Rikualifikim i rrugëve dytësore në zonën e Durrësit të Ri/ Bashkia hap garën 137,6 mln lekë, synohet përmirësimi i infrastrukturës
Bashkia Durrës ka shpallur hapjen e garës për rehabilitimin e rrugëve dytësore në zonën e Durrësit të Ri. Fondi limit i parashikuar për këtë investim është 137 milionë e 604 mijë lekë.
Sipas dokumentit në Agjencinë e Prokurimit Publik, projekti synon rikualifikim urban të zonës, si dhe përmirësimin e infrastrukturës, sigurisë dhe aspektin estetik. Krahas zgjidhjeve të problematikave si infrastruktura rrugore, lëvizja e këmbësorëve, ndriçimi, gjelbërimi, një tjetër fokus i rikualifikimit urban është t’i japë një identitet të ri dhe të jetë si një pikë referuese, duke u kthyer në një zonë të qëndrueshme dhe estetikisht në harmoni urbane.
Zona e marrë në studim ndodhet në Spitallë dhe përfshin një sipërfaqe prej rreth 46 hektarësh. Sipas relacionit teknik, ajo është zhvilluar kryesisht pas viteve 1990 dhe dominohet nga ndërtime informale 1 dhe 2-katëshe, një pjesë e të cilave janë ende në proces legalizimi. Gjendja aktuale e infrastrukturës paraqitet problematike. Disa prej rrugëve kryesore janë rehabilituar së fundmi ose janë në proces rikonstruksioni, ndërsa rrugët dytësore vijojnë të jenë tërësisht të pashtruara dhe të amortizuara.
Ndërkohë evidentohet mungesa e hapësirave publike, e parqeve rekreative dhe e gjelbërimit. Një tjetër problem i konstatuar është mungesa e sinjalistikës dhe ndriçimit rrugor, çka e bën zonën të pasigurt sidomos gjatë orëve të natës. Përveç infrastrukturës së dobët, raporti ndalet edhe te zhvillimi spontan dhe i paorganizuar i zonës ndër vite. Çdo banor ka ndërhyrë individualisht për të zgjidhur problematikat e tij, pa marrë parasysh ndikimin në hapësirat e përbashkëta, duke krijuar një panoramë kaotike dhe të vështirë për t’u unifikuar urbanistikisht.
Ndërkohë edhe muret rrethuese të banesave, janë ndërtuar në mënyrë të çrregullt me blloqe betoni, rrjeta teli dhe kangjella të improvizuara. Në raport thuhet se këto ndërtime jo vetëm që ndikojnë negativisht në estetikën urbane, por nuk ndjekin asnjë standard të unifikuar.
Kështu, parashikohet ndërhyrje e plotë në infrastrukturën e rrugëve dytësore të zonës. Sipas planit teknik, zona është ndarë në dy blloqe banimi, blloku i parë përbëhet nga 17 rrugica, ndërsa blloku i dytë nga 19 rrugica.
Përmes këtij projekti, Bashkia Durrës synon jo vetëm sistemimin e rrugëve, por edhe krijimin e një standardi të ri urban në një zonë që prej vitesh është zhvilluar pa planifikim të mirëfilltë.
Europa e ndarë nga rreziqet, Shqipëria mbetet në zonën e sigurt/ Turizmi dhe investimet mund të përfitojnë nga perceptimi pozitiv
Një hartë e re europiane e sigurisë për vitin 2026, e publikuar nga Safeture, e rendit Shqipërinë ndër vendet me nivelin më të ulët të rrezikut në Europë. Në......
Inteligjenca artificiale rregullohet me ligj/ Drafti i AKSHI-t, rregulla për zhvillimin e sistemeve. Praktikat që ndalohen
Për herë të pare vendi ynë do të ketë një kuadër të posaçëm ligjor për inteligjencën artificiale, teksa Agjencia Kombëtare e Shoqërisë së Informacionit ka......
“Do të zbatojmë kërkesat e BE”/ Kompania Temu reagon pas gjobës prej 200 milionë euro
Një ditë më parë, Komisioni Evropian i vendosi një gjobë prej 200 milionë euro shitësit kinez online Temu për mosveprim në ndalimin e shitjes së produkteve......
Korea e Jugut kryeson importin e mjeteve në Shqipëri/ Janar-Prill, gati 50% e makinave të reja të regjistruara janë elektrike
Drejtoria e Përgjithshme e Shërbimeve të Transportit Rrugor ka publikuar të dhënat mbi vendet e origjinës së mjeteve të regjistruara në Shqipëri. Sipas......
Turizmi dhe ndërtimi, “motorët” e kreditimit/ Tregtia mbetet sektori më i financuar nga bankat, pavarësisht rënies
Kredia e re për biznesin ka vijuar rritjen me ritme të forta edhe në muajin prill 2026, e mbështetur kryesisht nga sektori i turizmit, industria përpunuese......
Marrëveshje armëpushimi SHBA-Iran/ Çmimi i naftës bie me mbi 1% pas raportimeve
Kontratat e ardhshme të naftës ranë me më shumë se 1% të premten, pas raportimeve se SHBA-të dhe Irani kishin arritur një marrëveshje të mundshme për të......
“Tronditje agroushqimore dhe krizë çmimesh”/ FAO paralajmëron vendet për mbylljen e Hormuzit
Mbyllja e Ngushticës së Hormuzit është fillimi i një "tronditjeje sistemike agro-ushqimore" që mund të shkaktojë një krizë të rëndë globale të çmimeve të......
Rreziku i një "brezi të humbur"/ Raport tronditës në Britani, 1.25 milionë të rinj pa punë dhe arsim në 5 vite
Shkalla e papunësisë së të rinjve në Mbretërinë e Bashkuar, që është rritur ndjeshëm vitet e fundit, do të vazhdojë të rritet nëse nuk merren masa, duke......
