Sa investuan bashkitë për banor?- Buxheti nis me 10 euro për frymë. Kamza, më “dorëlëshuara”!
Kompetencat e pushtetit vendor për shërbimet dhe investimet publike janë mjaft të rëndësishme për cilësinë e jetës së qytetarëve. Por si kanë shpenzuar bashkitë për investime të cilat përmirësojnë jetën e tyre dhe kush ka përfituar më shumë?
Referuar raportit të financave vendore 2024, sa i takon shpenzimeve për investime për banor, në vendin e parë renditet Bashkia e Kamzës me afro 130 euro për frymë. Listën e pason Përmeti me 99 euro për banor, ndjekur nga Vora, Poliçani dhe Librazhdi me rreth 83 euro për banor. Më pas renditet Lezhë, Tiranë, Malësi e Madhe dhe Klos me afro 71 euro për frymë.
Ndërsa në listën e bashkive që kanë shpenzuar më pak për investime publike, Libohova, Kurbini, Kavaja me vetëm 12 euro për banor dhe Fieri me 10 euro.
Sa i takon ndarjes së shpenzimeve sipas kategorive, në vitin 2024, peshën më të madhe e zë funksioni “Shërbime të përgjithshme publike” në rreth 21% me një rritje prej 1% më shumë krahasuar me një vit më parë. Ndërkohë, funksioni i dytë më i rëndësishëm është “Çështjet ekonomike” me rreth 19.8% të totalit të shpenzimeve të pushtetit vendor, ky funksion krahasuar me një vit më parë ka një rënie prej 1%.
Konstatohet që në tre funksione si “Shërbimet e përgjithshme publike”, “Çështjet ekonomike” dhe “Arsimi”, pushteti vendor gjatë vitit 2024 ka shpenzuar rreth 60% të totalit të shpenzimeve vendore. Kjo evidenton qartë fokusin në ato funksione të cilat ofrojnë shërbime që prekin drejtpërdrejt cilësinë e jetës së qytetarëve.
Shpenzimet në nivel funksioni në vitin 2024, me përjashtim të funksionit të shëndetësisë i cili zë një peshë të papërfillshme në buxhetin vendor, kanë patur rritje krahasuar me një vit më parë. Mbështetja e fortë e politikave sociale që jep pushteti vendor është reflektuar në rritjen prej 23% të shpenzimeve të këtij funksioni në vitin 2024.
Ndërkohë një rritje tjetër e rëndësishme lidhet me dy funksione që kanë peshë të madhe në buxhetin vendor që lidhen me shërbimet e përgjithshme publike dhe arsimin, ku të dy këto funksione janë rritur përkatësisht 11% dhe 12% në krahasim me një vit më parë. Rritja e mbështetjes për ato funksione ku janë të përqëndruara shërbimet kryesore publike tregon nevojën që pushteti vendor ka për më shumë burime të decentralizuara dhe autonomi financiare.
Inspektorati i Punës në aksion, 14 mijë kontrolle- Shkelje në vendin e punës? 1596 masa administrative
Në 5 muaj, Inspektorati Shtetëror i Punës, ka kryer gjithsej 3764 inspektime në subjekte të ndryshme. Ndërkohë sipas shifrave zyrtare, gjatë këtyre......
4 tenderë për blerje energjie në 2 javë- KESH shpenzon 14 mln euro për qershorin, fatura për 2025-ën arrin në 52 mln euro
Rritja e kërkesës për energji për shkak të temperaturave të larta dhe mungesa e reshjeve të shiut kanë detyruar Korporatën Elektroenergjetike Shqiptare të......
Nis rrugëtimin “Banka Shqiptare e Zhvillimit”- Muço: Shitja e aksioneve mund të bëhet në bursë, shembull për privatët
Në mbledhjen e kësaj jave, Këshilli i Ministrave ka caktuar Ministrinë e Financave si përfaqësues të shtetit shqiptar, në cilësinë e aksionarit të parë dhe......
Sulm kibernetik Bashkisë Tiranë- “Homeland Justice” thotë se ka arritur të marrë të dhëna dhe të fshijë serverët
Hakerat iranianë kanë ndërmarrë një sulm kibernetik ndaj faqes zyrtare të Bashkisë së Tiranës. Organizata “Homeland Justice” thotë në një postim në Telegram......
Bashkitë u “kursyen” në investime publike- Shpenzuan 744 milionë euro në 2024, vetëm 19.5% shkojnë për qytetarët
Pushteti vendor gjatë vitit 2024 ka ruajtur trendin rritës të shpenzimeve për financimin e funksioneve dhe shërbimeve vendore. Shpenzime vendore arritën në......
“Stili i jetesës evropiane, në rrezik” -Kreu i FMN-së, thirrje për të forcuar tregun e përbashkët
Evropa duhet të nxisë rritjen përballë erërave të vështira globale ose rrezikon të humbasë mënyrën e saj të jetesës, tha kreu i Fondit Monetar Ndërkombëtar......
Shqiptarët “dynden” drejt detit/ Importet e varkave me rekord. Italia, Britania dhe Greqia në krye të listës së furnitorëve
Muaji maj 2025 ka shënuar një rekord historik në importin e anijeve, varkave dhe strukturave lundruese në Shqipëri, me një shumë totale prej 330.6 milionë......
“Rijetësohet” stadiumi “Niko Dovana” e zona përreth- Qeveria autorizon Korporatën e Investimeve të përzgjedhë partnerin privat
Këshilli i Ministrave ka miratuar vendimin për transferimin në pronësi të shoqërisë aksionare “Korporata e Investimeve Shqiptare” të pronave shtetërore, për......
