Qeveria miraton procedurat për kthimin e garancive shtetërore dhe menaxhimin e kredive të pakthyera
Këshilli i Ministrave ka miratuar vendimin për përcaktimin e procedurës së detajuar për kthimin e garancive, huave dhe nënhuave, si dhe për procedurat e marrjes në pronësi, administrimit dhe shitjes së pasurive të lëna si garanci nga huamarrësit.
Vendimi synon të përcaktojë parimet, rregullat dhe procedurat për menaxhimin dhe rikuperimin e garancive shtetërore të dhëna për huat dhe nënhuat, si dhe për kthimin e kredive shtetërore të pakthyera, të akorduara nga bankat e nivelit të dytë me kapital tërësisht shtetëror para procesit të privatizimit.
Sipas vendimit, Agjencia e Menaxhimit të Garancive dhe Kredive të Pakthyera do të jetë institucioni përgjegjës për nisjen e procedurave për rikuperimin e detyrimeve, pasi të marrë njoftimin nga Ministria e Financave për pagesën e kryer të garancisë shtetërore në favor të institucionit huadhënës.
Agjencia do të njoftojë huamarrësit për detyrimet e papaguara dhe do të mbikëqyrë gjendjen financiare të tyre. Në rast se konstatohet mospagim i detyrimeve, do të ndërmerren procedura për bllokimin e llogarive bankare, sekuestrimin e shumave dhe ndjekjen e procedurave përmbarimore deri në shlyerjen e plotë të detyrimit.
Vendimi përcakton gjithashtu procedurat për menaxhimin e garancive sovrane, përfshirë raportimin periodik nga bankat e nivelit të dytë dhe verifikimin e kërkesave për pagesë nga Agjencia, para se të autorizohet pagesa nga Ministria e Financave.
Në rast se huamarrësit nuk shlyejnë detyrimet, pasuritë e lëna si garanci ose edhe pasuri të tjera të debitorëve mund të kalojnë në pronësi të Agjencisë përmes procedurave përmbarimore. Këto pasuri do të administrohen nga Agjencia dhe më pas do të shiten përmes ankandit publik, sipas legjislacionit në fuqi për shitjen e pronës shtetërore.
Të ardhurat e realizuara nga shitja e këtyre pasurive do të derdhen në buxhetin e shtetit.
Vendimi gjithashtu shfuqizon vendimin nr.681, datë 11 qershor 2009, të Këshillit të Ministrave për trajtimin e kredive të transferuara nga bankat e nivelit të dytë me kapital tërësisht shtetëror në Agjencinë e Trajtimit të Kredive.
Për zbatimin e këtij vendimi ngarkohen Ministria e Financave dhe Agjencia e Menaxhimit të Garancive dhe Kredive të Pakthyera, ndërsa ai hyn në fuqi pas botimit në Fletoren Zyrtare.
Qeveria miraton kompensimin e kontributeve për bizneset e prekura nga rritja e pagës minimale
Këshilli i Ministrave miratoi sot vendimin për përcaktimin e rregullave, kritereve dhe masës së kompensimit të kontributeve të sigurimeve shoqërore dhe......
Rama mbledh qeverinë pas betimit të ministrave të rinj
Këshilli i Ministrave zhvilloi sot mbledhjen e kabinetit qeveritar, ku kanë marë pjesë edhe ministrat e rinj pas betimit para Presidentit Bajram Begaj në një......
Balluku i kalon stafetën Ministrit të ri të Infrastrukturës: “Mënyra e tij e të çuarit përpara e të gjithë politikave, sukses i garantuar”
Pas betimit në Presidencë, Ministri i Ri i Infrastruktururës dhe Energjisë, Enea Karakaçi është prezantuar nga paraardhësja e tij, Belinda Balluku. Gjatë......
Rritja e naftës në bursë/ Si përkthehet në rritjen e çmimit të karburantit në Shqipëri
Çmimi i karburanteve në Shqipëri lidhet ngushtë me zhvillimet në tregjet ndërkombëtare të naftës së përpunuar, përveç bençmarkut global që është nafta Brent......
Turistët e Lindjes së Mesme, sa do t’i mungojnë Shqipërisë? - Zani: Pasiguria në rajon ndikon në udhëtimet drejt vendit tonë
Situata e tensionuar në Lindjen e Mesme po ndikon dukshëm edhe në lëvizjet turistike drejt Shqipërisë. Konfliktet dhe sulmet e fundit kanë shkaktuar......
Si duhet të kontrollohen abuzimet me çmimet? - Eksperti Musta: Mekanizëm për matjen e marzheve të fitimit për kompanitë
Ndërsa në Shqipëri kanë nisur të ndjehen efektet e para të konfliktit në Lindjen e Mesme, reflektuar kjo në rritjen e çmimit të karburanteve, ekspertët......
Shqipëria ringre Shkollën e Aviacionit - Vetëm 10 kadetë do t’i nënshtrohen një kurrikule 18-mujore për t’u certifikuar si pilot
Kanë nisur procedurat për rekrutimin e studentëve të Shkollës së Aviacionit në Vlorë. Kjo shkollë do të rikthehet pas 19 vitesh falë bashkëpunimit midis......
A po i shkruan gjenerata Z rregullat e punës? - Hasalla: Brezat e rinj po ndryshojnë pritshmëritë ndaj kompanive shqiptare
Të rinjtë e brezit Gen Z dhe millennials po i kushtojnë gjithnjë e më shumë rëndësi qëllimit dhe kuptimit që u jep puna e tyre. Për shumë prej tyre, një vend......
