Prodhimi i energjisë diellore, jepet leja për ndërtimin e centralit fotovoltaik 128 megavat në Fier
Qeveria ka firmosur vendimin e ndërtimit të centralit gjenerues të energjisë elektrike fotovoltaike dhe veprave ndihmëse, në Sheq-Marinas, Bashkia Fier. Ndërtues i veprës do të jetë shoqëria “SOLEN ENERGY”, dhe kapaciteti i instaluar I centralit parashikohet të jetë 128megavat. Koha për ndërtimin në vendimin e qeverisë është caktuar brenda 36 (tridhjetë e gjashtë) muajve dhe vepra do të ketë lejë operimi për 49 vjet nga hyrja në fuqi e vendimit. Po ashtu në vendimin e qeverisë është përcaktuar që ky prodhues do t’i japë falas, në formë royalty, ministrisë përgjegjëse për energjinë, sasinë e energjisë elektrike, në masën 2% të sasisë vjetore të prodhimit të energjisë elektrike ose konvertimin e saj në vlerë monetare.
V E N D I M
PËR
MIRATIMIN E NDËRTIMIT TË CENTRALIT GJENERUES TË ENERGJISË ELEKTRIKE FOTOVOLTAIKE DHE VEPRAVE NDIHMËSE, I CILI NUK ËSHTË OBJEKT KONCESIONI, ME VENDNDODHJE NË SHEQ-MARINAS, BASHKIA FIER, QARKU FIER, NGA SHOQËRIA “SOLEN ENERGY”, SH.P.K.
Në mbështetje të nenit 100 të Kushtetutës dhe të pikës 1, të nenit 49, të ligjit nr.43/2015, “Për sektorin e energjisë elektrike”, të ndryshuar, me propozimin e Zëvendëskryeministrit dhe ministër i Infrastrukturës dhe Energjisë, Këshilli i Ministrave
V E N D O S I:
1. Miratimin e ndërtimit të centralit gjenerues të energjisë elektrike fotovoltaike dhe veprave ndihmëse, i cili nuk është objekt koncesioni dhe nuk përfiton nga masat mbështetëse, me vendndodhje në Sheq-Marinas, Bashkia Fier, Qarku Fier, nga shoqëria “SOLEN ENERGY”, sh.p.k., me elementet, si më poshtë vijon:
a) Emri i aplikuesit: Shoqëria “SOLEN ENERGY”, sh.p.k.;
b) NIPT/NUIS: M31413007M;
c) Tipi i centralit: Fotovoltaik;
ç) Kapaciteti i instaluar: 128 MË;
d) Afati i pritshëm i vënies në punë dhe pajisja me leje ndërtimi: Koha për ndërtimin, pajisjen me lejen e ndërtimit dhe vënien në operim të impiantit fotovoltaik do të jetë brenda 36 (tridhjetë e gjashtë) muajve nga hyrja në fuqi e këtij vendimi;
dh) Vendndodhja e burimit gjenerues të energjisë: Në Sheq-Marinas, Bashkia Fier, Qarku Fier;
e) Afati i operimit: 49 (dyzet e nëntë) vjet nga hyrja në fuqi e këtij vendimi;
ë) Koordinatat e tokës dhe pozicioni i projektit, sipas aneksit 1 që i bashkëlidhet këtij vendimi;
f) Ministria e Infrastrukturës dhe Energjisë dhe Agjencia Kombëtare e Burimeve Natyrore kanë të drejtë të ushtrojnë mbikëqyrje të përgjithshme me afate 3-mujore gjatë realizimit, vënies në punë dhe operimit, me synim që të verifikojnë se ecuria e punimeve, cilësia, konformiteti dhe operimi janë në përputhje me programin e përgjithshëm të realizimit e të dokumentacionit të projektit;
g) Shoqëria “SOLEN ENERGY”, sh.p.k., ka detyrimin që:
i. të paraqesë periodikisht (çdo tre muaj), pranë Ministrisë së Infrastrukturës dhe Energjisë dhe Agjencisë Kombëtare të Burimeve Natyrore, informacion mbi ecurinë e ndërtimit të centralit fotovoltaik;
ii. të respektojë kushtet e cituara në lejet, licencat dhe autorizimet paraprake mjedisore, lëshuar nga institucionet përgjegjëse kombëtare;
iii. të dorëzojë sigurimin e kontratës, në masën jo më pak se 5% të vlerës së investimit, përpara nënshkrimit të kontratës ndërmjet shoqërisë “SOLEN ENERGY”, sh.p.k., dhe ministrisë. Në këtë kontratë përcaktohen të drejtat e detyrimet e palëve për realizimin e këtij projekti, penalitetet, në rast mosrealizimi, si dhe çështje të tjera që lidhen me zbatimin e saj;
iv. t’i japë falas, në formë royalty, ministrisë përgjegjëse për energjinë, sasinë e energjisë elektrike, në masën 2% të sasisë vjetore të prodhimit të energjisë elektrike ose konvertimin e saj në vlerë monetare. Në rast konvertimi në vlerë monetare, shuma duhet të derdhet tërësisht në buxhetin e shtetit;
v. të përmbushë kërkesën, sipas rastit, që një pjesë e prodhimit të burimit gjenerues të energjisë t’i shitet furnizuesit publik, sipas legjislacionit në fuqi.
2. Ngarkohen Ministria e Infrastrukturës dhe Energjisë dhe shoqëria “SOLEN ENERGY”, sh.p.k., për zbatimin e këtij vendimi.
Ky vendim hyn në fuqi menjëherë dhe botohet në “Fletoren zyrtare”.
K R Y E M I N I S T R I
EDI RAMA
Paketa e Maleve, caktohen zonat prioritare të zhvillimit në Bashkitë Krujë, Maliq dhe Vorë
Qeveria ka miratuar zonat me prioritet zhvillimi për agroturizëm, pjesë e Paketës së Maleve në Bashkitë e Krujës, Vorës dhe Maliqit. Në Krujë janë......
Emërimet, Shkëlqim Hajdari Prefekt i Tiranës, Dashnor Sula kryeinspektor
Qeveria ka zyrtarizuar dy emërime të reja në krye të Inspektoriatit të Përgjithshëm dhe në krye të Prefekturës së Tiranës. Dashnor Sula emërohet inspektor......
Një tjetër ish ministër finance në Këshillin Mbikqyrës të BSH, qeveria propozon Ervin Meten
Një tjetër ish ministër i financave pritet të shtohet në Këshillin Mbikqyrës të Bankës së Shqipërisë. Qeveria ka miratuar dy kandidaturat e saj të cilat do......
VKM, qeveria “rrit” pagat e Presidentit, Gjyqësorit, Gardës, Policisë, Burgjeve dhe Shëndetësisë (VENDIMET)
Në mbledhjen e saj të sotme qeveria ka marrë disa vendime për ndërhyrjet në paga. Është vendosur indeksimi i Pagës së Presidentit të Republikës me 2,5%, duke......
Sa kushton të certifikohesh për në Europë? - Pilku: Standardet e prodhimit dhe të përpunimit, një nga sifdat e BE
Standardet e prodhimit dhe të përpunimit po bëhen gjithnjë e më vendimtare për bizneset bujqësore që synojnë tregun europian. Certifikimi i produkteve......
Qendrat e të dhënave në Shqipëri - Sfida për energjinë elektrike, nga rritja e kapaciteteve prodhuese te investimet në rrjet
Teksa një kompani izraelite synon të ndërtojë qendrën e parë të të dhënave në Shqipëri, vëmendja për këtë investim përqëndrohet edhe te energjia elektrike.......
Punimet në segmentin Librazhd-Përrenjas/ ARRSH: Tashmë qarkullimi kryhet normalisht
Autoriteti Rrugor Shqiptar njofton se kanë përfunduar punimet në segmentin Librazhd-Përrenjas, në fshatin Dragostunjë, ku tashmë qarkullimi kryhet......
Harta e kursimeve bankare në Shqipëri - Tirana “pa rival”, mban gati gjysmën e depozitave kombëtare në 2025. Durrësi, i dyti
Tirana vijon të kryesojë bindshëm listën e qarqeve me nivelin më të lartë të kursimeve bankare, ndërsa Lezha, Shkodra, Elbasani dhe Korça mbeten ndër qarqet......
