Rivitalizim i vijës bregdetare të Durrësit - FSHZH hap tenderin 833 mln lekë për krijimin e hapësirave rekreative
Fondi Shqiptar i Zhvillimit ka hapur tenderin për investim në përmirësimin funksional dhe estetik të vijës bregdetare të Durrësit, një projekt që synon rritjen e ofertës turistike dhe rigjenerimin urban të një prej zonave më të frekuentuara të vendit. Fondi limit i parashikuar për këtë ndërhyrje është 833 milionë e 196 mijë lekë, ndërsa projekti është pjesë e fazës së tretë të programit për investime në infrastrukturën e tregjeve, hapësirave tregtare dhe multifunksionale në zonat model të zhvillimit.
Sipas dokumentit në Agjencinë e Prokurimit Publik, ndërhyrja do të përfshijë segmentin bregdetar që shtrihet nga Ura e Dajlanit deri te Godina e Kavalishencës. Në këtë hapësirë ndërthuren banesa, struktura akomoduese, biznese, shërbime dhe ambiente publike, të cilat gjatë sezonit veror përballen me flukse të larta vizitorësh.
Projekti përfshin zgjerimin e plazhit ekzistues, krijimin e një parku linear të gjelbër përgjatë vijës detare, zhvillimin e hapësirave publike multifunksionale dhe integrimin e infrastrukturës së re rekreative e sportive. Gjatësia e zonës së ndërhyrjes është rreth 2.8 km, me një zgjerim të bregut deri në 100 metra drejt detit, duke krijuar hapësira të reja publike për banorët dhe vizitorët.
Referuar relacionit teknik, zona ka nevojë për përmirësime funksionale dhe estetike. Projekti synon një organizim më të mirë të hapësirës publike, modernizimin e infrastrukturës ekzistuese dhe krijimin e kushteve më cilësore për banorët, turistët dhe bizneset. Ndërkohë, evidentohet gjithashtu nevoja për përmirësimin e aksesueshmërisë përgjatë vijës bregdetare. Aktualisht zona lidhet me rrjetin kryesor rrugor të qytetit, por në periudhat me fluks të lartë turistik krijohen mbingarkesa në hyrje, në kalimet këmbësore dhe në parkime. Për këtë arsye parashikohen ndërhyrje që do të favorizojnë lëvizjen e këmbësorëve dhe biçikletave, si dhe zgjidhje të reja për menaxhimin e parkimeve.
Një nga elementët kryesorë do të jetë ndërtimi i një parku linear bregdetar, i cili do të shtrihet përgjatë gjithë segmentit të ndërhyrjes. Ai do të përfshijë hapësira të gjelbra me pemë, zona pushimi, shëtitore të reja dhe të ashtuquajturat "Green Coves", ambiente natyrore që do të krijojnë lidhje të drejtpërdrejtë mes qytetit dhe detit.
Në projekt janë parashikuar gjithashtu zona të dedikuara për aktivitete kulturore, festivale, gastronomi, sport dhe argëtim, si: kinema në natyrë, amfiteatër, fusha sportive, kënde lojërash për fëmijë, skate park, qendra turistike, ambiente shërbimi, si edhe qendra mjekësore.
Gjithashtu, në projekt parashikohen ndërtimi i pavijoneve modulare, të cilat do të përdoren për aktivitete tregtare, bare plazhi, restorante, pika informacioni, ambiente pushimi dhe shërbime të tjera. Struktura është konceptuar të jetë fleksibël dhe të përshtatet sipas sezonit dhe nevojave të zonës. Po kështu, do të ndërtohen stola, ulëse të integruara me gjelbërimin, stacione për parkimin e biçikletave dhe elementë të tjerë që synojnë ta bëjnë zonën më funksionale, më të aksesueshme dhe estetikisht më tërheqëse, duke krijuar një identitet të ri urban për vijën më të frekuentuar bregdetare.
Bonus-malus shpërblen shoferët, bie primi i sigurimit - AMF: Makinat pa aksidente gjatë vitit 2025 përfituan tarifa më të ulëta
Tregu i produkteve të sigurimit të makinave ka pësuar ndryshime të rëndësishme gjatë pesë muajve të parë të këtij viti. Sipas Autoritetit të Mbikëqyrjes......
Shtyhen me 10 ditë aplikimet për skemat në bujqësi - Salla: Interesi është rritur ditët e fundit. Bashkëpunim me Kosovën për në tregun e BE
Ndërsa sot ka qenë afati i fundi për aplikimet e fermerëve për të përfituar nga skemat kombëtare në bujqësi për vitin 2026, Ministri i Bujqësisë, Andi Salla......
Në shtator nis heqja e kabllove ajrore - Fokusi, në qendrat urbane dhe zonat turistike
Kabllot ajrore, të cilat janë kthyer në shenja identifikuese të qyteteve shqiptare për vite me radhë, do i nënshtrohen ndërhyrjeve për eleminimin e tyre.......
Sasia e peshkut të kapur zbriti me 7.9% gjatë 2025-ës/ Sektori regjistroi një rritje të numrit të subjekteve të licencuara
Sipas të dhënave nga Instituti i Statistikave rezulton se, gjatë vitit 2025, sasia e peshkut të zënë nga të gjitha kategoritë ujore ka pësuar rënie krahasuar......
Si është mbyllur kjo javë për valutat kryesore?
Dollari amerikan ka pasur një javë relativisht të paqëndrueshme duke e nisur atë pozitivisht por duke humbur pikë gradualisht sikurse edhe këtë mëngjes teksa......
Policia forcon kontrollin në plazhe dhe porte turistike - Lamallari: Dronë dhe teknologji për monitorimin e bregdetit
Siguria në plazhe, në pikat kufitare dhe në destinacionet më të frekuentuara turistike do të jetë në fokus të Policisë së Shtetit gjatë sezonit veror 2026.......
Inflacioni i tremb evropianët më shumë sesa amerikanët - Konsumi familjar është rritur 5.5% në eurozonë, krahasuar me 18% në SHBA
Konsumatorët evropianë shpenzojnë më pak dhe janë më të shqetësuar për rritjen e inflacionit sesa amerikanët. Ky ndryshim në shpenzimet e konsumatorëve është......
Rikonstruksion rrjetit elektrik në Berat - OSSH hap garën, synohet performancë energjetike e modernizim i rrjetit
Drejtoria Rajonale e OSSH Berat ka shpallur procedurën e prokurimit për ndërtimin e Fiderit të ri nr.12/20 kV në Nënstacionin Plasmas 110/20 kV, si edhe për......
