Sa pagesa u realizuan përmes terminaleve POS? - Shtohet me 8% numri i pikave, por bizneset vazhdojnë të mos e përdorin
Numri i terminaleve POS në Shqipëri po rritet me një ritëm më të ngadaltë në muajt e fundit. Sipas të dhënave nga Banka e Shqipërisë, në periudhën korrik-shtator ka pasur një rritje me vetëm 8% të terminaleve POS në Shqipëri. Aktualisht, vendi ynë numëron 23,502 terminale të tilla, ku në tremujorin e tretë rezulton të jenë shtuar rreth 1,721 të reja.
Rreth 23,496 është numri i terminaleve EFTPOS në Shqipëri, të cilat përdoren gjerësisht nga individët për të kryer blerjen me kartë të ushqimeve nëpër markete, 6 është numri i terminaleve POS me funksion tërheqje parash, ndërsa terminalet virtuale POS për përdorimin e kartave, pra ato që përdoren për kryerjen e pagesave nëpërmjet faqeve të internetit, janë 255 gjithsej.
Për sa i takon numrit të transaksioneve të kryera, rreth 1.7 milionë është numri i pagesave të realizuara përmes këtyre terminaleve gjatë muajit shtator. Ndërsa për sa i përket vlerës, 74 milionë lekë rezulton totali i pagesave të realizuara përmes këtyre terminaleve dhe në 583 milionë lekë ka arritur shuma e përgjithshme në fund të nëntëmujorit.
Pavarësisht se nga muaji në muaj ka një rritje të qëndrueshme të këtyre terminaleve, ka shumë biznese që megjithëse zotërojnë një POS, vazhdojnë të mos e përdorin. Këtu bëhet fjalë sidomos për bizneset e vogla, të cilat nuk pranojnë pagesa me kartë për blerje më pak se 1500 lekë. Kjo ndodh për arsye se komisionet që kanë bankat për një pagesë që kryhet me POS janë shumë të larta dhe variojnë nga 2% deri në 3.5%.
Me qëllim uljen e parasë cash në ekonomi dhe rritjen kështu të pagesave të realizuara me kartë, qeveria synon që të rrisë numrin e bizneseve që përdorin POS në ambientet e aktivitetit të tyre. Për ta realizuar këtë gjë, brenda vitit 2025 pritet të krijohet një grup pune mes Ministrisë së Financave, Bankës së Shqipërisë dhe Shoqatës së Bankave për të ulur komisionet e përdorimit të terminaleve POS mes bankave të nivelit të dytë dhe bizneseve.
Sondazh
Sistem i integruar për shërbimet sociale - 226 milionë lekë për shërbime më efikase për qytetarët
Agjencia Kombëtare e Shoqërisë së Informacionit (AKSHI), ka shpallur hapjen e tenderit, për përmirësimin dhe integrimin e sistemeve të menaxhimit të......
Jo më naftë ruse! - Çekia, në rrugën e duhur për t'i dhënë fund furnizimeve nga korriku 2025
Republika Çeke pret të përfundojë konsumin e naftës ruse në korrik të vitit të ardhshëm pasi një përmirësim në një tubacion transalpin i lejon asaj të rrisë......
Bypass Sarandë, shpallet fituesi për projektimin - Segmenti rreth 3.5 km, duhet të lidhë Qafë Gjashtën me rrugën nacionale
Me një ofertë prej 29 mln lekë, Autoriteti Rrugor Shqiptar ka shpallur kompaninë fituese që do të kryejë studimin dhe projektimin e bypassit të......
Java nis në të kuqe – Dobësohen Dollari, Franga dhe Paundi!
Dollari amerikan e ka nisur këtë javë negativisht duke humbur pikë nga java shkuar teksa është blerë sot me 93.4 lekë dhe është shitur me 94.5 lekë sipas......
Shqipëria 2030, Rama josh emigrantët e Anglisë me ‘Paketën e Maleve’: Ju them me plot gojën investoni!
Kryeministri Edi Rama zhvilloi mesditën e të dielës një takim me emigrantët shqiptarë në Britaninë e Madhe. Salla “The Cooper Box, Queen Elizabeth Olympic......
Humbësit më të mëdhenj të “Trumponomics” - Europa, Kina dhe Meksika do të goditen më shumë nga tarifat e Trump
(The Economist) Në kabinetet e qeverive, në diskutimet e bordeve apo në misionet diplomatike, ka qenë një temë diskutimesh që ka mbizotëruar mbi të tjerat.......
Don’t worry, I’m home!’, Rama takim me emigrantët shqiptarë në Londër
Kryeministri Edi Rama zhvillon takimin me emigrantët shqiptarë në Britaninë e Madhe. Salla “The Cooper Box, Queen Elizabeth Olympic Parc”, ishte e veshur kuq......
Intervista për REL, Kumbaro: Shqipëria synon turizëm elitar me gjithë sfidat
Ministrja e Turizmit dhe Mjedisit në Shqipëri, Mirela Kumbaro, thotë në një intervistë për Radion Evropa e Lirë se turizmi është kthyer në industri dhe......
