Rreth 2.7 mld euro për pushime jashtë vendit - BSH: Shqiptarët, 17.4% më shumë shpenzime në 2024
Shqiptarët kanë shpenzuar 2.7 miliardë euro për udhëtime jashtë vendit në vitin 2024. Të dhënat më të fundit nga Banka e Shqipërisë tregojnë se udhëtarët rezidentë (duke përfshirë këtu shqiptarë dhe të huaj që jetojnë në Shqipëri) kanë shpenzuar 17.4% ose 400 milionë euro më shumë se në 2023.
Kjo rritje tregon se më shumë shqiptarë po zgjedhin t'i kalojnë pushimet e tyre jashtë vendit, por edhe po shpenzojnë më shumë para.
Gjatë sezonit veror, konkretisht në korrik-gusht-shtator, që është periudha me fluks hyrje-daljesh, shpenzimet arrijnë në shifra rekord. Vetëm përgjatë këtyre muajve, qytetarët shqiptarë kanë shpenzuar 879 milionë euro për akomodim, transport, ushqim, argëtim, blerje dhe shërbime të tjera në pushimet e tyre jashtë vendit.
Në tremujorin e parë rezulton të jenë shpenzuar më pak, rreth 512 milionë euro, ndërsa në tremujorin e dytë dhe të katërt janë shpenzuar përkatësisht 688 milionë dhe 612 milionë euro.
Nga ana tjetër, tregtia ndërkombëtare e shërbimeve, e cila i referohet të ardhurave (eksport) dhe shpenzimeve (import) të tregtisë në shërbime ndërmjet Shqipërisë dhe pjesës tjetër të botës, u mbyll me një balancë pozitive, prej rreth 886 milionë euro, e zgjeruar në terma vjetorë me rreth 19%. Kjo ecuri u diktua nga zgjerimi i të ardhurave neto të udhëtimeve, në reflektim të konsiderueshëm të numrit të udhëtarëve të huaj në Shqipëri.
Sipas Bankës së Shqipërisë, shërbimet e udhëtimit që përfshijnë akomodimin, transportin, ushqim, argëtim etj, kanë zgjeruar balancën pozitive në +523 milionë euro, kundrejt nivelit +376 milionë euro në të njëjtën periudhë të vitit të kaluar. Në terma vjetorë, të ardhurat dhe shpenzimet e kësaj kategorie u rritën respektivisht me rreth 19% dhe 5%. Rritja e numrit të udhëtarëve përbën faktorin përcaktues për këtë ecuri. Në të njëjtën kohë, shpenzimi ditor dhe kohëqëndrimi për udhëtar janë vlerësuar në rritje.
Sondazh
Siguria ushqimore, paralajmërohet shkrirja e AKU - Hedhja në treg e mishit të pulës me salmonelë, shpejton procesin
Rasti më i fundit i hedhjes në treg të një sasie të konsiderueshme të mishit të pulës me salmonelë ka vënë në pikëpyetje të ardhmen e autoritetit kombëatr të......
Qendra e re Kombëtare e Kulturës për Fëmijë drejt përfundimit – Rama: Do jetë e pajisur me programe ndërkombëtare
Kryeministri i vendit, Edi Rama, inspektoi punimet në kantierin e Qendrës së re Kombëtare të Kulturës për Fëmijë, pranë Parkut të Madh të Liqenit. Sipas......
Forbes: Samir Mane, miliarderi i parë shqiptar dhe më i pasuri në Ballkanin Perëndimor
Shqipëria ka miliarderin e saj të parë këtë vit, me hyrjen e re Samir Mane, i cili ka ndërtuar një pasuri të vlerësuar prej 1.4 miliardë dollarësh nga......
“BE, gati për masa të forta kundër SHBA-së” - Von der Leyen paralajmëron Trump për pasojat e tarifave reciproke
Bashkimi Evropian ka “shumë burime” që mund të përdoren për të negociuar dhe, nëse është e nevojshme, për t’iu kundërpërgjigjur presidentit amerikan Donald......
Pas Malit të Zi, edhe “Kartoni Jeshil” 1-vjeçar me Maqedoninë e Veriut me çmim të reduktuar prej 50 Euro
Duke filluar nga data 1 Prill 2025, qytetarët shqiptarë do të kenë mundësinë të lëvizin drejt Maqedonisë së Veriut me policën e sigurimit “Karton Jeshil” me......
“Zgjerimi i Tiranë – Durrës mbyllet në dhjetor” - Balluku: Afat ambicioz, aktualisht janë kryer 30% e punimeve
“Zgjerimi i autostradës Tiranë – Durrës në 5 km e parë synohet të përfundojë në dhjetor të këtij viti”. Gjatë inspektimit të punimeve nga kryeministri Edi......
Vendet e BE-së “dëbojnë” mbi 8 mijë shqiptarë/ Eurostat: Renditemi ndër vendet e para me kthimet më të larta
Sipas të dhënave të “Agjencisë Europiane të Statistikave”, rreth 2,130 shqiptarë janë kthyer pas një urdhri për t'u larguar në një nga vendet e Bashkimit......
Polonia, marrëveshje me SHBA për mbrojtjen ajrore - Nënshkruhet kontrata me vlerë 2 miliardë dollarë
Polonia dhe Shtetet e Bashkuara kanë nënshkruar një marrëveshje me vlerë gati 2 miliardë dollar për ushtrinë. Marrëveshja synon ofrimin e mbështetjes......
