Produktet e gatshme, në tregjet botërore - Rritet eksporti i agroindustrial, verërat shqiptare gjejnë më shumë hapësira
Trendin e rritjes së eksporteve përgjatë këtij vitit e ka ndjekur edhe agroindustria. Të dhënat e Ministrisë së Bujqësisë tregojnë se sektori i agroindustrisë shënoi një rritje prej 12,3% gjatë periudhës janar–qershor 2025, krahasuar me të njëjtën periudhë të vitit të kaluar.
Vetëm në gjashtëmujorin e parë të këtij viti, vendi ynë eksportoi rreth 75 mijë tonë produkte agroindustriale.
Tek produktet agroindustriale përfshihen ato që përpunohen dhe shkojnë në formën e produktit të gatshëm apo gjysmë të gatshëm, siç janë drithërat dhe nënproduktet e tyre, pijett, alkolike dhe jo alkoolike fruta dhe perime të përpunuara, vajra bimorë, etj.
Sipas Ministrisë së Bujqësisë, vëmendja e politikave mbështetëse është e përqendruar edhe tek agroindustria, me objektivin që ajo të zërë një peshë gjithnjë e më të madhe në totalin e eksporteve bujqësore, duke e kthyer në një motor të zhvillimit rural dhe ekonomik.
Ndërkohë në gjysmën e parë të vitit me rritje ka rezultuar edhe eksporti i verërave shqiptarë, falë rritjes së cilësisë së prodhimit, investimit në fabrika dhe variteteve autoktone.
Eksportet e verës shqiptare arritën në 17.785 ton gjatë periudhës janar-qershor 2025, duke shënuar 82% rritje krahasuar me të njëjtën periudhë një vit më parë.
Vreshtaria dhe prodhimi i verërave cilësore shqiptare sot është kthyer në një sektor kyç për zhvillimin ekonomik.
Pak ditë më parë Ministria e Bujqësisë bëri me dije se eksportet e produkteve bujqësore janë rritur me 10 për qind në sasi në 6 mujor, duke u regjistruar në 265.9 mijë ton. Ndërsa ndër produktet më të kërkuara nga tregjet e huaja janë bostanorët, të cilët në raport me vitin e kaluar kanë shënuar një rritje me 44 %. Në total janë eksportuar afro 41. 760 ton pjepër dhe shalqin.
Objektivi i qeverisë është që përmes politikave mbështetëse për fermerët në drejtim të prodhimit, cilësisë dhe certifikimit të arrihet në nivelin e 1 miliardë dollarë eksporte deri në vitin 2030. Ndërkohë, produktet bujqësore shqiptare sot gjenden në 80 tregje ndërkombëtare.
Nga ana tjetër produktet shqiptare përgjatë sezonit veror zënë një vend të rëndësishëm edhe në tregun e brendshëm, duke furnizuar jo vetëm kërkesën konsumatorë vendase por edhe të turistëve të huaj, të cilët kur vizitojnë Shqipërinë janë më të orientuar drejt prodhimeve lokale.
Personi më i vjetër në botë mbush 116 vjeç - Ethel Caterham ka lindur 5 vjet para fillimit të Luftës së Parë Botërore
Personi më i vjetër në botë ka festuar 116-vjetorin në Surrey. Ethel Caterham u bë personi më i vjetër në muajin prill, pas vdekjes së murgeshës braziliane......
Femrat mbajnë peshën kryesore në bashkitë e vendit/ 77% e stafit me gra, kryesojnë ato në shërbime sociale
Një raport i publikuar nga UNDP për sa I përket punonjësve të 12 bashkive kryesore ka zbuluar se 77% e stafit të bashkive në Shqipëri janë femra, duke......
Luhatje të lehtë në tregun valutor – Forcohet Franga ndërsa Paundi humbet pikë!
Dollari amerikan nga një ditë më parë nuk ka regjistruar luhatje të kuotës mëngjesin e sotëm duke u blerë sërish me 82.6 lekë dhe duke u shitur me 83.9 lekë......
Zjarret “rrethojnë” Spanjën - Rreth 400,000 hektarë janë djegur nga flakët, 37 arrestime
Spanja vazhdon të përballet me zjarret në një nga sezonet më shkatërrimtare të dekadave të fundit, pavarësisht se temperaturat kanë filluar të bien në......
Rritet formalizimi në tregun e punës - Në 7 muaj mbi 1300 punëmarrës informalë futen në skemë
Aksioni ndaj informalitetit në vendet e punës, si një nga prioritetet e qeverisë shqiptare, duket se ka dhënë frytet e para. Planifikimi i inspektimeve nga......
Rruga Qukës-Qafë Plloçë, drejt përfundimit - Asfaltohen 400 metrat e fundit, pritet hapja për qarkullimin e automjeteve
Loti i fundit i rrugës Qukës – Qafë Plloçë, me gjatësi 9.3 km, është drejt përfundimit. Inxhinierët e kompanisë “2T” kanë bërë me dije për Bashkinë Pogradec......
Sigurimi i detyrueshëm i shtëpisë nga tërmeti - Dhoma Amerikane: Projektligji ka nevojë për disa përmirësime dhe saktësime
Dhoma Amerikane e Tregtisë i ka kërkuar Ministrisë së Financave që të bëjë disa përmirësime në projektligjin për sigurimin e detyrueshëm ndaj tërmeteve. Ky......
Kina shqyrton krijimin e stablecoins - Kërkon të nxisë përdorimin global të monedhës vendase
Kina po shqyrton për herë të parë lejimin e përdorimit të stablecoins apo monedhave të qëndrueshme të lidhura me juanin, në përpjekje për të rritur praninë......
