Projekti për gazifikimin e Korçës-Kompania azere, takim me kryebashkiakun, Filo: Në prill nënshkruhet marrëveshja
Ecuria e projektit të gazifikimit të Korçës ishte në fokus të një takimi mes ambasadorit të Azerbajxhanit dhe përfaqësuesit të kompanisë shtetërore të gazit të Azerbajxhanit, SOCAR me kryetarin e Bashkisë Korçë, Sotiraq Filo. Sipas kryebashkiakut azerët tashmë kanë hapur zyrë në Tiranë, ndërsa ndau 2 hapat e radhës që pritet të ndërmerren në vijim, në drejtim të avancimit të projektit.
“Aktualisht, jemi duke ecur me shpejtësi, janë mbyllur të dy studimet e fizibilitetit, qoftë ai ekonomik, qoftë ai teknik i projektit, dhe presim që gjatë fillimit të muajit prill të nënshkruhet edhe marrëveshja e vendit pritës. Ky është termi teknik që përdoret, pra "Host Country Agreement", ndërmjet dy qeverive, që më pas do t’i hapë rrugën edhe fillimit të zbatimit konkret të punimeve.U informova nga ana e ambasadorit dhe nga përfaqësuesi i SOCAR-it se më datë 5 mars do të kemi një vizitë të zgjeruar të ekipit menaxhues të SOCAR-it, gjatë së cilës do të bëhet edhe një prezantim publik i ecurisë së projektit. Ky prezantim do të jetë i hapur për autoritetet, për mediat, për shoqërinë civile dhe për qytetarët e Korçës”, - tha Filo.
Ky takim vjen pas Memorandumit të Bashkëpunimit të nënshkruar në nëntor të vitit të kaluar mes Ministrisë së Infrastrukturës dhe Energjisë, Albgaz dhe kompanisë shtetërore të naftës në Azerbajxhan, SOCAR, për zhvillimin e infrastrukturës së gazifikimit të qytetit të Korçës. Projekti i gazifikimit të Korçës është evidentuar si projekt i rëndësishëm, ndërsa përmes një vendimi të mëparshëm qeveria ndryshoi Masterpalnin e Gazit, duke e listuar te projektet prioritare në periudhën afatshkurtër. Ndërkaq, sipas planit 10-vjeçar të investimeve të kompanisë shtetërore të gazit, ALBGAZ vlera që nevojitet për gazifikimin e qytetit të Korçës është 20.8 mln. Pjesa më e madhe prej 13.3 mln euro do të duhet të investohet nga rezidentët.
Sondazh
Lindjet shënojnë rënien më të thellë në 9 dekada/ Në 2024 erdhën në jetë 22,400 foshnja, 5% më pak se në 2023
Popullsia e Shqipërisë po përballet me tkurrje për shkak të uljes së numrit të lindjeve dhe emigracionit të lartë. Të dhënat demografike të publikuara nga......
“Rritja ekonomike, niveli 4% optimal” -Ish-ministri Malaj: Të shtohet përdorimi i obligacioneve
Buxheti 2025 mbështet rritje ekonomike të qëndrueshme dhe konsolidimin e vazhdueshëm fiskal, që garanton mbështetje të zhvillimit ekonomiko-social të vendit.......
Berberët janë në modë! Biznesi i prerjes së flokëve po fiton gjithnjë e më shumë terren
Industria e prerjes së flokëve, e njohur ndryshe si “Barbershop”, po fiton gjithnjë e më shumë terren në tregun e bizneseve në Shqipëri. Sipas faqes......
A do të zhvlerësohet sërish euro ndaj lekut? Eurobondi 650 mln euro, Zefi: Ndikime në ekonomi dhe kursin e këmbimit
Shqipëria ka dalë sërish në tregjet ndërkombëtare duke emetuar Eurobondin e 7-të me vlerë prej 650 milionë eurosh, afat 10 vjeçar dhe me një yeld 5% .......
Ripërdorimi social i pasurive të konfiskuara, Xhaja: Forcim të mekanizmave monitorues dhe rritje të transparencës
Kryeadministratorja e Agjencisë së Administrimit të Pasurive të Sekuestruara dhe Konfiskuara, zj. Risena Xhaja ishte e pranishme në panelin e parë të......
Shqiptarët preferojnë depozita afatgjata- BSH: Rënie drastike e kursimeve të ruajtura me afat 1, 3 dhe 6 muaj
Gjatë vitit 2024, shqiptarët kanë preferuar që t'i ruajnë kursimet e tyre në depozita me afat, sidomos në ato me maturitet mbi 2 vite. Sipas të dhënave më të......
Shqetësime për bizneset që do vetëmenaxhojnë mbetjet- Përgjegjësia e Zgjeruar e Prodhuesit, Shalsi e Tabaku: Kemi shumë kërkesa nga sipërmarrjet
Komisioni parlamentar i Ekonomisë dhe Financave miratoi në parim projektligjin, që ngarkon çdo subjekt prodhues, që zhvillon, prodhon, përpunon, trajton, shet......
Rijetëzim i sheshit “Nënë Tereza” për librin e publikun- Rama: Tirana do të bëhet një nga kryeqytetet më tërheqës të Europës
“Është e rëndësishme që projekti është tërësisht i disponueshëm për t’u bërë i lëvizshëm, pra nuk është një ndërtim me një impakt mbi strukturën e......
