Porti i Durrësit, rritje në mallra e pasagjerë/ Janar–Nëntor, 3.5 milionë ton mallra të përpunuara
Porti i Durrësit vijon të konsolidojë pozicionin e tij si nyja kryesore e transportit detar në Shqipëri, duke shënuar rezultate pozitive gjatë 11 muajve të parë të vitit 2025.
Sipas Autoritetit Portual Durrës, volumi total i mallrave të përpunuara ka tejkaluar 3.5 milionë tonë, me një rritje prej 6.1% krahasuar me të njëjtën periudhë të vitit të kaluar. Kjo përkthehet në rreth 203 mijë ton mallra më shumë të trajtuara në katër terminalet portuale të Durrësit.
Gjatë kësaj periudhe janë regjistruar 2.664.265 ton mallra importi dhe 861.370 ton eksporte, duke konfirmuar rolin e portit si një qendër strategjike për furnizimin e tregut vendas dhe njëkohësisht si korridor i rëndësishëm për eksportin e produkteve shqiptare drejt tregjeve ndërkombëtare, thekson Autoriteti Portual i Durrësit.
Një ndikim të veçantë në rritje ka dhënë intensifikimi i importeve, të cilat janë rritur me 23.7%, duke reflektuar gjallërim të aktivitetit ekonomik dhe rritje të besueshmërisë së Portit të Durrësit si qendër logjistike e rëndësishme në rajon.
Edhe sektori i konteinerëve ka shënuar performancë pozitive. Gjatë periudhës janar–nëntor 2025 janë përpunuar 207.655 kontejnerë, me një rritje prej 14% krahasuar me të njëjtën periudhë të vitit të kaluar. Në terma tonazhi, në terminalin e konteinerëve janë trajtuar mbi 1.92 milionë tonë mallra, që përfaqëson një rritje prej 2.9%, duke dëshmuar rritje të qëndrueshme të flukseve të mallrave të konteinerizuara.
Rritje është vërejtur edhe në trafikun e pasagjerëve. Gjatë periudhës janar–nëntor 2025 janë regjistruar 726.824 udhëtarë, ose rreth 1% më shumë se një vit më parë. Sipas të dhënave të Autoritetit Portual Durrës, mbi 341 mijë pasagjerë janë regjistruar në hyrje të vendit, ndërsa 386 mijë të tjerë kanë udhëtuar drejt porteve italiane.
Në analizën progresive nëntor 2024 – nëntor 2025, janë realizuar 922 lundrime tragetesh nga dhe drejt Portit të Durrësit, duke konfirmuar rolin e portit në mbështetje të turizmit dhe lëvizjes ndërkufitare.
Një trend pozitiv është regjistruar edhe në transportin e mjeteve, ku gjatë janar–nëntor 2025 janë transportuar gjithsej 253,485 mjete, autovetura, kamionë dhe trailerë, me një rritje prej 5.967 mjetesh krahasuar me të njëjtën periudhë të vitit 2024.
Shqiptarët “ndanë” 759 milionë euro nga pagat - 11-mujori/ Mbushet arka e shtetit, nga 1 Janari rritet paga minimale
Të punësuarit në vend kanë paguar afro 759 milionë euro deri në muajin Nëntor si tatim mbi të ardhurat personale, ku peshën më të madhe e zë tatimi i pagave......
Bizneseve u kthehen 253 milionë euro - Rimbursimi i TVSH-së në 2025-ën, 80% e kërkesave u miratuan pa kontroll
1622 subjekte të në të gjithë vendin kanë përfituar rimbursim të Tatimit mbi Vlerën e Shtuar gjatë vitit 2025. Referuar të dhënave zyrtare nga Drejtoria e......
Një tjetër vit i vështirë për tregtinë globale? - Sipas ekspertëve, 2026 do të jetë viti i pasojave të tarifave
Sistemi global tregtar, që po përfundon një nga vitet e tij më transformuese të shekullit të kaluar, po shkon drejt një tjetri duke u përballur me më shumë......
FMN paralajmëron Serbinë - “Rrezikon goditjen fiskale nga zgjidhja e zgjatur e NIS”
Serbia përballet me një ndikim fiskal prej 1-2% të PBB-së nëse negociatat për çështjen e rafinerisë së saj të vetme të kontrolluar nga Rusia, NIS, të......
Greqia, 2.5% të turizmit global këtë vit - Të ardhurat nga sektori për dhjetë muaj arritën 22.4 miliardë euro
Pjesa e Greqisë në tregun global të turizmit vlerësohet në 2.5%, sipas një studimi nga Banka Kombëtare e Greqisë (NBG). Greqia pozicionohet në pesë vendet e......
Vendet me rritjet më të forta të pagave - Parashikimet për Evropën në vitin 2026
Pagat reale në eurozonë janë rikuperuar kryesisht pas rënies së ndjeshme gjatë periudhës së inflacionit të lartë të vitit 2022, sipas Bankës Qendrore......
Nga vijnë lodrat e fëmijëve? Kemi blerë më shumë se një vit më parë. Kina zë rreth 80% të peshës
Sezoni i festave ka ardhur dhe për shumë qytetarë blerja e lodrave është kthyer në një nga aktivitetet kryesore të kësaj periudhe. Kjo kohë e vitit......
Sa festa zyrtare do të ketë në 2026-ën? Banka e Shqipërisë publikon kalendarin. Shqipëria ndër vendet me më shumë festa në kontinent
Festat zyrtare përfaqësojnë disa nga ditët më të rëndësishme për çdo popull, pasi pasqyrojnë traditat, besimet dhe historinë e tij. Çdo vend ka kalendarin e......
