Rinia 2030/Muzhaqi: Me Nismat Komunitare dhe Talentet Rinore, mbështesim qindra të rinj në projekte zhvillimi
Rinia 2030 / Muzhaqi: “Me Nismat Komunitare dhe Talentet Rinore, mbështesim qindra të rinj në projekte zhvillimi dhe përfaqësim të Shqipërisë në kompeticione ndërkombëtare”
Nga Demokracia Rinore te Inovacioni, nga Startup-et te Garancia Rinore dhe Mbështetja Studentore, kështu nisi takimi i zhvilluar nga Ministrja e Shtetit për Rininë dhe Fëmijët, Bora Muzhaqi, në sheshin “Italia”, me pjesëmarrjen e nxënësve, studentëve dhe profesionistëve të rinj. Në këtë aktivitet u prezantuan politikat dhe programet prioritare të Qeverisë së Shqipërisë në mbështetje të të rinjve, ku të pranishme ishin edhe Ministrja për Sipërmarrjen dhe Klimën e Biznesit, Delina Ibrahimaj, dhe Ministrja e Arsimit dhe Sportit, Ogerta Manastirliu.
Ministrja Muzhaqi theksoi se mbështetja për të rinjtë me programe konkrete është një mënyrë për të shpërblyer kontributin dhe angazhimin e tyre në fusha të ndryshme të jetës shoqërore.
“Kemi disa shtylla shumë të rëndësishme ku Qeveria investon për të rinjtë. Një prej tyre është demokracia dhe pjesëmarrja e tyre në vendimmarrje. Kemi ndërtuar 61 Këshilla Rinorë Vendorë dhe Këshillin Kombëtar Rinor, ku të rinjtë mund të angazhohen realisht në vendimmarrje dhe të zhvillojnë takime me kryetarët e bashkive për të diskutuar mbi politikat që prekin komunitetin e tyre. Kemi gjithashtu Këshillat Studentorë dhe Parlamentin e Nxënësve – mekanizma të rëndësishëm për t’i dhënë zë dhe rol aktiv brezit të ri,” u shpreh Muzhaqi.
Më tej, ajo ndaloi te ndryshimet në Ligjin për Rininë, duke prezantuar tre programe të reja që fuqizojnë mbështetjen për të rinjtë.
“Me Programin e Nismave Komunitare do të ofrojmë financim të dedikuar për veprimtarinë e strukturave rinore, si Këshillat Vendorë Rinorë dhe Këshillin Kombëtar Rinor, për projekte të drejtuara nga të rinjtë për të rinjtë. Do të mbështesim rreth 500 të rinj çdo vit me projekte konkrete që ndikojnë në zhvillimin e komuniteteve,” deklaroi ministrja.
Duke iu referuar nevojës për mbështetje të talenteve të reja që përfaqësojnë Shqipërinë jashtë vendit, Muzhaqi shtoi: “Shumë të rinj që kanë fituar konkurse apo olimpiada ndër vite kanë trokitur në dyert e Ministrisë për më shumë mbështetje. Me Programin e Talenteve Rinore, do të mbulojmë kostot e transportit dhe akomodimit për pjesëmarrjen e tyre në kompeticione ndërkombëtare në art, kulturë, shkencë, teknologji dhe sport. Çdo vit, rreth 200 të rinj do të përfitojnë nga ky program.”
Në vijim, Muzhaqi theksoi rëndësinë e Garancisë Rinore dhe Programit Kombëtar të Praktikave të Punës, të cilat synojnë lehtësimin e kalimit të të rinjve nga arsimi në tregun e punës.
“Programi i praktikave të punës dhe garancia janë mundësi konkrete për të ndihmuar të rinjtë të zhvillojnë karrierën e tyre dhe të gjejnë drejtimin profesional që u përshtatet më mirë. Keni mundësinë të provoni fusha të ndryshme dhe të gjeni veten aty ku ndiheni më të përmbushur,” u shpreh ajo.
Ministrja vuri theksin edhe te investimet në teknologji, si një nga drejtimet kryesore të zhvillimit për të rinjtë. “Teknologjia është bërë pjesë thelbësore e realitetit tonë dhe pa të rinjtë nuk kuptohet dot e ardhmja. Kemi investuar në qendra si TUMO dhe Piramida, si dhe në programet e kodimit në shkolla apo qendrat rinore,” përfundoi Muzhaqi.
Sondazh
Kryeministri Rama inspekton lagjen turistike, Pogradec - Zona drejt rehabilitimit të plotë
Në qytetet e vendit po rikthehen zonat historike, të rivitalizuara, falë projekteve dinjitoze, të cilat ruajnë vlerat historike dhe arkitektonike, por......
Vlera e arit në 20 vjet është rritur me 620 për qind- Ari është kthyer një zgjedhjen më të shpeshtë për kursime
Në dy dekadat e fundit, vlera e arit është rritur me 620 për qind, që do të thotë se nëse 2005 do kishit blerë 10 mijë euro ar sot vlera e arit të b;erë do......
Kosova hedh hapin e parë drejt energjisë së rinovueshme - Tri kompani ndërkombëtare kualifikohen për ndërtimin e impiantit të erës
Kosova ka shënuar një hap të rëndësishëm drejt rritjes së kapaciteteve të energjisë së ripërtërishme, me kualifikimin me sukses të tri kompanive......
Posta e shpejtë, sa zgjidhet nga shqiptarët?- AKEP: Rreth 30% më shumë objekte të dërguara me shërbimin ekspres në 2024
Nga 25 milionë objekte të dërguara me postë brenda ose jashtë vendit, qytetarët kanë zgjedhur që gati 5 milionë prej tyre t'i dërgojnë me shërbim ekspres. Të......
Mjalti, financim 1 mijë lekë për zgjua- Grupimet mbështetje pa tavan, duhet të dorëzojnë 30 % të mjaltit me faturë
Bletërritësit kanë afat deri më datën 30 Maj për të aplikuar për mbështetje me subvencione. Skema Kombëtare e mbështetjes në bujqësi 2025 parashikon financim......
Krijohet sistemi i formimit profesional- Vendimi, nga kursantët te trajnerët, çfarë përfshin sistemi?
Këshilli i Ministrave ka miratuar krijimin e një baze të re të dhënash shtetërore për sistemin e formimit profesional publik, me qëllim rritjen e......
Vera humb “sharmin”- Konsumi global, në nivelin më të ulët që nga viti 1961
Konsumi botëror i verës në vitin 2024 ra në nivelin më të ulët në më shumë se gjashtë dekada, njoftoi Organizata Ndërkombëtare e Vreshtarisë dhe Verës. Ajo......
Kinë, IA “reformon” arsimin- Teknologjia integrohet me edukimin për të nxitur inovacionin
Kina do të integrojë aplikacionet e inteligjencës artificiale (IA) në sektorin e mësimdhënies, tekstet shkollore dhe kurrikulën shkollore. Ky vendim ka si......
