Procedime të reja disiplinore ndaj përmbaruesve - Mashtrimi me mikrokreditë ndryshon ligjin. Problemi, dosjet dhe regjistrat e klientëve
Përmbaruesit gjyqësorë privat do t'i nënshtrohen procedimeve të reja disiplinore. Është publikuar për konsultim publik projektakti që do të ndryshojë ligjin e vitit 2019 për shërbimin përmbarimor gjyqësor privat, i cili merr shkas nga mashtrimi që dy institucione të mikrokredisë dhe disa përmbarues, kryen ndaj qytetarëve.
Neni 43 mbi dorëzimin e dokumentacionit pas heqjes së licencës së përmbaruesit gjyqësor privat do të ndryshohet plotësisht.
Qëllimi i ndërhyrjes është për të adresuar situatën e deritanishme me të cilën është përballur Ministria e Drejtësisë, që ka hequr licenca dhe çregjistruar përmbarues gjyqësorë nga Regjistri i Përmbaruesve, ndërkohë që nuk ka arritur në asnjë prej këtyre rasteve të marrë në dorëzim dosjet/çështjet aktive dhe arkivin e tyre përmbarimor, duke shkaktuar pasoja të rënda tek palët e këtyre proceseve përmbarimore, si në rastin e debitorëve (sekuestro të mbetura efektive) ashtu edhe të kreditorëve, të cilëve u janë cenuar interesat me mosvijimin e veprimeve procedurale të lëna në mes, apo rifillimin e tyre nga subjektet përmbarimore që janë aktive.
Kjo situatë është tepër problematike dhe i shkakton dëm direkt për qytetarët që kanë dosjet për ekzekutim pranë këtyre përmbaruesve.
Ndaj, deri më sot, mekanizmi që e konsideron urdhrin e ministrit për heqjen e licencës si titull ekzekutiv, që do të duhet të vihet në ekzekutim po nga shërbimi përmbarimor (shtetëror) për të marrë dosjet dhe arkivat në dorëzim në këto raste, nuk është as efektiv, as i mjaftueshëm.
Çështjet përmbarimore të papërfunduara, mjeti i identifikimit profesional dhe regjistri i çështjeve përmbarimore do të merren në dorëzim nga personi i autorizuar nga Ministri i Drejtësisë dhe një përfaqësues i Dhomës dhe do t’i dorëzohen përmbaruesit gjyqësor zëvendësues. Në rastin e çregjistrimit nga regjistrat e përmbaruesve gjyqësorë privatë, dorëzohet edhe arkivi i krijuar prej fillimit të veprimtarisë të institucionit.
Sondazh
“Çmimet e gazit do të rriten më tej” - Temperaturat e ulëta dhe rimbushja e depozitave, nxisin kërkesën
Çmimet e gazit natyror në Azi, Evropë dhe Amerikën e Veriut janë rritur me rreth 30% deri në 50% deri më tani në 2024 dhe duket se do të vazhdojnë të rriten......
Rrugët, Bashkia Himarë hap 3 “super” tenderë - Potencial për zhvillimin agroturistik, fondi limit arrin në 6.6 mln euro
Rikonstruksioni i tre rrugëve rurale në Himarë pritet të kushtojë rreth 6.6 mln euro. Bashkia e qytetit bregdetar ka hapur tre tenderë për ndërhyrje në 3......
Kush do të punojë për pensionistët? Pesha e personave mbi 65 vjeç mbi ata në moshë pune, në 30.4%
Në Shqipëri, struktura demografike po përjeton ndryshime të rëndësishme, veçanërisht në raportin midis grupmoshave të ndryshme. Një aspekt i rëndësishëm i......
Shqiptarët, “heqin dorë” nga kafja dhe cigarja? - Bien importet. Karburanti dhe birra, në ditët më të mira
Karburanti është një produkt nga i cili qytetarët shqiptarë nuk kufizohen, pasi të dhënat e doganave tregojnë një rritje të importeve dhe konsumit nga viti......
Meta, në kërkim të projekteve bërthamore - Kompania planifikon të shtojë deri në 4 GW kapacitet në SHBA
Meta tha se po kërkon propozime nga zhvilluesit e energjisë bërthamore për të ndihmuar në përmbushjen e qëllimeve në lidhje me inteligjencën artificiale dhe......
“Institucionet financiare të aplikojnë individualisht në SEPA” - Sejko: I nxisim të përfshihen edhe në fushën e bankingut të hapur
Dhjetëvjeçari i fundit ka shënuar një revolucion në fushën e pagesave për tregun shqiptar. Tregues i këtij transformimi ishte edhe pranimi i Shqipërisë në......
“Bizneset, interes të ulët për garancinë sovrane” - Zekja: Xhiro ra me 25 %, manifaktura ka probleme mbijetese
Bizneset e prodhimit të veshjeve dhe këpucëve nuk e kanë përthithur sa duhet garancinë sovrane të vendosur në dispozicion nga qeveria me qëllim kalimin e......
Siguria e rrjetit hekurudhor - Miratohet regullorja. Sipërmarrjet do vendosin sistemet e menaxhimit. Si do bëhet mbikëqyrja
Sipërmarrjet që do të operojnë hekurudhat shqiptare duhet të përmbushin një sërë kushtesh në drejtim të sistemit të menaxhimit të sigurisë. Teksa disa......
