Rriten me 3.8% investimet totale në Shqipëri - BSH: Megjithatë, raporti i tyre ndaj PBB-së ka pësuar një ulje të vogël
Investimet në vendin tonë, qofshin ato të realizuara nga shteti, apo nga sektori privat, janë rritur në mënyrë të konsiderueshme përgjatë këtij viti. Pavarësisht kësaj, raporti i investimeve ndaj Prodhimit të Brendshëm Bruto në tremujorin e dytë, ka pësuar një ulje të vogël në krahasim me tremujorin e parë.
Sipas të dhënave nga Banka e Shqipërisë, investimet totale u rritën me 3.8% në tremujorin e dytë, ritëm ky i ngjashëm me tremujorin e parë të vitit. Në masën më të madhe, këto investime morën formën e infrastrukturës publike, të ambienteve të biznesit dhe të ndërtesave rezidenciale, sikundër sugjerohet nga rritja me rreth 10.1% e vlerës së shtuar në ndërtim.
Paralelisht me të, rritje ka pasur edhe investimi i bizneseve në makineri e pajisje, e cila dëshmohet në shifrat më të larta të importeve. Nëse i referohemi INSTAT, importet në këtë dhjetëmujor janë rritur me 2% në krahasim me vitin e kaluar. Vlera e importit të makinerive, pajisjeve dhe pjesëve të këmbimit u regjistrua në 196 miliardë.
Zgjerimi i investimeve vijon të mbështetet nga nevoja për zgjerim kapacitetesh, prodhimi e shërbimi, në përgjigje të pamjaftueshmërisë së kapaciteteve ekzistuese, besimit pozitiv për të ardhmen, si dhe bilanceve likuide, kushteve të favorshme të financimit dhe zgjerimit të shpejtë të kredisë.
Të dhënat indirekte sasiore dhe ato nga vrojtimet sugjerojnë një ritëm të ngjashëm rritjeje të investimeve edhe në tremujorin e tretë. Importi i makinerive dhe pajisjeve regjistroi rritje dyshifrore. Norma e shfrytëzimit të kapaciteteve është në nivele mjaft të larta dhe gjendja financiare e bizneseve ka vijuar të përmirësohet.
Po sa përqind të Prodhimit të Brendshëm Bruto zënë investimet kombëtare?
Nga statistikat zyrtare të Bankës së Shqipërisë rezulton se raporti i investimeve ndaj PBB-së llogaritet në 21.7%, me ulje 0.7 pikë përqindje. Investimet publike janë në nivelin 3.8% të PBB, ndërkohë që investimet private në nivelin 17.9% të PBB-së.
Sondazh
Eficienca energjetike në ndërtesat shumëfamiljare - Agjencia hap dy tendera në Elbasan dhe Shkodër
Agjencia për Eficiencën e Energjisë ka hapur dy tendera për rinovim me eficiencë të lartë energjie në ndërtesa shumëfamiljare përkatësisht në qytetin e......
“Centrale energjetike brenda kullotave” - Hyn në fuqi ligji i ri, lejon zhvillimin e këtyre projekteve
Brenda fondit kullosor do të lejohet ndërtimi i centraleve diellore dhe atyre të erës”. Ligji i ri është publikuar në Fletoren Zyrtare, duke iu hapur rrugë......
SHBA kufizon eksportet e çipeve në Kinë - Vendimi synon të pengojë avancimin e Pekinit në sektorin ushtarak
Shtetet e Bashkuara vendosën kufizime të reja për eksportet e çipeve dhe pajisjeve gjysmëpërçuese në Kinë, duke shënuar goditjen më të fundit të......
“11 milionë turistë në 11 muaj” - Kumbaro: Të ardhurat janë rritur me 34% në 2 vjet
Shqipërinë e kanë vizituar rreth 11 milionë shtetas të huaj nga fillimi i vitit e deri në fund të nëntorit. Sektori, që shihet gjithmonë e më shumë si ai që......
“Çmime më të ulëta për qytetarët, më shumë akses në treg” - Ndryshon ligji për konkurrencën. Përafrohet me legjislacionin e BE
Bizneset e vogla dhe të mesme, do të përfitojnë nga një mjedis më i drejtë biznesi dhe konkurrues, si dhe do të kenë më shumë mundësi për hyrje në treg. Kjo......
Shoqëritë e kursim kreditit u zgjeruan me 8.8%/ Aktivet arritën në 16.4 miliardë lekë në tremujorin e tretë.
Referuar bilancit sektorial të shoqërive të kursim-kreditit, publikuar nga Banka e Shqipërisë, aktivet gjatë tremujorit të tretë të vitit 2024 kanë arritur......
Jaka-sipërmarrësve: Të bëjmë një prindërim të mirë, për një të ardhme më të ndritur! Të ndalim ikjen e punëtorëve!
Në 128 vjetorin e Dhomës së Tregtisë dhe Industrisë, Tiranë, Kryetari Nikolin Jaka përçoi disa mesazhe të rëndësishme. Ai u ndal në një analizë të detajuar......
Dajti, Kashari e Farka u shtuan me rreth 6 mijë banorë në vit/ Shifrat e Censit: Trendi i periferisë “boshatisi” lagjet e vjetra të Tiranës
Në vitet e fundit, disa zona të Tiranës kanë përjetuar një rritje të konsiderueshme të popullsisë, ku duket qartë tendenca e zhvendosjes drejt periferisë dhe......
