Sa investojnë shqiptarët në bono dhe obligacione? - AMF: Numri i anëtarëve në fondet private arriti mbi 40 mijë në tremujorin e parë
Jo vetëm në depozita dhe pasuri të paluajtshme, por edhe në tituj qeveritarë. Shqiptarët po diversifikojnë mënyrat e investimit të parave të tyre.
Të dhënat më të fundit nga Autoriteti i Mbikëqyrjes Financiare tregojnë se është shtuar numri i qytetarëve që i investojnë paratë në bono thesari dhe obligacione përmes fondeve të investimeve. Gjatë tremujorit të parë të këtij viti, fondet e investimeve numëronin mbi 40 mijë anëtarë, rreth 6% më shumë se në 2024.
Nga statistikat e Autoritetit të Mbikëqyrjes Financiare rezulton se vlera neto e aseteve të tregut, arriti në rreth 67 miliardë lekë ose 675 milionë euro, me një rritje prej 5.65 milionë lekë ose 9.21%, krahasuar me fundin e vitit të kaluar.
Fondet mund t'i investojnë paratë e anëtarëve të tyre në aksione, tituj qeveritarë, bono thesari dhe obligacione qeveritare, obligacione të shoqërive brenda ose jashtë vendit, mjete monetare dhe asete të tjera. Në 3 muajt e parë të 2025, investimet në këtë treg u dominuan kryesisht nga investimet në tituj qeveritarë, pra bono thesari dhe obligacione, të cilat përbëjnë 78.7%, ndërkohë 5.7% janë investime në tregjet financiare ndërkombëtare. Nga kjo kuptojmë se pjesa më e madhe e investitorëve është e përqendruar te fonde që ndërmarrin një risk të ulët, pra tek ato që investojnë kryesisht në bono dhe obligacione të shtetit shqiptar dhe më pak në fonde që investojnë në aksione jashtë vendit.
Në Shqipëri operojnë gjithsej 18 fonde të investimit, të cilat administrohen nga vetëm 6 shoqëri. Shumica e këtyre fondeve menaxhohen nga kompanitë e sigurimit dhe bankat tregtare, ku këto të fundit kanë në zotërim më shumë se një lloj fondi.
Qytetarët që nuk kanë njohuri të mjaftueshme se si mund të investojnë individualisht në bono thesari dhe obligacione ose nuk duan të përfshihen drejtpërsëdrejti në këtë proces, i drejtohen zakonisht fondeve të investimit, të cilat i investojnë paratë e klientëve të tyre në tituj shtetërorë dhe garantojnë një kthim fitimi të sigurt.
Ministeriali i Taorminës në Itali/ Hasani: “Zgjerimi i BE-së, zgjedhje strategjike për paqen”!
Ky vit shënon përvjetorin e 70-të të Konferencës historike të Mesinës dhe Taorminës, një prej ngjarjeve më të rëndësishme të rrugëtimit europian, ku u hodhën......
600 euro në muaj për të porsalindurit deri në moshën 5 vjeç - Strategjia e Sardenjës për të luftuar shpopullimin
Familjet që jetojnë në komuna të vogla në Sardenjë do të marrin një kontribut mujor në vitin 2025 për çdo të porsalindur, të adoptuar ose të strehuar. Këtë e......
Bartja e numrit të telefonit, si pritet të bëhet në vijim? - AKEP: Rimbursim për kreditet e papërdorura dhe vonesat në portimin e operatorit
Afate më të shkurtra për ndërrimin e operatorit të numrit apo rimbursim të krediteve të papërdorura, janë disa nga risitë që synohet t'i shtohen zbatimit të......
“Made in Albania” “pushtojnë” tregun e Kosovës/ Lidhja ekonomike mes dy vendeve u thellua ndjeshëm në pesë muajt e parë
Tregtia mes Shqipërisë dhe Kosovës ka njohur një zgjerim të ndjeshëm gjatë vitit 2025, duke shënuar shifra në rritje në periudhën Janar-Maj. Vetëm në pesë......
Balluku në samitin e Athinës: Takime dypalëshe për forcimin e bashkëpunimit energjetik rajonal!
Zëvendëskryeministrja dhe njëherazi ministre e Infrastrukturës dhe Energjisë, Belinda Balluku, mori pjesë në Samitin për Tranzicionin Energjetik, i zhvilluar......
Bizneset në treg të lirë energjetik - Ofertat e çmimeve, në platformën e ERE-s janë bërë pjesë vetëm 6 furnizues
Të gjithë furnizuesit e energjisë elektrike kanë detyrimin të publikojnë ofertat e tyre në Platformën e Krahasimit të Çmimeve, të ngritur nga Enti......
Garancia Sovrane: 3 miliardë lekë për sektorin e bujqësisë. Mbulim deri në 70% të principalit të kredisë!
Ministri i Financave Petrit Malaj dhe Ministrja e Bujqësisë dhe Zhvillimit Rural Anila Denaj zhvilluan një takim të përbashkët me drejtuesit e bankave të......
Konsumi i karburantit arrin shifër rekord - 279 mijë ton vetëm në 5 muaj. Rritet kërkesa e brendshme
Nafta dhe benzina po kthehen ndër produktet që po njohin konsum të lartë nga ana e qytetarëve shqiptarë por edhe nga turistët. Karburantet kanë shënuar......
