Reforma territoriale trefishoi buxhetin vendor - Malaj: Bashkitë, planet e shlyerjes së detyrimeve brenda 20 korrikut
Ministri i Financave bëri të ditur sot se buxheti vendor është rritur ndjeshëm pas fillimit të reformës territoriale në vitin 2015, duke u trefishuar në vitin 2025. Në vitin 2015, buxheti vendor ishte 35 miliardë lekë, ndërsa në vitin 2025 ai parashikohet të arrijë në 89,9 miliardë lekë.
Po ashtu, transferimet e pakushtëzuara janë rritur nga 12,3 miliardë lekë në vitin 2015 në 26,2 miliardë lekë në vitin 2025, një rritje prej 2,1 herë. Investimet në infrastrukturë të financuara nga të ardhurat e veta të bashkive, theksoi ai, janë rritur gjithashtu nga 8 miliardë lekë në vitin 2015 në rreth 17 miliardë lekë në vitin 2025, që përfaqëson një trefishim të tyre.
Ministri theksoi gjithashtu përmirësimin e ndjeshëm të performancës së bashkive në të ardhurat vendore. Nga viti 2015 deri në 2025, të ardhurat janë rritur me 300 milionë euro, ose 3,4 herë më shumë se në vitin 2015. “Në vitin 2024, peshën më të madhe në të ardhurat vendore e zë taksa e ndikimit në infrastrukturë me rreth 42%, e ndjekur nga taksa mbi ndërtesat me rreth 13% dhe po aq tarifa e pastrimit”, deklaroi Malaj.
Në lidhje me detyrimet vendore, Malaj tha se është shënuar një përmirësim i ndjeshëm në nivel bashkish. Sipas tij, stoku i detyrimeve është ulur me 74%, nga 12,1 miliardë lekë në vitin 2015, në 3,2 miliardë lekë në vitin 2024. “Detyrimet e prapambetura lidhen kryesisht me vendime gjyqësore apo investime dhe i përkasin dy viteve të fundit”, deklaroi Malaj.
Gjithashtu ai theksoi se bashkitë që përballen me vështirësi financiare duhet të hartojnë dhe miratojnë planet e shlyerjes së detyrimeve të prapambetura deri më 20 korrik.
Sipas tij, çdo plan duhet të miratohet në këshillin bashkiak përkatës dhe më pas të dorëzohet pranë Ministrisë së Financave dhe me pas ajo do të ndjekë zbatimin e shlyerjes së detyrimeve brenda një afati 12-mujor.
“Bashkitë me vështirësi financiare duhet të përgatisin edhe planet e rehabilitimit financiar, të cilat po ashtu duhet të miratohen deri më 20 korrik dhe t’i kalohen Ministrisë së Financave për komente dhe rekomandime”, u shpreh Malaj.
Pas vlerësimit nga Ministria, theksoi ai, këto plane do t’i kalohen degëve të Thesarit për ndjekje dhe zbatim. Ministri vlerësoi një sërë bashkish për rezultatet e arritura në realizimin e të ardhurave vendore dhe të investimeve.
Bashkitë që kanë realizuar mbi 70% të buxhetit të tyre të miratuar, si në aspektin e të ardhurave, ashtu edhe të investimeve, janë: Tirana, Kamza, Durrësi, Vlora, Elbasani dhe Shkodra. Në këtë listë, Malaj përfshiu edhe bashkinë e Lezhës, e cila ka treguar performancë të mirë veçanërisht në zbatimin e projekteve investuese.
34 milionë euro shtesë për bujqësinë - Fermerët marrin pjesën më të madhe. Si parashikohet financimi deri në 2028-ën
Mbështetja financiare për sektorin bujqësor në vend do të vijojë të rritet dhe pse në raport me nevojat që ka, fondet e akorduara sërish janë në nivel të......
Rritet mbështetja buxhetore për hekurudhat - Planifikohen mbi 29 miliardë lekë deri në vitin 2028
Qeveria shqiptare ka planifikuar një rritje të investimeve në sektorin e transportit hekurudhor, sipas Programit Buxhetor Afatmesëm 2026-2028. Gjatë katër......
‘Reformë institucionale për kontrollin e territorit’ - Rama: Rregulla të reja për kantieret e ndërtimit!
Kryeministri Edi Rama u shpreh për një reformë gjithëpërfshirëse të institucioneve në nivel qendror dhe lokal, mbi kontrollin e territorit kundër ndërtimeve......
Bitcoin arrin nivel rekord - Kriptomonedhat janë nxitur nga kërkesa institucionale, politikat mbështetëse
Bitcoin është rritur në nivele rekord të premten, i nxitur nga kërkesa e investitorëve institucionalë dhe politikat miqësore ndaj kriptovalutave nga......
BE, në negociata me Trump - Cili shtet evropian do të prekej më shumë nga tarifat amerikane?
Gjermania dhe Irlanda dallohen si dy ekonomitë më të ekspozuara të BE-së ndaj tarifave më të larta të SHBA-së. Brukseli po punon drejt një marrëveshjeje......
Rama: Të gjithë kryetarët e njësive administrative duhet të shkarkohen brenda të hënës!
Kryeministri dhe njëherazi kreu i Partisë Socialiste, Edi Rama ka kërkuar shkarkimin të gjithë krerëve të njësive administrative, për ti hapur rrugë......
Si e përdorën shqiptarët kohën digjitale? 85% e shpenzuan duke folur në telefon, 27% duke u marrë me politikë
Një pjesë e konsiderueshme e kohës sonë sot kalon në botën digjitale, duke kryer aktivitete të ndryshme në internet. Sipas të dhënave të publikuara nga......
Rama me krerët e bashkive: Në qytetet me fluks turistësh, ka dal në pah dobësia e pushtetit vendor
Kryeministri Edi Rama zhvilloi sot një takim me kryetarët e bashkive për performancën e pushtetit vendor në funksion të vizionit “Shqipëria 2030” në BE. Në......
