Projekti për rikualifikimin e Ujërave Termale të Bënjës - Kumbaro: Përmirësojmë kushtet për vizitorët duke ruajtur rregullat e një zone të mbrojtur
Vazhdojnë punimet në kantierin e Ujërave Termale të Bënjës me qëllim përmirësimin e shërbimeve, peizazhit turistik dhe ndërhyrjeve rikualifikuese për të krijuar një atraksion të zhvillimit të qëndrueshëm. Ministrja e Turizmit dhe Mjedisit Mirela Kumbaro, inspektoi nga afër punimet.
"Me Fondin Shqiptar të Zhvillimit kemi nisur investimin e një kantieri rikualifikimi të të gjithë zonës si nevojë për të ndërhyrë në radhë të parë për të orientuar flukset, si të makinave që grumbullohen në hyrje të kësaj zone natyrore dhe turistike si dhe për të organizuar gjithë hapësirën, duke ofruar dhe shërbime. Këtu kemi mungesë totale të ujit dhe energjisë elektrike. Me këtë investim të qeverisë shqiptare, do ta kthejmë në një atraksion të zhvillimit të qëndrueshëm, sepse jemi në zonë të mbrojtur dhe duhet të jemi shumë të kujdesshëm që të mos kemi ndërhyrje të rënda", tha ministrja.
Ky projekt është i ndarë në disa zona të cilat përfshijnë hapësirën e parkimit, atë të kamperave, hapësira për piknik, një zonë dedikuar shitjes së produkteve lokale dhe artizanale, zona e vaskave, një amfiteatër i konceptuar për evente, si dhe një zonë shërbimesh ku do të ketë edhe dushe e dhoma zhveshjeje.
Ministrja Kumbaro kërkoi një bashkëpunim të ngushtë mes bashkisë Përmet dhe Agjencisë Kombëtare të Zonave të Mbrojtura për një menaxhim të suksesshëm të këtij atraksioni.
“Na duhet bashkëpunim me bashkinë për të gjetur një model të mirë të menaxhimit, me qëllim që të ruhet standardi, pastërtia dhe gjithë ky investim të mos degjenerohet. Kjo është arsyeja pse jemi të gjithë sot, bashkë me zyrën e administrimit të Parkut Kombëtar të Vjosës, Agjencinë Kombëtare të Zonave të Mbrojtura dhe bashkitë Këlcyrë e Përmet që në hartën e tyre turistike e kanë një ndër stacionet më të preferuara këtë zonë.”
Ky investim parashikohet të përfundojë në muajin mars të vitit 2026.
Udhëtoni drejt Shqipërisë? - Dogana shqiptare informon mbi rregullat dhe kufijtë për mallrat personale!
Dogana shqiptare ka informuar sot përmes rrjeteve sociale se udhëtarët që hyjnë në territorin shqiptar mund të sjellin me vete mallra për përdorim vetjak ose......
Polonia planifikon skemën “pa taksa” - Synon të tërheqë rreth 24 miliardë euro investime nga familjet
Polonia planifikon një skemë të re të përjashtuar nga taksat për të nxitur investimet nga familjet, të cilat mund të tërheqin rreth 24 miliardë euro ose 2.5%......
SHBA ndalon financimin e vaksinave - Ndërpriten 500 milionë dollarë fonde për projektet me teknologjinë mRNA
Sekretari i Shëndetësisë i Shteteve të Bashkuara, Robert F. Kennedy Jr., njoftoi planet për të anuluar 500 milionë dollarë në projekte vaksinash. Në një......
Situata e zjarreve gjatë orëve të fundit/ AKMC: 25 vatra në të gjithë vendin, 1 ende aktive!
Agjencia Kombëtare e Mbrojtjes Civile njofton se gjatë orëve të fundit janë evidentuar 25 vatra zjarri, ndër të cilat vetëm një mbetet aktive. Vatra......
AMA bashkëpunim me platformën X/ Krasniqi: Një mjedis i pastër digjital, prioriteti ynë!
Autoriteti i Mediave Audiovizive ka vendosur një rekord të ri bashkëpunimi me një nga platformat më të mëdha online këtë e bëri me dije sot kryetarja e......
Deri në 5 milionë lekë për mekanikë bujqësore - Financim 50% të vlerës totale të faturave tatimore!
Sipas Agjencisë për Zhvillimin Bujqësor dhe Rural, vitin e kaluar kërkesat më të larta për financim përmes Skemës Kombëtare të Investimeve, ishin për blerjen......
Rritje e aktivitetit ekonomik/ Malaj: 90,5 miliardë lekë në gjysmën e parë të vitit!
Ministri i Financave, Petrit Malaj bëri të ditur se, xhiroja totale e raportuar nga subjektet ekonomike në periudhën janar-qershor të këtij viti është rritur......
Linjë hekurudhore Sukth-porti i ri i Durrësit - Tender për projektimin, duhet të lejojnë operimin e trenave të mallrave në rrjetin e BE
Autoriteti Portual Durrës synon të ndërtojë një linjë hekurudhore për transportin e mallrave, duke lidhur portin e ri tregtar në Porto Romano me stacionin......
