Sa prona të konfiskuara janë dhënë me qira? - Nga 265 pasuri, as për gjysmën nuk ka pasur interes
Nga 265 pasuri të konfiskuara krimit, vetëm 68 rezultojnë të jenë dhënë me qira nga Agjencia e Administrimit të Pasurive të Sekuestruara dhe Konfiskuara. Sipas katalogut të publikuar nga kjo e fundit, 265 prona janë aktualisht nën administrim shtetëror dhe të gatshme për ripërdorim social, shitje, apo dhënë me qira. E vetmja pengesë është se interesi i qytetarëve për t'i marrë në zotërim këto prona është tepër i ulët, siç e tregojnë edhe shifrat.
Duke qenë se pjesa më e madhe e pasurive të konfiskuara gjenden në Tiranë dhe Vlorë, edhe numri i atyre të lëshuara me qira ka qenë më i lartë në këto dy qytete. Konkretisht, nga 51 pasuri të konfiskuara në Tiranë, 21 rezultojnë të jenë marrë me qira. Ndërkohë, nga 45 pasuri të konfiskuara në Vlorë, vetëm 13 janë aktualisht me qira.
Individët kanë shfaqur kërkesë më të lartë për pasuri të tipit apartamente, apo njësi biznesi, ndërsa për shfrytëzimin e tokave ka pasur më pak interes në të gjitha qytetet, me përjashtim këtu të Lezhës. Megjithatë, nuk mungojnë ato prona që janë dhënë nga Agjencia për zbatimin e projekteve sociale ose që për arsye të caktuara i kanë kaluar në pronësi edhe bashkive.
Nga ana tjetër, edhe pse Saranda ka një numër të konsiderueshëm pronash të konfiskuara pranë bregdetit, interesi për t'i marrë ato me qira ka qenë zero.
Përveçse në katalog, Agjencia për Administrimin e Pasurive të Sekuestruara dhe Konfiskuara publikon rregullisht edhe në rrjetet e saj sociale çmimin dhe karakteristikat e pronave që dëshiron t'i japë me qira. Shumica e pasurive janë në gjendje shumë të mirë dhe në zona strategjike, si për shembull në bregdet, apo qendër të qyteteve, ndërsa edhe çmimi i tyre rezulton të mos jetë shumë i lartë. Por, cilat janë arsyet e hezitimit të qytetarëve për t'i marrë ato me qira?
Fakti që këto pasuri kanë qenë më parë në pronësi të personave të lidhur me krimin, konsiderohen si të rrezikshme, apo të pasigurta për t'u banuar. Një arsye tjetër është edhe mungesa e informacionit. Shumë persona nuk kanë dijeni ose nuk dinë të kërkojnë mbi pronat e konfiksuara që jepen me qira.
Në vitin që lamë pas, Agjencia e Administrimit të Pasurive të Sekuestruara dhe Konfiskuara ka mbledhur 159 milionë lekë të ardhura nga lëshimi me qira i këtyre pronave, rreth 96.2% më shumë sesa në vitin 2023, ku të ardhurat e siguruara nga qiradhënia ishin vetëm 81 milionë lekë.
Sondazh
Çelen subvencionet në bujqësi për 2025-ën - Cilat janë risitë në skemë? Ndryshojnë rregullat për naftën
Qeveria ka miratuar kriteret e reja të Skemës Kombëtare të Subvencioneve në bujqësi për vitin 2025, ç’ka i hap rrugë nisjes së aplikimeve nga ana e......
24 mld euro për rinovimin e ndërtesave - Miratohet strategjia, masat për dekarbonizimin e sektorit deri në vitin 2050
Dekarbonizimi i sektorit të ndërtimit kërkon një total investimesh prej 24 mld euro, deri në vitin 2050. Të dhënat janë pjesë e Strategjisë Afatgjatë të......
“Shqipëria do të përjetojë bum të madh energjetik” - Berisha: Brenda një mandati do të dyfishohet prodhimi total
Kryetari i Partisë Demokratike, Sali Berisha, ka deklaruar sërish se Shqipëria do të përjetojë një bum të madh energjetik. Unë jam këtu për të garantuar......
Kina rrit shpenzimet e mbrojtjes me 7.2% - Buxheti i mbrojtjes arrin në 245 miliardë dollarë për vitin 2025
Kina rriti shpenzimet e mbrojtjes me 7.2% këtë vit, me të njëjtën normë rritjeje si në dy vitet e mëparshme, pasi Pekini kërkon të "ruajë fort" sigurinë......
Liria ekonomike, Shqipëria lë pas rajonin/ Përmirësohemi në pikëzim si pasojë e përformancës së mirë të shëndetit fiskal
Shqipëria është renditur në vend të 50-të, nga 176 shtete në total, në Indeksin e Lirisë Ekonomike për vitin 2025, të publikuar nga “Heritage......
Tatimet: 32,7 miliardë lekë në buxhet për muajin shkurt
Drejtoria e Përgjithshme e Tatimeve njoftoi sot se të ardhurat e mbledhura në buxhet për muajin shkurt llogariten 32,7 miliardë lekë. Bazuar në......
Doganat, me një dritare unike - Lehtësohet tregtia me jashtë, gati sistemi “pa letër”
Qeveria ka ndërmarrë iniciativën për krijimin dhe funksionimin e dritares së vetme për doganat, që synon të lehtësojnë tregtinë me jashtë, si dhe të......
“Më mirë tanke sesa makina” - Prodhimi i pajisjeve ushtarake mund të “ringjallë” ekonominë gjermane
Kompanitë gjermane të mbrojtjes që kërkojnë më shumë kapacitete ndërsa Evropa përgatitet të rrisë shpenzimet ushtarake, po shohin me vëmendje industrinë e......
