Shqipëria Postuar më 26 Shkurt 2025, 15:40

Rikualifikimi i hyrjes së Shkodrës/ Vendimet e qeverisë: Mbi 402 milionë lekë për shpronësimet!

Nga Edel Strazimiri

Rikualifikimi i hyrjes së Shkodrës/ Vendimet e qeverisë: Mbi 402

Gjatë takimit të sotëm të Këshillit të Ministrave u miratuan edhe shpronësimet për interes publik, të pronarëve të pasurive të paluajtshme që preken nga realizimi i projektit “Rikualifikimi i hyrjes së qytetit të Shkodrës dhe bregut perëndimor të liqenit të Shkodrës”.

Sipas këtij vendimi, pronarët do të kompensohen me një vlerë të përgjithshme prej 402 403 347 lekësh, e cila do të përballohet nga buxheti i shtetit.

Bazuar në njoftim shpronësimi fillon menjëherë pas botimit të këtij vendimi në “Fletoren zyrtare” dhe afati i përfundimit të shpronësimit është brenda 3 muajve nga data e hyrjes në fuqi të tij ndërkaq pronarët do të kompensohen pasi të kenë paraqitur dokumentacionin justifikues për likuidim pranë Agjencisë Shtetërore për Shpronësimin.

Ky projekt i ri i financuar nga Fondi Shqiptar i Zhvillimit dhe mbështetur nga qeveria, përfshin krijimin e një parku prej 17-18 hektarësh, që do të përmbajë mjedise sportive, shëtitore për këmbësorë dhe biçikleta, pika panoramike për të shijuar pamjet e liqenit, si dhe hapësira për aktivitete dhe koncerte.

Sipas informacionit të publikuar pjesë e projektit janë edhe fushat e reja sportive dhe një mol i ri, që do të lidhet me mole të tjera në Shirokë dhe Zogaj.

Sondazh

Poll

Live TV

Të fundit
Të gjitha lajmet

Më të vizituarat