Pritet ulje e kostove për rrjetin 5G - MIE miraton udhëzimin nga BE. Synohet edhe nxitja e investimeve
Ministria e Infrastrukturës dhe Energjisë ka miratuar një udhëzim të ri që synon lehtësimin dhe përshpejtimin e zhvillimit të rrjeteve të komunikimeve elektronike me shpejtësi të lartë dhe rrjeteve 5G. Ky udhëzim, i bazuar në një Toolbox të përbashkët të Bashkimit Evropian, synon të ulë kostot e vendosjes së rrjeteve dhe të nxisë një mjedis më miqësor për investimet.
Qëllimet e këtij udhëzimi janë ulja e kostove për ndërtimin e rrjeteve të shpejtësisë së lartë, lehtësimi i procedurave të dhënies së lejeve për ndërtimin e rrjeteve të reja dhe nxitja e investimeve në rrjetin 5G duke krijuar një mjedis më të favorshëm për zhvillim teknologjik.
Ministria do të bashkëpunojë me AKEP për të zhvilluar praktikat në përputhje me rekomandimet e BE-së. Deri në fund të vitit 2025, pritet të hartohet një Toolbox i përshtatur për nevojat e Shqipërisë, që do të ndihmojë në përshpejtimin e zhvillimit të infrastrukturës digjitale.
Për të garantuar transparencë, do të krijohet një pikë e vetme informacioni, ku operatorët do të mund të kenë akses në të dhënat e nevojshme për infrastrukturën ekzistuese. Kjo do të thjeshtojë procesin e aplikimit për leje dhe do të përmirësojë koordinimin ndërmjet institucioneve publike dhe operatorëve.
Në fund të nëntorit 2024 Autoriteti i Komunikimeve Elektronike dhe Postare (AKEP) dha autorizimin për përdorimin e frekuencave në brezin 3,5 GHz nga Vodafone dhe One Albania, duke i hapur rrugën zbatimit të teknologjisë 5G në vendin tonë.
Sipas kushteve të autorizimit, dy operatorët janë të detyruar që përmes këtyre frekuencave, të mbulojnë me shërbim 55% të popullsisë deri në fund të vitit 2027 dhe 85% të popullsisë deri në fund të vitit 2030.
Brenda vitit 2025, sipërmarrësit duhet të sigurojnë mbulimin e porteve, aeroporteve dhe disa hapësirave të tjera me rëndësi social-ekonomike, ndërsa përparësi për sa i takon mbulimit do të kenë edhe zonat e rëndësisë së veçantë, ku përfshihen zonat turistike, parqet kombëtare, rrugët, autostradat e tunelet dhe zona të përfshira në projekte zhvillimore të ndryshme.
Sondazh
Si ka nisur kjo javë për valutat kryesore?
Dollari amerikan blihet sot me 95.4 lekë dhe shitet me 96.6 lekë nga dita e djeshme. Monedha europiane blihet ost me 97.8 lekë dhe shitet me 98.6......
Hapet gara për kreun e Komisionit të Prokurimit Publik - Cilat janë kriteret që duhet të përmbushë kandidati?
Mandati i kryetarit aktual të Komisionit të Prokurimit Publik është drejt përfundimit, ndërsa Këshilli i Ministrave ka shpallur hapjen e garës për këtë post.......
“Shqipëria, më e lirë se rajoni” - Numbeo: Energjia dhe uji, paguajmë 8,550 lekë/muaj
Duke përfshirë energjinë elektrike, ujin e pijshëm, ngrohjen dhe ftohjen, shpenzimet mujore të një familjeje shqiptare arrijnë mesatarisht në 8,550 lekë ose......
“Duhen goma dimri e zinxhirë” - ARRSH, apel shoferëve: Akset ku duhet kujdes. MAS pezullon mësimin në 77 shkolla
Të gjitha segmentet rrugore kombëtare janë të hapura dhe të qarkullueshme, por në akset me prezencë dëbore rekomandohet përdorimi i gomave dimërore ose......
Kroaci, Milanoviç rifiton zgjedhjet - Presidenti aktual mori 75% të votave në balotazh
Presidenti aktual Zoran Milanoviç fitoi bindshëm balotazhin presidencial në Kroaci, duke mposhtur rivalin Dragan Primorac me një diferencë të dukshme, sipas......
Shkodër, rikthehet energjia në disa zona, akset të kalueshme
Reshjet e borës vazhdojnë të jenë prezente, ndërsa në zonat malore të territorit të Bashkisë Shkodër është shënuar ulje e ndjeshme e temperaturave. Sipas......
Moti i keq/ Et’hemaj: Nuk ka anulime fluturimesh, mund të ketë disa vonesa
Moti i keq që ka përfshirë vendin tonë, nuk është shoqëruar me anulime fluturimesh. Drejtori i përgjithshëm i Aviacionit Civil Maksim Et’hemaj, ka thënë se......
Moti i keq/ MIE: Rrugët nacionale të hapura. Grupet e punës në terren për zonat që kanë probleme me energjinë
Në lidhje me situatën e motit të keq, Ministria e Infrastrukturës dhe Energjisë njofton se rrugët nacionale janë të hapura dhe të qarkullueshme. Ministria......
