“Realizuam Transparencën e Strukturës së Pronësisë së Medias” - Kreu i AMA, Armela Krasniqi, në takimin e 62-të të EPRA-s
Kryetarja e Autoritetit të Mediave Audiovizive, Armela Krasniqi ka marrë pjesë në takimin e 62-të të Platformës Europiane të Enteve Rregullatore, EPRA. Në këtë takim, ajo ka shpjeguar një proces rregullator shumë të rëndësishëm për tregun mediatik shqiptar, i kryer nga AMA, siç është Transparenca e Strukturës së Pronësisë së Medias dhe Pronarët Përfitues direkt dhe indirekt, si dhe studimin mbifokusin ekonomik të OSHMA-ve, përtej tregut mediatik.
Sipas Krasniqit, AMA ka krijuar dhe publikuar një databazë gjithëpërfshirëse mbi Transparencën e Strukturës Pronësore, e cila është e aksesueshme përmes faqes zyrtare të institucionit. Kjo databazë shërben si një burim kryesor dhe i përditësuar, dhe përmban informacion të detajuar mbi të gjitha OSHMA-të e licencuara dhe të autorizuara në Shqipëri. Ajo përfshin të dhëna si për personat juridikë ashtu edhe për persona fizikë, duke shtrirë transparencën deri në identifikimin e plotë të pronarëve përfitues fundorë. Përmes publikimit të këtij informacioni, AMA siguron që strukturat e pronësisë së të gjithë OSHMA-ve të jenë plotësisht transparente dhe të gjurmueshme, duke forcuar kështu besimin publik dhe mbikëqyrjen rregullatore.
Të dhënat e përfshira në databazën e Transparencës së Pronësisë janë të organizuara në 5 kategori kryesore të OSHMA-ve, duke pasqyruar diversitetin e operatorëve aktivë në tregun mediatik shqiptar dhe përfshin, operatorët kabllorë, ata ofrues, përsëritës, audio dhe subjektet audioviziv. Ky sistem i integruar i mundëson AMA-s të ketë një regjistër dinamik dhe transparent të strukturave të pronësisë, i cili pasqyron në kohë reale ndryshimet në tregun audioviziv.
Përveç kësaj, AMA ka kryer tashmë edhe një studim të hollësishëm mbi investimet ekonomike të OSHMA-ve, përtej tregut mediatik. Në kuadër të monitorimit të tregut, AMA ka analizuar investimet e kontribuesve të operatorëve audio dhe audiovizivë në degë të ndryshme të industrisë. Kjo analizë pasqyron me transparencë përfshirjen e tyre në aktivitete ekonomike përtej fushës së medias, duke ofruar një panoramë më të gjerë të shpërndarjes së kapitalit në ekonomi. Ky vëzhgim i detajuar nuk ka për qëllim vetëm të tregojë shtrirjen e interesave të investitorëve, por mbi të gjitha, të forcojë transparencën në fushën e medias. Këto klasifikime përfshijnë një sërë degësh ekonomike si: bujqësia, pyjet dhe peshkimi, industria nxjerrëse dhe përpunuese, transporti, etj.
Bllokohen mallra të dyshuara si falsifikime në Portin e Durrësit!
Dogana Shqiptare njofton se gjatë një kontrolli të detajuar nga strukturat doganore në terminalin e kontejnerëve, u konstatuan veshje me marka të mbrojtura......
Nis hartimi i rregullave për qarkullimin e monopatinave - Koçiu: Nga standardet teknike tek zonat e lejuara!
Ministrja e Punëve të Brendshme, Albana Koçiu mbodhi sot në një tryezë diskutimi, gjithë institucionet kryesore që luajnë rol kyç në sigurinë rrugore për......
Bllokohen 4 ton pesticide të skaduara - AKU inspektime në Tiranë, Durrës dhe Lezhë
Afro 4 ton produkte të mbrojtjes së bimëve janë bllokuar nga Autoriteti Kombëtar i Ushqimit, i cili ka kryer disa inspektime ne disa biznese, në qarqet......
BE kërkon fuqi punëtore të kualifikuar - Gonzato: Investoni për të qenë konkurrues! Manjani: Fokusi tek aftësitë
Integrimi i Shqipërisë në Bashkimin Evropian, ndër të tjera sjell edhe një sfidë kyçe, një kapital human të gatshëm për të përballuar tregun europian të......
Katër rrugët, që marrin 2.4 mld lekë shtesë - Projektet/ Nga bypass-i i Tiranës, te zgjidhja e trafikut në autostradën Tiranë-Elbasan
Ndryshimet në buxhetin 2025, përmes Aktit Normativ të qeverisë, akordojnë 2.4 mld lekë shtesë për avancimin e projekteve të ndryshme rrugore. Më konkretisht,......
Britani/ prodhimi i makinave, niveli më i ulët në 73 vite - Shkak, sulmi kibernetik ndaj Jaguar Land Rover dhe konkurrenca nga Kina
Prodhimi i makinave në Mbretërinë e Bashkuar ka rënë në nivelin më të ulët që nga viti 1951, pas një sulmi kibernetik që paralizoi kompaninë Jaguar Land......
Universiteti “Aleksandër Moisiu”, me kampus të ri - Pol inovacioni dhe modern, hapet konkursi ndërkombëtar i masterplanit
Agjencia Kombetare e Planifikimit te Territorit ka shpallur Konkurs Ndërkombëtar për Projek-Ide Masterplani për ngritjen e kampusit universitar “Aleksandër......
Të dielën akrepat kthehen një orë pas - Si ndikon ky ndryshim në shëndetin tonë?
Çdo vit, në tetor, kur akrepat kthehen një orë prapa, miliona njerëz gëzohen duke menduar se do të flenë një orë më shumë. Por a ndikon vërtet ky ndryshim i......
