Rruga dytësore do të rehabilitohet - Bashkia e Tiranës, tender me fond limit rreth 595 mln lekë deri te mbikalimi i Kasharit
Bashkia e Tiranës ka shpallur hapjen e garës për rikonstruksionin e aksit dytësor Tiranë-Durrës, deri te mbikalimi i Kasharit. Fondi limit i përllogaritur për këtë investim arrin vlerën prej 594 milionë e 907 mijë lekë.
Aksi dytësor nis nga rrethrrotullimi te spitali Hygea dhe përfundon te mbikalimi i Rinasit, në afërsi të Megatek. Në krahun e djathtë të saj rruga akseson objekte të shumta industriale dhe disa fshatra si: Laknas, Domje, etj.
Sipas dokumentit në Agjencinë e Prokurimit Publik, ky aks rrugor ka një gjatësi totale prej rreth 6.839 metra linearë dhe karakterizohet nga një karrexhatë me dy korsi, secila me gjerësi 3.25 metra. Ky projekt parashikon që aksi do të trajtohet me të gjithë elementët e nevojshëm të infrastrukturës moderne rrugore, me qëllim përmirësimin e cilësisë së jetës së komunitetit të kësaj zone. Ndërhyrjet do të përfshijnë konkretisht ndërtimin e shtresave rrugore, trotuareve, ndriçimin, kanalizimet e ujërave të bardha, gjelbërimin dhe sinjalistikën.
Referuar dokumentit, rruga ka një rëndësi shumë të lartë për qytetin e Tiranës pasi përveçse shërben për aksesimin e bizneseve dhe fshatrave, shërben po ashtu edhe për lirimin e trafikut në raste piku. Pra, të gjitha automjetet që hyjnë nga jugu i vendit apo dalin nga Tirana kanë një opsion kalimi në këtë aks, në rast trafiku të rënduar. Dhe po kështu ka çdo ditë numër më të lartë të kalimit të makinave, për shkak të rritjes së banimit të zonës me ndërtesa rezidenciale dhe kjo ka rritur edhe më shumë nevojën për ndërhyrje në infrastrukturë.
Në dokument theksohet se nga inspektimet në terren janë evidentuar një sërë problematikash në gjendjen ekzistuese të rrugës. Në disa segmente, shtresat asfaltike paraqiten të dëmtuara, me gropa, ndërsa në zona të tjera vihen re çarje sipërfaqësore të asfaltit. Gjithashtu, trotuaret aktuale janë të realizuara me beton të varfër dhe nuk përmbushin standardet e kërkuara për një infrastrukturë urbane funksionale dhe të sigurt.
Ndërkohë, do të ndërhyhet edhe në sistemin e kanalizimeve ekzistuese, ku parashikohet shtimi i disa pusetave të reja ndërmjet segmenteve ekzistuese, me qëllim rritjen e eficencës dhe parandalimin e përmbytjeve gjatë reshjeve.
Ky projekt synon përmirësimin e infrastrukturës rrugore, rritjen e sigurisë për përdoruesit e saj, si dhe lehtësimin e trafikut, thuhet në dokumentin e Agjencisë së Prokurimit Publik.
Tregu i sigurimeve arrin në 27 miliardë lekë - Xhemali: Në 2026-ës, risi verifikimi i policave me QR code
Sigurimi i detyrueshëm vijon të dominojë tregun e sigurimeve në vend duke dhënë sinjale për më shumë hapësira për diversifikim. Adela Xhemali, Drejtoresha e......
Nafta dhe benzina me çmime të reja - Operatorët paralajmërohen për masa në rast shkeljesh
Bordi i Transparencës ka miratuar çmimet e reja të shitjes së karburanteve në tregun vendas, të cilat hynë në fuqi sot, më 16 qershor 2026, në orën......
Sa para’ mund të sjellë në 1 vit një Air Bnb? Analiza tregon ndryshimet mes kryeqytetit, bregdetit dhe destinacioneve turistike
Tregu i Airbnb në Shqipëri po zgjerohet me shpejtësi, me një rritje prej 54.5% të listimeve dhe të ardhura mesatare vjetore rreth 1.17 milionë lekë për......
Ligji i faljes fiskale/ Ja kush përfiton nga fshirja e detyrimeve dhe kamatëvonesave
Drejtoria e Përgjithshme e Tatimeve ka publikuar sqarimet më të fundit për zbatimin e ligjit “Për fshirjen/shuarjen e detyrimeve tatimore të papaguara”, duke......
Kush abuzon me fondet e BE, 2 deri 5 vite burg - Ndryshon Kodi Penal/ Forcohen masat ndaj mashtrimeve me fondet europiane
Qeveria shqiptare ka iniciuar ndryshime të reja në Kodin Penal, në kuadër të përafrimit të legjislacionit kombëtar me acquis të Bashkimit Evropian në fushën......
IA po transformon ekonominë dhe shoqërinë në Kosovë - Ministri Jagxhiu: Përdorimi i saj në të gjitha fushat, një domosdoshmëri
Inteligjenca Artificiale po transformon me shpejtësi ekonominë dhe shoqërinë në Kosovë, ndërsa përdorimi i saj në të gjitha fushat është tashmë një......
FSHZH, rikonstruksion rrugësh në disa qytete - Nga Kopliku, në Konispol. Investime në infrastrukturën rrugore
Fondi Shqiptar i Zhvillimit ka shpallur hapjen e dy procedurave të rëndësishme tenderuese, me një fond të përgjithshëm prej afro 850 milionë lekësh, për......
Kursi i këmbimit/ Forcohen Dollari amerikan dhe Paundi britanik
Dollari amerikan ka regjistruar rritje të lehtë të vlerës mëngjesin e kësaj të martë pasi krahasuar me një ditë më parë është blerë sot me 81.2 lekë dhe......
