Rinovim godinash e stacione karikimi/ 3.46 mld lekë investime në energji, eficienca e energjisë në fokus të pr.buxhetit 2026
Rreth 3.46 mld lekë është vlera e investimeve në sektorin energjetik për vitin 2026. Sipas projektbuxhetit që po diskutohet në komisionet parlamentare, investimet në këtë sektor në pjesën dërrmuese janë me financim të huaj, në masën 3.2 mld lekë. Në këtë shifër 2.49 mld lekë janë kredi, ndërsa 710 mln lekë, grante. Ndërkohë që financimi i brendshëm është parashikuar në rreth 261.8 mln lekë. Në raport me vitin 2025 financimi për sektorin energjetik ka një rritje me 610 mln lekë.
Sipas relacionit shoqërues të pr.buxhetit, rritja e eficiencës së energjisë kundrejt konsumit të përgjithshëm final është një nga 3 prioritetet për vitet në vijim. Kjo nëpërmjet shqyrtimit të programeve për promovimin e tregut, për penetrimin e teknologjive të përparuara si dhe rritjen e përdorimit të energjive të rinovueshme. Në këtë kuadër, janë parashikuar disa projekte të reja, për të cilat financimi nis në vitin 2026. Një prej tyre është rinovimi i ndërtesave shumëfamiljare me eficiencë energjie, në Fier, Divjakë dhe Lushnje, teksa financimi për vitin 2026 parashikohet në 25 mln lekë. Paralelisht do të vazhdojë financimi për rinovimin me eficiencë energjie të konvikteve të Qytetit Studenti.
Një tjetër projekt i ri është edhe realizimi i punimeve, auditimi dhe projekt-zbatimi për vendosjen e stacioneve të karikimit për makinat elektrike në disa qytete dhe pika kufitare. Për këtë projekt, financimi për vitin që vjen parashikohet në rreth 19.4 mln lekë. Mesa duket ky është një projekt paralel me atë që drejtohet nga OSHEE, pasi sipas tabelave të pr.buxhetit është parashikuar si fond për Agjencinë e Eficiencës së Energjisë.
Ndërkaq, si vazhdim nga vitet e kaluar janë një sërë financimesh, si: ndërtimi i nënstacionit të Valiasit, nënstacioni nëntokësor 110/20 kV në qendër të Tiranës, rikonstruksioni i nënstacioneve 110 kV në rajonet Tiranë dhe Durrës, etj.
“Paqja Fiskale”, lehtësi apo amnisti e fshehur? Gjokutaj: Subjektet e rregullta do jenë të pabarabartë përballë ligjit
Ministria e Financave ka rishikuar projektligjin për marrëveshjen e të ashtuquajturës “Paqe Fiskale”, një nismë që u ofron bizneseve me të ardhura mbi 14......
Regjistrimet e bizneseve të reja pësuan rritje/ 7.2% më shumë në tremujorin e tretë. Tejkaluam mesataren europiane
Tremujori i tretë i vitit 2025 solli zhvillime në ecurinë ekonomike të Europës. Sipas të dhënave të publikuara, regjistrimet e reja të bizneseve në vendet e......
Shqipëri-Itali, ndërtim i anijeve ushtarake 800 ton - Zbardhet marrëveshja/Sipërmarrje e përbashkët në Pashaliman. Si do të ndahen detyrat?
Kompania shtetërore shqiptare për prodhimin e armëve, KAYO dhe ajo italiane për prodhimin e anijeve detare civile dhe ushtarake Fincantieri, do të krijojnë......
Gjermania planifikon rritjen e forcave ushtarake/ Synon të arrijë 260,000 trupa. Rekrutim i detyrueshëm në rast nevoje
Qeveria gjermane njoftoi një plan për rritjen e forcave ushtarake, duke përfshirë edhe mundësinë e vendosjes së shërbimit ushtarak të detyrueshëm......
Ndryshime në kontratat e energjisë/ Komuniteti i Energjisë: Rregullorja e re rrit besimin e investitorëve dhe ndërton treg konkurrues
Rritje e besimit të investitorëve dhe forcim i rolit të Shqipërisë në ndërtimin e një tregu të energjisë elektrike më konkurrues dhe më të qëndrueshëm”. Këto......
Pr/buxheti 2026, Kroacia parashikon deficit 2.9% - 35.7 miliardë të ardhura. Prioritet kyç, investimet për ushtrinë
Qeveria e Kroacisë miratoi projektbuxhetin shtetëror për vitin e ardhshëm, që parashikon një deficit të barabartë me 2.9% të Prodhimit të Brendshëm Bruto,......
“Sigurimet, përballë një sfide të jashtëzakonshme” - Kryeministri Rama: Të ndërtojmë një përgjigje më të fortë midis vendeve
Tirana ka mikpritur Konferencën Vjetore të Organizatës Botërore e Mbikëqyrësve të Sigurimeve. Në fjalën e tij, kryeministri Edi Rama numëroi sfidat me të......
663 milionë euro “kushtojnë” përjashtimet tatimore - Analiza e Financave me FMN/ 67% e totalit e zënë të ardhurat e munguara nga TVSH
Ministria e Financave, e asistuar nga Fondi Monetar Ndërkombëtar, ka bërë një analizë të përjashtimeve nga tatimet të bizneseve në Shqipëri si dhe një......
