Prezantohet Raporti i Zbatimit të Komunitetit të Energjisë (EnCS) për 2025 - Lorkowski: Progres në liberalizimin e tregut, është arritur 50% e objektivave
Është prezantuar Rorti i Zbatimit të Komunitetit të Energjisë (EnCS) për vitin 2025, me temë “Rruga e Shqipërisë drejt integrimit energjetik evropian”.
Drejtori i Sekretariatit të Komunitetit të Energjisë, Artur Lorkowski, bëri një panoramë të detajuar të progresit të Shqipërisë në përmbushjen e detyrimeve në sektorin energjetik.
Në fjalën e tij, z. Lorkowski theksoi se prezantimi i raportit mbështetet mbi pesë shtylla kryesore të aktivitetit të Komunitetit të Energjisë: integrimin në treg, dekarbonizimin, sigurinë e furnizimit, përmirësimin e mjedisit dhe performancën e përgjithshme të sektorit.
Ai evidentoi disa arritje kyçe të Shqipërisë gjatë vitit 2025, veçanërisht në drejtim të liberalizimit të tregut të energjisë, ku vendi ka arritur rreth 50% të objektivave të parashikuara. Sipas tij, Shqipëria ndodhet në një fazë të rëndësishme të procesit të transpozimit të legjislacionit dhe zbatimit të reformave strukturore në sektor.
“Jemi në gjysmën e rrugës sa i përket përmbushjes së angazhimeve ligjore. Fokusi ynë është të shohim përpara dhe të mbështesim procesin e reformave të rëndësishme që janë në zhvillim” - u shpreh z. Lorkowski.
Ai nënvizoi progresin në liberalizimin e tregut, duke theksuar përfshirjen e klientëve të rinj industrialë në tregun e lirë, një zhvillim që konsiderohet premtues për rritjen e konkurrencës dhe eficiencës.
Në lidhje me çmimet e energjisë, ai vlerësoi se, pavarësisht sfidave, çmimet e pajisjeve elektrike në Shqipëri gjatë vitit 2025 kanë qenë nën nivelin mesatar të Bashkimit Evropian. Gjithashtu, çmimet për konsumatorët industrialë kanë mbetur të moderuara dhe konkurruese në raport me vendet e BE-së.
Z. Lorkowski theksoi edhe nevojën për ndërmarrjen e hapave të mëtejshëm për konsolidimin e tregut, përfshirë forcimin e instrumenteve mbrojtëse për konsumatorët dhe rritjen e transparencës në funksionimin e tregut.
Sa i përket sektorit të gazit, ai vlerësoi se procesi i harmonizimit me tregun evropian mbetet më kompleks, për shkak të mungesës së një tregu të zhvilluar të brendshëm, megjithatë u theksua se ky sektor është në fazë zhvillimi dhe paraqet potencial për të ardhmen.
Në aspektin e dekarbonizimit, Shqipëria është duke bërë përparime të qëndrueshme, e mbështetur në planin kombëtar të miratuar në vitin 2021, duke reflektuar angazhimin për tranzicionin drejt energjive të pastra dhe reduktimin e emetimeve.
Në përfundim, z. Lorkowski shprehu gatishmërinë e Sekretariatit të Komunitetit të Energjisë për të mbështetur Shqipërinë në avancimin e mëtejshëm të reformave dhe në përshpejtimin e rrugëtimit drejt integrimit evropian.
''Pikë promovimi dhe laborator ekselence për vajin e ullirit'' - Kryeministri Rama: Promovim këtij produkti në Berat
Në qytetin e njohur si “qyteti i një mbi një dritareve”, pritet të krijohet një hapësirë e veçantë për promovimin e vajit të ullirit vendas, duke e kthyer......
Ndotja nga plastika në Vjosë dhe Ishëm - Mazreku: Masa konkrete, problem zbatimi i ligjit. Gangloff: Nevojitet qasje e integruar
Ndotja plastike në lumenjtë Vjosa dhe Ishëm mbetet një nga sfidat kryesore mjedisore në vend, ndaj kërkohet kalimi nga analiza e të dhënave drejt veprimeve......
Si mund ta përballojnë familjet rritjen e çmimeve? - Muço: Duhet të kenë kursime në rast se ndodh krizë globale
Teska çmimet e shumë produkteve kanë pësuar rritje pas shtrenjtimit të naftës, si rezultat I luhatjeve në tregjet globale, për konsumatorët po vështirësohet......
DPT: 415 mijë orë të kursyera në mars 2026 nga shërbimet online të tatimeve
Shërbimet online të administratës tatimore vijojnë të sjellin lehtësira të ndjeshme për qytetarët dhe bizneset. Vetëm gjatë muajit mars 2026, janë kursyer......
Zhvillimi i energjetikës, Karakaçi takon Drejtorin e Sekretariatit të Komunitetit të Energjisë, Artur Lorkowsi
Ministri i Infratsrukturës dhe Energjisë Enea Karakaçi ka patur sot një takim me Drejtorin e Sekretariatit të Komunitetit të Energjisë, Artur Lorkowsi. Sipas......
Rama me pensionistët në Berat: Dyfishimi i përvitshëm i rritjes i garantuar 100% në buxhet
Në vijim të vizitës së tij në Berat, Kryeministri Rama zhvilloi sot një bashkëbisedim me pensionistët e qytetit me fokus rritjen ekonomike në vend dhe......
Skema e naftës në bujqësi, kryeministri Rama: Kemi hequr abuzimet, jo mbështetjen për fermerët
Heqja e skemës së naftës për fermerët nuk e ul mbështetjen në bujqësi, përkundrazi krijon mundësinë për më shumë financim. Kryeministri Rama u tha fermerëve......
Ndryshojnë çmimet e shitjes së karburanteve, Bordi: Nafta 217 lekë për litër, bezina 176 lekë për litër
Bordi i Transparencës ka ndryshuar përsëri cmimet e shitjes së karburanteve në tregun e pakicës dhe të shumicës. Cmimet e reja hyjnë në fuqi sot më 10 Prill......
