Sa u ndikuan kreditë nga kursi i këmbimit? - BSH: Forcimi i lekut solli rënien e huave të pambrojtura në 23.5% gjatë 2024
Gjatë vitit 2024, bankat kanë dhënë më shumë kredi ndaj sektorit privat sesa ndaj individëve. Shifrat tregojnë se 60% e kredisë është marrë nga bizneset dhe vetëm 40% nga qytetarët.
Por për çfarë është përdorur kjo kredi?
Shumica e huasë është marrë për të blerë një shtëpi. Sipas Raportit Vjetor të Mbikëqyrjes të Bankës së Shqipërisë, gati 27% e kredisë së dhënë nga bankat është përdorur për të blerë një banesë nga qytetarët, 24% rezulton të jetë marrë nga bizneset për pasuri të paluajtshme, ndjekur nga overdrafti me 13% dhe huaja për blerje pajisjesh me rreth 12%.
Huaja për investime në instrumenta financiare është tkurrur edhe më tepër në vitin që lamë pas, duke mos zënë thuajse fare peshë në të gjithë huanë e dhënë gjatë 2024. Ndërkohë, 10% e kredisë është marrë nga bizneset për kapital qarkullues, përafërsisht 7% është përdorur nga qytetarët për të blerë mallra jo të qëndrueshëm siç janë produktet ushqimore dhe pothuajse 4% për blerjen e mallrave të qëndrueshëm si elektroshtëpiake, pajisje elektronike, makinë, mobilje e të tjera.
Rritjen më të lartë gjatë vitit 2024 e ka pasur kredia dhënë individëve për mallra të qëndrueshëm.
Në cilën periudhë të 2024 kanë dhënë bankat tregtare më shumë kredi?
Në muajt mars dhe gusht 2024 është evidentuar rritja më e madhe e portofolit të kredisë me përkatësisht 14.2 mld lekë dhe 14.3 mld lekë.
Sektorët më të kredituar të ekonomisë vazhdojnë të mbeten tregtia me shumicë dhe me pakicë, riparimi i automjeteve dhe motoçikletave me një peshë prej 30% të portofolit, pasuar nga sektori i ndërtimit me një peshë prej 16.6% dhe sektori i industrisë përpunuese me 12.2%.
Për vitin 2024, rreth 55% e kredisë rezulton të jetë në lekë, duke u rritur edhe në krahasim me 2023. Ndërkohë, pesha e kredisë në valutë, e klasifikuar si e pambrojtur ndaj rrezikut të kursit të këmbimit (pra kur kredia është marrë në euro, por të ardhurat kanë qenë në lekë), ka shfaqur një rënie me 2.05 pikë përqindje ndaj totalit të portofolit në valutë, duke arritur në nivelin 23.5%, për shkak se leku ka qenë më i fortë kundrejt euros gjatë vitit të kaluar.
Energjia, rekord emetimesh globale të CO2 - Raporti: Ndotja në këtë sektor u rrit për të katërtin vit radhazi
Emetimet globale të dioksidit të karbonit nga sektori i energjisë arritën një nivel rekord për të katërtin vit radhazi vitin e kaluar. Përdorimi i lëndëve......
Central diellor 62 MW në Kolonjë - Projekti miratohet në qeveri, nuk përfiton nga masat mbështetëse
Qeveria ka miratuar ndërtimin e një centrali fotovoltaik me kapacitet 62 MW në fshatin Taç Lartë të Bashkisë Kolonjë. Projekti do të zbatohet nga kompania......
Gjermania ka 500 super të pasur më shumë - Me rreth 3,900 persona, vendi renditet i treti në botë pas SHBA-së dhe Kinës
Në Gjermani numërohen rreth 3.900 të ashtuquajtur super të pasur, njerëz me pasuri financiare mbi 100 milionë dollarë. Brenda një viti numri i super të......
Asetet e krimit kthehen në biznese sociale - Projekti “Toka jonë”, inovacion në fuqizimin e komuniteve lokale
Tokat bujqësore të konfiskuara nga krimi i organizuar do të vihen në funkson të ripërdorimit, përmes zhvillimit të bujqësisë sociale si një instrument......
Nga pastrimi i shtëpisë, te pensioni i parakohshëm - Papunësia/ 39 mijë të dekurajuar, 60 mijë të “zënë” me shtëpinë
Ndonëse punësimi është rritur në tre muajt e parë të vitit, një pjesë e popullsisë, që në përqindje mund të duket e vogël, por në shifra ka peshë, nuk është......
Administrata “mban në këmbë” ekonominë/ PBB u rrit me 4.05% vitin e kaluar, por pesha e bujqësisë dhe industrisë bie më tej
Ekonomia e ka nisur vitin me “këmbë të mbarë” tregojnë të dhënat më të fundit nga INSTAT. Produkti i Brendshëm Bruto (PBB), në terma reale, në tremujorin e......
Sa kushton të jesh turist në Ballkan? Trip Advisor: Shqipëria, me guida turistike më të lira për të vizituar bregdetin
Ballkani është një gadishull i pasur me destinacione natyrore dhe historike që tërheqin çdo vit mijëra turistë nga e gjithë bota. Në veçanti, zonat......
“Cigaret po bëhen më të përballueshme në Evropë” - Raporti i OBSH: Taksa mbi duhanin, masa më efektive për uljen e konsumit
Cigaret po bëhen më të përballueshme në pjesën më të madhe të Evropës, ka paralajmëruar Organizata Botërore e Shëndetësisë, ndërsa Komisioni Evropian po......
