Programi i Zhvillimit dhe Qëndrueshmërisë Financiare - Guvernatori Sejko takim me ekipin e Bankës Botërore!
Guvernatori Gent Sejko priti sot në takim një ekip të Bankës Botërore (BB), në kuadër të Programit të Zhvillimit dhe Qëndrueshmërisë Financiare, të kryesuar nga Rekha Reddy, në rolin e saj të ri si menaxhere e projektit.
Diskutimi u përqendrua kryesisht në vijimin e bashkëpunimit dhe programet e asistencës teknike të Bankës Botërore me Bankën e Shqipërisë.
Në krye të takimit, Guvernatori Sejko prezantoi shkurtimisht zhvillimet ekonomike dhe financiare të vendit, dhe falënderoi Bankën Botërore për kontributin e dhënë nëpërmjet programeve të ndryshme të asistencës, të cilat kanë përfshirë fillimisht fushën e mbikëqyrjes, për të vijuar më tej me ndërhyrjen e jashtëzakonshme, sistemet e pagesave, përfshirjen financiare të popullsisë dhe vlerësimin e ndikimit të ndryshimeve klimatike. Asistenca e Bankës Botërore në këto fusha ka përfshirë jo vetëm përshtatjen e kuadrit rregullativ, por edhe zbatimin praktik të tij.
Përfaqësuesit e Bankës Botërore shprehën vlerësimin e tyre për cilësinë e bashkëpunimit të ofruar nga Banka e Shqipërisë, dhe u shprehen të gatshëm të zgjerojnë atë edhe në aspekte të tjera të fushave në fjalë. Në këtë kuadër, u përmend ndikimi që do të sjellë kalimi në standardin e IFRS9 në mënyrën se si bankat do të vlerësojnë rrezikun e kredisë, dhe nevoja që kjo të shoqërohet me ndryshimet përkatëse rregullative sa i përket administrimit të rrezikut të kredisë, dhe u evidentua nevoja që kjo të shoqërohet me ndryshimin e rregullores së administrimit të rrezikut të kredisë.
Guvernatori Sejko vlerësoi si me interes bashkëpunimin në drejtimet e mësipërme, duke shtuar se kuadri rregullativ dhe mbikëqyrës i Bankës së Shqipërisë, edhe falë bashkëpunimit me Bankën Botërore, ka ardhur në përmirësim të vazhdueshëm. “Aktualisht, jemi në fazën ku cilësia e këtij kuadri do të vlerësohet nga strukturat përkatëse të Bashkimit Europian, si pjesë e procesit të ekuivalentimit, dhe pritshmëritë e Bankës së Shqipërisë janë pozitive,” u shpreh Guvernatori Sejko.
Ai shtoi se me interes për bashkëpunimin mes palëve do të ishte edhe analiza e përparësive dhe rreziqeve që shoqërojnë proceset e digjitalizimit të sistemit financiar, dhe më në përgjithësi, ndryshimet ligjore e rregullative që do të bëhen në kuadër të procesit të integrimit europian, në sferën e shërbimeve financiare.
Përfaqësuesit e Bankës Botërore u shprehën të hapur për bashkëpunim në të gjitha këto drejtime. Ata ofruan gjithashtu mundësinë e asistencës sa i përket gjenerimit dhe përpunimit të të dhënave duke ofruar mundësi për analiza më të fokusuara në drejtime të caktuara, si për shembull, aksesi në financim i ndërmarrjeve të vogla e të mesme.
Në përfundim të takimit, palët shprehën edhe njëherë vlerësimin e ndersjellë për bashkëpunimin mes tyre dhe gatishmërinë për zgjerimin e tij. Guvernatori shfrytëzoi rastin për t’i uruar Reddy suksese në pozicionin e ri.
Sondazh
“Të rinjtë të tregojnë kujdes me zhvillimin e teknologjisë” - Aktiviteti me rastin e Ditës Ndërkombëtare të Mbrojtjes së të Dhënave
Zyra e Komisionerit për të Drejtën e Informimit dhe Mbrojtjen e të Dhënave Personale organizoi një aktivitet ndërgjegjësues mbi rëndësinë e respektimit të......
Rritje e sigurisë kibernetike në energji - ERE ndryshon rregullat, te detyrimet për standardin ISO përfshihet gazi e disa operatorë privatë
Ndryshimet që ka pësuar sektori energjetik dhe legjislacioni përkatës kanë detyruar Enti Rregullator të Energjisë të ndërmarrë ndryshime në rregulloren për......
Agjencitë e pronave në një ndërtesë moderne - Si do të menaxhohen pasuritë e paluajtshme qeveritare?
Korporata e Investimeve Shqiptare, ka lançuar projektin “Zhvillimi dhe Menaxhimi i Ndërtesave Shtetërore”, i cili synon që të gjitha asetet shtetërore të......
Banka e Greqisë, 2.5% rritje në 2025 - Ekonomia do të zgjerohet falë investimeve dhe konsumit të lartë
Banka e Greqisë parashikon një rritje ekonomike prej 2.5% për vitin 2025, e mbështetur nga investimet, konsumimi i lartë dhe rritja e pagave. Pavarësisht......
Britania nis revolucionin në punë - Mbi 200 kompani e bëjnë javën e punës 4 ditore
Rreth 200 kompani në Mbretërinë e Bashkuar kanë miratuar javën e punës katërditore për punonjësit e tyre. Ky model po fiton terren në shumë sektorë, duke......
Ish-Kinostudio në qendër trajnimesh nga Hollywood - “Mbi 40 profesionistë”, Rama: Një program inkurajues dhe frymëzues
“Tirana Training Centre”, është qendra e re për zhvillimin e kinematografisë dhe prodhimeve audovizuale në Shqipëri, e cila vjen si rezultat i bashkëpunimit......
“Tirana Training Center”/ Gonxhja: Trajnime për 400 studentë, fitime të mëdha ekonomike dhe turistike
Ministri i Ekonomisë, Kulturës dhe Inovacionit, Blendi Gonxhja ishte i pranishëm sot në prezantimin e “Tirana Training Center”, një qendër inovative e......
Drejtoria e Përgjithshme e Doganave kalon online edhe 4 shërbime të reja doganore!
Drejtoria e Përgjithshme e Doganave njofton se në bashkëpunim me AKSHI-n ka realizuar me sukses testimet 4 shërbime të reja doganore të cilat do të ofrohen......
