Rikonstruksion rrjeti energjetik në Elbasan e Cërrik - OSSH hap garën, synohet modernizimi i infrastrukturës
Drejtoria Rajonale e Operatorit të Sistemit të Shpërndarjes (OSSH) në Elbasan ka shpallur dy tendera për përmirësimin e rrjetit të shpërndarjes së energjisë elektrike.
Sipas dokumentit të publikuar në Agjencinë e Prokurimit Publik, tenderi i parë ka të bëjë me rikonstruksionin e rrjetit të tensionit të mesëm dhe kabinave elektrike të Fiderit nr.13 Gracen, në nënstacionin Elbasan. Fondi limit i këtij investimi është 49 milionë e 995 mijë lekë.
Projekti synon modernizimin e infrastrukturës energjetike përmes zëvendësimit dhe përmirësimit të kabllove nëntokësore, kabinave elektrike dhe pajisjeve të tjera të rrjetit. Sipas dokumentacionit teknik, materialet që do të përdoren duhet të jenë të standardeve bashkëkohore dhe të garantojnë funksionim të sigurt në kushte të ndryshme atmosferike dhe ngarkesash në rrjet.
Ndërkohë, OSSH Elbasan ka hapur edhe një tjetër procedurë tenderimi për rikonstruksionin e rrjetit të tensionit të ulët dhe të kabinave elektrike në rrethinat e Cërrikut, pjesë e Fiderit nr.1 të nënstacionit Radio. Fondi limit për këtë projekt është 99 milionë e 934 mijë lekë.
Referuar dokumentit, parashikohet ndërtimi dhe përmirësimi i linjave të tensionit të ulët, të cilat përdoren për furnizimin me energji elektrike të banesave dhe bizneseve. Kabllot e reja janë projektuar për të garantuar siguri më të lartë, qëndrueshmëri ndaj kushteve atmosferike dhe furnizim të pandërprerë me energji elektrike.
Përmes këtyre investimeve, synohet rritja e cilësisë së shërbimit, ulja e humbjeve teknike në rrjet dhe përmirësimi i furnizimit me energji elektrike për banorët dhe bizneset në zonat përfituese të Elbasanit dhe Cërrikut.
“BE-së i duhet Ballkani Perëndimor” - Rama: Transformim i thellë, Shqipëria synon anëtarësimin brenda dekadës
Bashkimit Europian i duhet Ballkani Perëndimor. Është kjo deklarata e bërë nga Kryeministri Rama në Konferencën Vjetore të Komisionit të Bllokut Lindor, një......
Buxheti i shtetit, 340.5 mld lekë në 5 muaj - Kryesojnë TVSH dhe tatimi mbi të ardhurat personale
Gjatë periudhës 5-mujore të këtij viti buxheti I shtetit ka arkëtuar rreth 340.5 miliardë lekë, me realizim 105.3 % të planit të periudhës. Ndërkohë,......
Ndryshon trendi në tregun valutor – Dobësohen valutat kryesore
Dollari amerikan ka pësuar këtë mëngjes një zbritje të konsiderueshme të vlerës në raport me rritjen që regjistroi një ditë parë teksa është blerë sot me 81......
SpaceX kalon Amazon - Bëhet kompania e pestë më e vlefshme në botë
SpaceX i Elon Musk ka tejkaluar Amazon si kompania e pestë më e vlefshme në botë, vetëm disa ditë pas debutimit të saj në bursë. Ky moment historik erdhi......
Marrëveshja me Iranin, fond 300 mld dollarë - Reuters zbulon detaje nga Fondi i Rindërtimit dhe Zhvillimit
Një fond privat prej 300 miliardë dollarësh i projektuar për të nxitur investime në Iran është përcaktuar në marrëveshjen kornizë SHBA-Iran dhe më shumë se......
Shqetësimi për çekuilibrat ekonomike globale - Një nga temat qendrore në takimin e udhëheqësve të G7
Franca po përdor presidencën e saj të G7 për të vënë në qendër të vëmendjes çekuilibrat në rritje ekonomike globale, ndërsa eksportet në rritje të Kinës,......
“Ekonomia e Serbisë është e qëndrueshme” - Raporti i FMN: Rreziqet mbeten të pranishme
Ekonomia e Serbisë mbetet e qëndrueshme mes ndërprerjeve të shkaktuara nga lufta në Lindjen e Mesme, me rreziqe të theksuara rënieje, tha Fondi Monetar......
Ligji i ri i energjisë rregullon pikat e karikimit/ Karakaçi: Kemi parashikuar të shtohet një operator i ri
Komisioni për Burimet Natyrore, Infrastrukturën dhe Zhvillimin e Qëndrueshëm ka miratuar projektligjin “Për sektorin e energjisë elektrike”. Gjatë fjalës së......
