Prezantohet Kryetari i ri i Bordit të AMF, Saimir Tola
Kryetari i Komisionit për Ekonominë dhe Financat, Eduard Shalsi, prezantoi Kryetarin e ri të Bordit të AMF, Saimir Tola, në prani të drejtuesve të institucionit. Emërimi i Tolës në këtë detyrë u miratua nga Kuvendi i Shqipërisë.
Gjatë fjalës së tij, Shalsi theksoi rëndësinë e këtij emërimi që plotëson Bordin e Autoritetit si organi më i lartë drejtues dhe vendimmarrës, ndërsa shprehu mbështetjen e Komisionit ndaj Autoritetit në forcimin e mëtejshëm të pavarësisë dhe funksioneve të tij mbikëqyrëse dhe rregullatore. “AMF është një institucion i rëndësishëm rregullator për tregjet financiare jobankare dhe si i tillë kompletimi i Bordit me emërimin e Saimir Tola uroj të kontribuojë pozitivisht në konsolidimin e mëtejshëm të Autoritetit, si edhe në ruajtjen e profesionalizmit dhe integritetit të gjithsecilit,” u shpreh Shalsi.
Drejtoresha e Përgjithshme Ekzekutive e AMF, Mimoza Kaçi falënderoi Komisionin për Ekonominë dhe Financat për bashkëpunimin dhe rekomandimet e dhëna përmes rezolutave, që kanë shërbyer si udhërrëfyes për punën e Autoritetit. Ajo theksoi gjithashtu rëndësinë e bashkëpunimit të ngushtë me Bordin për vijimin e punës në përmbushje të misionit dhe objektivave të institucionit. “Ne do të vazhdojmë të punojmë me përkushtim për përafrimin e kuadrit ligjor dhe avancimin e standardeve me praktikat më të mira europiane dhe ndërkombëtare, si dhe në mbështetje të zhvillimit të qëndrueshëm të tregjeve nën mbikëqyrje”.
Kryetari i Bordit të AMF, Saimir Tola, falënderoi Kuvendin për besimin dhe shprehu angazhimin për të kontribuar në forcimin e mëtejshëm të rolit mbikëqyrës dhe rregullator të institucionit. “Autoriteti ka një rol kyç në mbikëqyrjen dhe rregullimin e tregjeve financiare jobankare. Të gjithë bashkë do të vijojmë të japim kontribut për rritjen e besimit në këto tregje dhe zhvillimin e mëtejshëm të tyre,” theksoi Tola.
Sondazh
Gjermani, “koalicioni i madh” merr formë - Si do të ndikojë bashkëpunimi CDU/SPD në ekonominë e vendit?
Aleanca konservatore e udhëhequr nga Friedrich Merz ka fituar zgjedhjet federale të Gjermanisë, por me vetëm 28.5% të votave. Partia e......
Si do të transformohen rrugët e ish-Bllokut? - Eleminimi i parkimeve dhe zgjerimi zonave të këmbësorëve
Gjatë viteve të fundit, kryeqyteti ka pësuar një transformim urban, edhe në shtimin e hapësirave të këmbësorëve. Sheshi Skënderbej, ishte projekti i cili u......
"Grabitja më e madhe e kriptove e të gjitha kohërave" - Platforma e kriptove Bybit mbyll hendekun prej 1.5 miliardë dollarë
Platforma e kriptove me bazë në Dubai, Bybit njoftoi se ka mbyllur një hendek prej 1.5 miliardë dollarësh (1.4 miliardë euro) në fondet e vjedhura nga......
Shtrenjtohen faturat e energjisë në Britani - Rregullatori njofton rritjen e kufirit të çmimit me 6.4%
Miliona britanikë do të paguajnë kosto më të larta të energjisë nga prilli, pasi rregullatori Ofgem tha se kufiri i brendshëm i çmimit do të rritet me 6.4%,......
Cilët qytete regjistruan më shumë biznese? - Në Shqipëri, u hapën 845 sipërmarrje më pak në 2024
Nga Tirana si qendra kryesore ekonomike, deri në qytete më të vogla me potencial unik, sipërmarrësit po gjejnë hapësira për të inovuar dhe investuar në......
Të huajt preferojnë Shqipërinë edhe në dimër/ Rreth 14.5% më shumë në janar. Shtohen vizitorët nga Afrika, Azia dhe Europa
Shqipëria po vijon të konsolidohet si një destinacion turistik që nuk tërheq vizitorë vetëm në sezonin klasik të verës por gjatë gjithë vitit. Të dhënat më......
Nis shlyerja e borxheve të ujësjellësve - Balluku: Lajm i mirë për ekonominë, tregon konsolidimin e sektorit
Borxhet e akumuluara nga qytetarët për furnizimin me ujë kanë filluar të shlyhen. Lajmi është dhënë nga Zv/kryeministrja, njëherësh Ministër i......
Si ndikoi turizmi në rritjen e konsumit? - Buxheti siguron 137 milionë euro më shumë nga TVSH-ja
Qytetarët shqiptarë por edhe turistët e huaj kanë shpenzuar më shumë për produkte dhe shërbime brenda vendit përgjatë vitit 2024. Të dhënat zyrtare të......
