Rruga e Arbrit, inaugurohet Tuneli i Murrizit-Balluku: I blinduar në hekur. Në prill përfundon edhe segmenti Maqellarë-Peshkopi
Kryeministri Edi Rama dhe Zëvendëskryeministrja Belinda Balluku kanë inauguruar sot Tunelin e Murrizit, veprën e fundit të “Rrugës së Arbrit”. Në ceremoni morën pjesë qindra qytetarë, ndërsa që prej mëngjesit janë zhvilluar një sërë aktivitetesh në hyrje të tunelit.
Zëvendëskryeministrja Balluku u shpreh se tashmë të dy tubat, ai i trafikut dhe emergjencës, janë plotësisht operacionalë. Ndryshe nga Llogaraja, Tuneli i Murrizit është komplet i blinduar në hekur.
“Është plotësisht i përfunduar, në të gjithë komponentët e tij, domethënë edhe ana ndërtimore dhe elektromekanike, gjithçka është funksionale. Kemi bërë testet mbrëmë deri natën vonë. Nga ana tjetër, edhe trupa e policisë rrugore e ka marrë tashmë detyrën për monitorimin. Gjithashtu, këtu ndodhen të vendosura njësitë e zjarrfikësve dhe gjithçka është ashtu siç duhet.
Në krahun tonë të djathtë kemi tunelin paralel, që është tuneli i emergjencës. Sipas kodit rrugor, çdo tunel mbi 500 metra ka nevojë që të ketë tunel emergjence, ka 11 hyrje-dalje tuneli i emergjencës, gjithçka është sipas parametrave. Në tunelin e emergjencës vazhdohet me disa punime të fundit, por ndërkohë që janë të dy operacionalë. Nuk parashikohet që të ketë asnjë ndërprerje më të trafikut, duke qenë se siç jeni ju në dijeni e kemi mbajtur deri në detaj të fundit të mbyllur, sepse ky tunel ka pasur vështirësitë e tij duke nisur nga gjeologjia, projektimi dhe gjithçka tjetër. Por, mund të themi që është një nga pjesët e krenarisë së infrastrukturës shqiptare, padyshim. Është një vepër arti, duke qenë se tuneli është i gjithi i blinduar plotësisht në hekur, përndryshe nuk do të qëndronte. Pra ne në këto momente nuk po kalojmë në një tunel të gërmuar, si në rastin e Llogarasë, por po kalojmë në një tunel i cili është i blinduar i gjithi në hekur”.
Ndërkohë, Kryeministri Rama theksoi se për pak javë, në muajin prill, do të përfundojë edhe segmenti Maqellarë-Peshkopi.
Me hapjen e Tunelit të Murrizit, rruga nga Tirana në Dibër do të përshkohet për maksimumi 2 orë. Tuneli ka një gjatësi prej 3,78 kilometrash.
Sondazh
Çmimet e kafesë “fluturojnë” - Shkaktarë janë kushtet e pafavorshme klimatike dhe kufizimet e eksporteve
Çmimet botërore të kafesë arritën një nivel të lartë shumëvjeçar në vitin 2024, duke u rritur 38.8 për qind nga mesatarja e një viti më parë, kryesisht të......
Dita e Verës nxit tregtinë vendase - Zejtarët: Kjo ditë shërben për të reklamuar produktet tona
Dita e Verës mbush rrugët e Shqipërisë me gëzim, festime dhe aromën e ballokumeve. Kjo festë tradicionale shënon ardhjen e pranverës, duke gjallëruar vendin......
Ulja e çmimit të energjisë, 200 mln lekë kursim - OSHEE: Nga tarifimi me 8.5 lekë/kWh përfituan 1.7 mln abonentë
1.7 mln abonentë kanë përfituar nga ulja e çmimit të energjisë elektrike, teksa vlera e kursyer për faturën e muajit shkurt është 200 mln lekë”. Të dhënat......
Rusia përdor kriptovalutat për tregtinë e naftës - Monedhat digjitale i shërbejnë Kremlinit për të shmangur sanksionet
Rusia po përdor kriptovalutat në tregtinë e saj të naftës me Kinën dhe Indinë për të shmangur sanksionet perëndimore, sipas katër burimeve me njohuri të......
Tuneli i Murrizit hapet për qarkullim - Rruga e Arbrit/Ulen kostot e udhëtimit, banorët pritshmëri për zhvillimin e agroturizmit
Tuneli i Murrizit, vepra më e rëndësishme e rrugës së Arbrit është hapur për qarkullimin e automjeteve, duke shkurtuar ndjeshëm kohën e udhëtimit nga Tirana......
Amazon, Google, Meta “nxisin” energjinë bërthamore - Kompanitë mbështesin trefishimin e kapacitetit deri në vitin 2050
Amazon, Google dhe Meta deklaruan se mbështesin përpjekjet për të arritur të paktën trefishimin e energjisë bërthamore në mbarë botën deri në vitin......
Si do ndikojnë akcizat te nafta dhe benzina? - Vendimi i qeverisë italiane synon të mbështesë transportin publik
Akciza është një “rirenditje dhe jo rritje”, siç ka dashur të nënvizojë më shumë se një përfaqësues i qeverisë italiane, e cila përfundoi dekretin......
Rritje rekord e pagave në ndërtim! - Eksperti: Shkak mungesa e fuqisë punëtore, po importohen punonjës nga jashtë
Pagat vazhduan rritjen konstante edhe përgjatë tre muajve të fundit të vitit të kaluar, por ajo që bie më shumë në sy është se në sektorin e ndërtimit, pagat......
