Procedura/ Si do lëshohen faturat nga prodhuesit? - Tatimet: Ja rastet kur fermerët nuk kanë detyrim të deklarojnë të ardhurat
Ndërsa një ditë më parë ka nisur aksioni në terren për verifikimin e faturës së fiskalizuar tek tatimpaguesit që ushtrojnë aktivitet në tregtimin e produkteve bujqësore dhe blegtorale, me shumicë dhe pakicë, administrata tatimore ka sqaruar procedurën se si lëshohen faturat.
Përmes një njoftimi zyrtar, Drejtoria e Përgjithshme e Tatimeve sqaron se për lëshimin e saktë të këtyre faturave, tatimpaguesit duhet të ndjekin disa hapa:
Të zgjidhet opsioni “autofaturë”, i cili përmban automatikisht të dhënat e blerësit që po lëshon faturën; Lloji i faturës duhet të jetë “Blerje nga fermerët vendas” (Domestic); Të vendosen të dhënat e fermerit shitës (emri dhe NIPT-i) dhe të përshkruhen mallrat e blerë, pa llogaritur TVSH-në.
Për të vërtetuar saktësinë e transaksionit dhe origjinën e mallrave të shitur, rekomandohet që fatura të jetë e nënshkruar nga shitësi (fermeri).
Administrata Tatimore sjell në vëmendje të tatimpaguesve të këtij sektori se për të qenë subjekt kompensimi duhet të plotësojnë kushtet për t’u regjistruar si “fermer”.
Gjithashtu, qarkullimi vjetor të mos kalojë kufirin minimal të regjistrimit për TVSH-në; Të furnizojnë mallra apo shërbime me prejardhje nga puna e tyre, kryer në një nga aktivitetet e përcaktuara; Këto mallra dhe shërbime t’u furnizohen personave të tatueshëm që nuk përfitojnë nga skema e kompesimit; Të jenë të pajisur me NIPT nga Drejtoria Rajonale Tatimore ku ushtrojnë aktivitetin prodhuesi bujqësor, pa i’u nënshtruar detyrimit për deklarim, sipas ligjit për TVSH-në.
Tatimet sqarojnë se kategoria e fermerëve të regjistruar në Drejtoritë Rajonale Tatimore nuk ka detyrim të mbajë kontabilitet, të deklarojë dhe dorëzojë në Administratën Tatimore Formularin e Deklarimit dhe Pagesës së Tatimit mbi të Ardhurat Personale nga Biznesi apo Deklaratën Vjetore të të Ardhurave Personale për të ardhurat e realizuara nga aktiviteti i fermerit.
Sa më lart, të ardhurat e realizuara nga këta fermerë janë të ardhura biznesore, pra fermeri nuk mbart detyrimin ligjor të deklarimit të tyre. Si vlerë totale e të ardhurave të realizuara shërbejnë të dhënat sipas faturave të blerjes të lëshuara nga grumbulluesit bujqësorë.
Nëse qarkullimi vjetor tejkalon kufirin prej 10 milionë lekë, prodhuesit bujqësorë dhe blegtoralë (fermeri) duhet të ç’regjistrohen nga organi tatimor dhe të regjistrohen si tatimpagues pranë Qendrës Kombëtare të Biznesit, duke marrë numër identifikimi të ri.
Sa i takon prodhuesve të tjerë bujqësorë, që nuk janë regjistruar si përfitues të kësaj skeme kompensimi apo që nuk tregtojnë produktet bujqësore tek grumbulluesit bujqësorë, mbartin detyrimin të regjistrohen dhe të deklarojnë të ardhurat e realizuara njëjtë si tatimpaguesit e tjerë.
BE tërhiqet nga taksa digjitale? - Një fitore për Trump në prag të vendosjes së tarifave
Komisioni Evropian duket se ka hequr dorë nga planet për të vendosur një taksë mbi kompanitë digjitale, një veprim që i jep fitoren Donald Trump dhe......
Verifikimi i moshës për aplikacionet - Pesë vende evropiane testojnë mbrojtjen e të miturve në internet
Bashkimi Evropian ka filluar testimin e softuerit të verifikimit të moshës, që po zhvillohet si pjesë e një strategjie më të gjerë për të mbrojtur të miturit......
Eksportuesit gjermanë humbin tregje - Raporti i Bundesbank: Shkak, konkurrueshmëria në rënie!
Eksportuesit gjermanë kanë humbur terren të konsiderueshëm në tregjet globale që nga viti 2021 kryesisht për shkak të një përkeqësimi të gjerë të......
Kryeministri Rama vizitë në Gjermani, pritet nga Kryeministri i Bavarisë - "Partneritet i posaçëm"
Kryeministri Edi Rama ndodhet në një vizitë zyrtare në Mynih, Gjermani, ku u prit nga Kryeministri i Bavarisë, Markus Söder. "Të ftuar nga Kryeministri i......
‘Faturë tatimore për produktet’ – Denaj: Ulim informalitetin në sektorin bujqësor!
Nga sot ka hyrë në fuqi detyrimi për lëshimin e faturës tatimore për çdo shitje të produkteve ushqimore, përfshirë ato bujqësore dhe blegtorale, edhe nga......
Anulohet procedura për segmentin Milot-Balldre: APP: Asnjë ofertë e përshtatshme!
Ministria e Infrastrukturës dhe Energjisë ka anuluar procedurën e koncesionit për ndërtimin e segmentit rrugor “Milot-Balldre” me vlerë 364.7 milionë euro......
Thirrja e dytë për punë në sektorin e naftës dhe gazit - Balluku: Më shumë inxhinierë të rinj zgjedhin të punojnë në Shqipëri
Zëvendëskryeministrja, njëherësh Ministrja e Infrastrukturës dhe Energjisë, Belinda Balluku, bëri të ditur se është hapur thirrja e dytë për praktika pune......
Saranda, drejt transformimit turistik modern - Nga Kodra e Gjashtës, te vila qeveritare. Ku fokusohen ndërhyrjet?
Në Agjencinë e Prokurimeve Publike është shpallur tender “Poli i zhvillimit turistik në Sarandë – Faza 1”, për transformimin e aseteve publike me potencial......
