“Porta e Alpeve”, investimi 100 milionë euro që synon transformimin e Shkodrës dhe veriut të vendit
Në Parlament pritet të miratohet kredia për projektin strategjik “Porta e Alpeve”, një program investimesh me vlerë 100 milionë euro, i financuar nga Banka Evropiane e Investimeve dhe Qeveria Shqiptare, që synon transformimin urban, ekonomik dhe turistik të Shkodrës dhe rajonit verior të Shqipërisë.
Lajmi është bërë i ditur nga kryetari i Bashkisë Shkodër, Benet Beci, i cili e cilësoi programin si një nga projektet më të rëndësishme strategjike për zhvillimin e qëndrueshëm të rajonit.
Sipas Becit, pas një procesi përgatitor të nisur në fund të vitit 2023, Bashkia e Shkodrës, në bashkëpunim me Fondi Shqiptar i Zhvillimit, ekspertë vendas dhe ndërkombëtarë, ka ndërtuar një paketë projektesh që synojnë të ndryshojnë mënyrën e lëvizjes, jetesës dhe zhvillimit ekonomik në qytet dhe zonat përreth.
Ndër investimet kryesore të parashikuara janë transformimi i bulevardit kryesor të Shkodrës në një korridor të gjelbër multimodal, përfundimi i korridorit rrugor Shkodër–Velipojë me standarde moderne, modernizimi i transportit publik me 17 autobusë elektrikë, si dhe krijimi i një rrjeti biçikletash prej më shumë se 80 kilometrash që do të lidhë qytetin me liqenin, lumin Buna, Velipojën, Alpet dhe zonën e Nënshkodrës.
Programi parashikon gjithashtu zhvillimin e Sistemit të Muzeve të Shkodrës, duke integruar muzeumet, itineraret urbane dhe hapësirat publike në një rrjet kulturor e turistik. Projekti përfshin krijimin e muzeut të qytetit, muzeut dhe galerisë së arteve, si dhe restaurimin e muzeut historik në Shtëpinë e Oso Kukës.
Një tjetër komponent i rëndësishëm i paketës së investimeve lidhet me ndërtimin e parkimeve publike dhe përmirësimin e menaxhimit të trafikut, me synimin për të rritur aksesin dhe organizimin urban në qytet dhe zonat turistike.
Sipas Becit, këto investime, së bashku me projektet e tjera madhore që po zbatohen aktualisht, do ta afronin Shkodrën me standardet e qyteteve moderne evropiane dhe do të krijonin kushte për zhvillim ekonomik e turistik gjatë gjithë vitit. Ai falënderoi Qeverinë Shqiptare, Kryeministrin Edi Rama, Fondin Shqiptar të Zhvillimit dhe ekspertët e angazhuar për mbështetjen në realizimin e këtij vizioni zhvillimor.
Edhe 10 ditë afat për instalimin e POS/POI - Tatimet apel bizneseve të zbatojnë detyrimin cashless
Drejtoria e Përgjithshme e Tatimeve ka rikujtuar se kanë mbetur edhe 10 ditë nga afati ligjor për zbatimin e detyrimit të pagesave elektronike (cashless)......
Hoxha takim me ambasadorët e shteteve anëtare të BE-së: Angazhim për të thelluar reformat
Ministri për Evropën dhe Punët e Jashtme, Ferit Hoxha, së bashku me delegacionin e Bashkimit Evropian në vendin tonë, zhvilluan një diskutim me ambasadorët e......
Kursi i këmbimit/ Dollari amerikan humbet pikë. Forcohen Paundi e Franga
Dollari amerikan e ka nisur këtë ditë të enjte negativisht duke pësuar kështu një zbritje të ndjeshme të vlerës në raport me një ditë më parë teksa është......
IA po hyn me shpejtësi në vendet e punës/ Përdorimi në Shqipëri u rrit me 2.7% gjatë vitit 2026. Tejkalojmë mesataren globale
Inteligjenca artificiale po kthehet me shpejtësi në “energjinë” e re të ekonomisë globale, duke ndryshuar mënyrën se si njerëzit punojnë, mësojnë dhe......
Britania, marrëveshje tregtare me shtetet e Gjirit Persik - Ekonomia e vendit pritet të përfitojë rreth 3.7 miliardë paund
Mbretëria e Bashkuar ka arritur një marrëveshje tregtare me një grup prej gjashtë shtetesh të Gjirit Persik, e cila do të ketë një vlerë prej 3.7 miliardë......
Shërbimet TIK do të klasifikohen sipas kompleksitetit - Marzhe të reja për shërbimet e sigurisë kibernetike në administratë
Këshilli i Ministrave ka miratuar vendimin “Për përcaktimin e rregullave për pagesat e shërbimeve të ofruara nga shoqëria “Albanian Digital Solution”, sh.a.,......
SHBA shtoi përdorimin e qymyrit - E vetmja ekonomi e madhe me rritje të ndjeshme të konsumit në 2025
Bota ndërtoi dhe vuri në punë më shumë termocentrale me qymyr, por uli përdorimin e lëndës djegëse fosile shumë ndotëse, me Shtetet e Bashkuara të vetmen......
Rritja e të ardhurave reale në Evropë - Ekonomitë më të mëdha mbeten prapa, ndërsa Polonia dhe Portugalia kryesojnë
Vendet dhe institucionet ndjekin shumë tregues për të matur rritjen ekonomike, me rritjen e Prodhimit të Brendshëm Bruto (PBB) ndër më të vëzhguarit.......
