Sa para’ “derdhin” shqiptarët në fondet e investimeve? - AMF: Rreth 17% më shumë anëtarë në 2024. Titujt qeveritarë, më të preferuarit
Në vitin që lamë pas janë shtuar personat që zgjedhin t'i investojnë paratë e tyre në bono thesari dhe obligacione përmes fondeve të investimeve. Të dhënat më të fundit nga Autoriteti i Mbikëqyrjes Financiare tregojnë se fondet e investimeve numëronin mbi 37 mijë anëtarë gjatë vitit 2024, rreth 17% më shumë se në 2023.
Kjo tregon se shqiptarët po diversifikojnë mënyrat e investimit të parave të tyre. Megjithatë, pavarësisht rritjes, investimet në tituj qeveritarë vijojnë të mbeten në nivele shumë të ulëta në krahasim me format tradicionale të investimit të parave në depozita, apo pasuri të paluajtshme.
Nga statistikat e Autoritetit të Mbikëqyrjes Financiare rezulton se vlera neto e aseteve të tregut, arriti në rreth 61.36 miliardë lekë ose 625 milionë euro, me një rritje prej 11,075 milionë lekë ose 22%, krahasuar me vitin 2023.
Fondet mund t'i investojnë paratë e anëtarëve të tyre në aksione, tituj qeveritarë, bono thesari dhe obligacione qeveritare, obligacione të shoqërive brenda ose jashtë vendit, mjete monetare dhe asete të tjera. Në 2024, investimet në këtë treg u dominuan kryesisht nga investimet në tituj qeveritarë, pra bono thesari dhe obligacione, të cilat përbëjnë 79.24% dhe ndërkohë 6.2% janë investime në tregjet financiare ndërkombëtare. Nga kjo kuptojmë se pjesa më e madhe e investitorëve është e përqendruar te fonde që ndërmarrin një risk të ulët, pra tek ato që investojnë kryesisht në bono dhe obligacione të shtetit shqiptar dhe më pak në fonde që investojnë në aksione jashtë vendit.
Në fund të vitit të kaluar, në Shqipëri operonin gjithsej 18 fonde të investimit, të cilat administroheshin nga vetëm 6 shoqëri. Në krahasim me 2023, rezulton të jenë shtuar 3 fonde të reja. Shumica e këtyre fondeve menaxhohen nga kompanitë e sigurimit dhe bankat tregtare, ku këto të fundit kanë në zotërim më shumë se një lloj fondi.
Qytetarët që nuk kanë njohuri të mjaftueshme se si mund të investojnë individualisht në bono thesari dhe obligacione ose nuk duan të përfshihen drejtpërsëdrejti në këtë proces, i drejtohen zakonisht fondeve të investimit, të cilat i investojnë paratë e klientëve të tyre në tituj shtetërorë dhe garantojnë një kthim fitimi të sigurt.
Në fondet e investimeve, qytetarët mund të investojnë një shumë të vogël parash, të cilën e rrisin gradualisht. Investimi mund të jetë periodik ose në mënyrë të menjëhershme dhe tërhiqet në çdo kohë.
Sondazh
Shqipëria drejt “Smart City” - Marrvëveshja 118,5 mln USD me fondin e Abu Dhabit. Kamera kudo për rritjen e sigurisë
Qeveria shqiptare ka miratuar një marrëveshje huaje me Fondin për Zhvillim të Abu Dhabi-t, për financimin e projektit sistemi i kamerave nën administrimin e......
Turizmi malor, rrjet i ri elektrik në Bogë - BERZH hap tenderin, pjesë e projektit të BE për Infrastrukturën dhe Turizmin
Fshati Bogë në Malësinë e Madhe konsiderohet si një nga destinacionet turistike malore më tërheqës, ndërsa rritja e interesit të vizitorëve ka shtuar nevojën......
Trump ndalon mbështetjen ushtarake amerikane për Ukrainën!
Presidenti i SHBA Donald Trump ka drejtuar një "pauzë" për ndihmën ushtarake të SHBA-së për Ukrainën pas një takimi katastrofik në Shtëpinë e Bardhë, ndërsa......
Si mineralet e Ukrainës mund t’i japin fund mbështetjes ekonomike të SHBA-së nga Kina?!
Presidenti i SHBA Donald Trump po kërkon 500 miliardë dollarë (477 miliardë euro) tokë të rrallë dhe minerale kritike të Ukrainës në negocimin e një......
“Aleanca për Shqipërinë Madhështore”: PD zyrtarizon koalicionin me 25 parti të tjera!
Partia Demokratike ka depozituar kërkesën për t’u regjistruar si koalicion zgjedhor për zgjedhjet parlamentare të 11 majit edhe pse në limitet e skadimit të......
Trump vendos tarifa për Kanadanë, Meksikën, Kinën - SHBA nis luftën tregtare, ndërsa vendet fqinje dhe Pekini kundërpërgjigjen
Tarifat e reja prej 25% të presidentit amerikan Donald Trump për importet nga Meksika dhe Kanadaja hynë në fuqi të martën, së bashku me një dyfishim të......
Vlora International Airport afër përfundimit - Kërkohet staf në pozicione të ndryshme: 100 vende të lira pune!
Vlora International Airport (VIA) njofton se aktualisht është në përgatitje për hapjen e tij dhe është në kërkim të stafit që do të shërbejë në këtë projekt......
Sa këmbehen sot valutat kryesore?
Dollari amerikan blihet sot me 94 lëkë dhe shitet me 95.2 lekë duke e nisur ditën në vlera të paqëndrueshme në raport me një ditë më parë sipas kursit të......
