjeshme të vlerës nga një ditë më parë sipas......
Tejkalime të ndotjes së ajrit në disa qytete - Raporti i AKM: Për herë të parë matet dhe Elbasani, PM 2.5 del 20% mbi kufirin e lejuar
Agjencia Kombëtare e Mjedisit ka publikuar Raportin e Gjendjes në Mjedis 2024, ku theksohet se cilësia e ajrit në disa qytete të vendit vazhdon të jetë......
Gati ura më e lartë në botë - Struktura me vlerë 283 milionë dollarë do të hapet për qarkullim në shtator
Ura e Kanionit të Madh Huajiang në provincën Guizhou të Kinës, që pritet të bëhet më e larta në botë, ka përfunduar me sukses një test të rëndësishëm......
Ukraina hap tender për shfrytëzimin e litiumit - Projekti synon të tërheqë investime amerikane e të nxisë prodhimin vendas
Ukraina ka hapur një tender për të drejtën e shfrytëzimit të një depozite litiumi në rajonin qendror të Kirovohradit, njoftoi kryeministrja Yulia......
Greqia ka nevojë për 2 mln punonjës deri në 2035 - Plakja e popullsisë dhe rritja ekonomike nxisin kërkesën
Greqia ka nevojë për më shumë se dy milionë punonjës deri në vitin 2035, sipas një studimi evropian që thekson sfidën e dyfishtë dhe njëkohësisht mundësinë......
Koreja e Jugut ndalon telefonat në shkollë - Ligji i ri synon të frenojë varësinë e fëmijëve nga rrjetet sociale
Koreja e Jugut ka miratuar një ligj që ndalon përdorimin e telefonave celularë dhe pajisjeve të tjera digjitale në klasat shkollore në të gjithë vendin.......
BE propozon kuota për industrinë e çelikut - Kërkon bashkëpunim me SHBA-në për të shmangur tarifat
Bashkimi Evropian duhet të përshpejtojë negociatat me Shtetet e Bashkuara për vendosjen e një sistemi kuotash doganore me tarifa të diferencuara, për të......
Vetëm 3 shtete të NATO-s përmbushin objektivin e ri - Të gjitha vendet anëtare do të arrijnë pragun e vjetër të shpenzimeve këtë vit
Të gjitha vendet anëtare të NATO-s do të arrijnë objektivin e vjetër të shpenzimeve për mbrojtje prej 2% të PBB-së këtë vit, por vetëm tre shtete aktualisht......
