Pretendimet kreditore njihen si kolateral financiar - Kuadri i ri ligjor synon më shumë siguri për transaksionet, integrim me tregjet evropiane
Në Shqipëri pritet të krijohet një kuadër i ri ligjor për sistemet e pagesave dhe kolateralin financiar, me synimin për të rritur sigurinë e transaksioneve financiare dhe për të përafruar tregun vendas me standardet e Bashkimit Evropian. Ky është ndryshimi kryesor që sjell nisma e re, e cila zgjeron ndjeshëm rregullat për funksionimin e infrastrukturës financiare.
Sipas relacionit shpjegues, kuadri i ri synon të forcojë sigurinë juridike të pagesave dhe të transaksioneve financiare, si edhe të mbrojë më mirë sistemet e pagesave dhe të shlyerjes së letrave me vlerë. Njëkohësisht, ai krijon bazën ligjore për integrimin progresiv të tregut financiar shqiptar me tregjet evropiane, në kuadër të procesit të anëtarësimit në Bashkimin Evropian.
Një nga risitë më të rëndësishme është zgjerimi i kompetencave të Bankës së Shqipërisë. Institucioni do të ketë më shumë autoritet për licencimin, mbikëqyrjen dhe inspektimin e sistemeve të pagesave, si edhe për ndërhyrje parandaluese në rastet kur identifikohen rreziqe për stabilitetin financiar. Gjithashtu, parashikohen rregulla më të qarta për bashkëpunimin me Autoritetin e Mbikëqyrjes Financiare dhe me autoritetet evropiane.
Për herë të parë, legjislacioni shqiptar do të njohë edhe pretendimet kreditore, ose portofolët e kredive, si një formë kolaterali financiar. Pretendimet kreditore janë e drejta e një banke për të marrë mbrapsht paratë që u ka dhënë hua klientëve përmes kredive. Kjo u jep bankave dhe institucioneve financiare mundësinë të përdorin një gamë më të gjerë asetesh për të siguruar financime, duke rritur likuiditetin dhe duke përmirësuar menaxhimin e rrezikut.
Ndryshimet parashikojnë gjithashtu mbrojtje më të fortë për pagesat dhe marrëveshjet e kolateralit edhe në rastet e falimentimit ose ndërhyrjeve të jashtëzakonshme, me qëllim shmangien e pasigurive ligjore dhe garantimin e vazhdimësisë së transaksioneve financiare. Po ashtu, synohet krijimi i kushteve për zhvillimin e mëtejshëm të pagesave moderne dhe integrimin me infrastrukturat financiare evropiane.
Sipas Bankës së Shqipërisë, këto ndryshime do të kontribuojnë në forcimin e stabilitetit financiar, rritjen e besimit të investitorëve dhe përmbushjen e një prej angazhimeve të vendit në negociatat për anëtarësim në Bashkimin Evropian, pa sjellë kosto shtesë për buxhetin e shtetit.
Më pak shqiptarë punojnë falas për biznesin e familjes/ Të rinjtë dhe femrat vijojnë të mbeten më të ekspozuar
Përqindja e personave që punojnë pa pagesë në biznesin e familjes ka shënuar rënie gjatë vitit 2025, duke treguar një përmirësim të lehtë në strukturën e......
Shqipëria bëhet gati për adoptimin e euros si monedhë zyrtare - Ndryshimet ligjore parashikojnë rregullat për kalimin në Eurozonë
Shqipëria ka nisur zyrtarisht përgatitjet ligjore për adoptimin e monedhës euro. Projektligji i ri "Për Bankën e Shqipërisë", i publikuar për konsultim,......
Ndryshon trendi në tregun valutor – Dobësohet Dollari. Paundi fiton pikë
Dollari amerikan e ka ndryshuar trendin e tij pozitiv qe e karakterizoi që nga fillimi i kësaj jave duke regjistruar zbritje të vlerës mëngjesin e sotëm......
Bujqësi me kontratë për fermerët shqiptarë - Salla: Dëftesa tregtare për prodhimin, më shumë akses në financim
Nga ferma e vogël tradicionale, tek ferma moderne e lidhur me tregun nëpërmjet “Contract farming” apo “bujqësisë së kontraktuar”. Ky është orientimi më i......
SHBA, tarifa prej 25% për produktet braziliane - Vendimi hyn në fuqi më 22 korrik, Lula premton kundërpërgjigje
Shtetet e Bashkuara të Amerikës kanë vendosur tarifa prej 25% për shumicën e importeve nga Brazili, që hyjnë në fuqi javën e ardhshme, duke përfunduar një......
Kush përfiton pagesa nga jashtë, do paguajë detyrime - Ngrihet sistemi elektronik i informacionit. Mekanizma të reja për mbledhjen e borxheve
Zhvillimi i tregtisë elektronike dhe rritja e përdorimit të pagesave ndërkufitare kanë sjellë sfida të reja për administrimin tatimor, veçanërisht në drejtim......
Kina, kufizime për eksportet e metaleve të rralla - Mund të rrezikojnë industritë perëndimore në vlerën e 6.5 trilionë dollarëve
Agjencia Ndërkombëtare e Energjisë paralajmëroi se zbatimi i plotë i kufizimeve nga Kina, për eksportin e metaleve të rralla mund të rrezikojë prodhimin me......
Maqedonia e Veriut, në Korridorin Vertikal të gazit - Synohet furnizim i sigurt, i diversifikuar dhe konkurrues
Maqedonia e Veriut pritet t’i bashkohet Korridorit Vertikal të Gazit, një nga nismat më të rëndësishme evropiane për diversifikimin e furnizimit me gaz......
