Shqipëria Postuar më 21 Dhjetor 2024, 11:04

Sa para mblodhi KPP në 10 muaj? - Në buxhet u arkëtuan rreth 44.4 mln lekë nga tenderat

Nga Diamila Leka

Sa para mblodhi KPP në 10 muaj? - Në buxhet u arkëtuan rreth

Referuar të dhënave të buletinit tw prokurimeve, në periudhën 10 mujore Janar- Tetor 2024, Komisioni i Prokurimeve Publike, ka regjistruar 961 ankesa nga operatorët ekonomikë ndaj procedurave tenderuese.

Në po të njëjta të dhëna, llogaritet se në 10 muaj janë arkëtuar në total rreth 137.5 milionë lekë tarifa financiare, si garanci për procedurat e prokurimit ndaj operatorëve ekonomikë. Këto tarifa fiananciare, të cilat i janë kthyer operatorëve ekonomikë në përfundim të shqyrtimit të procedurave të prokurimit, janë rreth 100.4 mln lekë

Por sa para do të depozitohen në buxhetin e shtetit ndaj procedurave tenderuese?

Sipas Buletinit, për periudhën Janar-tetor të këtij viti, gjithsej janë rreth 44.4 milionë lekë tarifa financiare për t’u derdhur në buxhetin e shtetit, kjo pas përfundimit të shqyrtimit të procedurave prokuruese.

Ndërkohë, qeveria shqiptare ka ndryshuar afatet e ankimimit për të gjithë operatorët ekonomikë, të cilët marrin pjesë në procedura prokurimi.

Tashmë subjektet, do të mund të ankohen pranë KPP brenda 7 ditëve nga marrja e njoftimit nga institucioni shtetëror për procedurat e prokurimit nën kufirin e lartë monetar dhe brenda 10 ditëve për procedurat e prokurimit mbi kufirin e lartë monetar. Ankesat deri më tani, mund të bëheshin brenda 5 ditëve.


 

 

Sondazh

Sa ju bindin programet ekonomike të partive për zgjedhjet e 11 majit 2025?

  • Janë të detajuara dhe të realizueshme
  • Kanë ide të mira, por mungojnë detajet e zbatimit
  • Janë premtime të parealizueshme

Live TV

Të fundit
Të gjitha lajmet

Më të vizituarat

Video